ପଶ୍ଚିମବଙ୍ଗର ରସଗୋଲାକୁ ଟକ୍କର ଦେବ ଓଡିଶା ରସଗୋଲ୍ଲା ! ଜଗନ୍ନାଥ ରସଗୋଲା ନାଁରେ ଜିଆଇ ଟ୍ୟାଗ ପାଇଁ ହେବ ଆବେଦନ
କନକ ବ୍ୟୁରୋ : ରଗଗୋଲା ଲଢ଼େଇରେ, ପଶ୍ଚିମବଙ୍ଗ ବାଜି ମାରିନେବା ପରେ, ବିକଳ୍ପ ପନ୍ଥା ବାହାର କରିଛନ୍ତି ଓଡ଼ିଶା ସରକାର । କେବଳ ବାଙ୍ଗଲାର୍ ରସଗୋଲା ନାଁରେ ଜିଆଇ ଟ୍ୟାଗ୍ ପାଇବା ପରେ ରାଜ୍ୟ ସରକାର, ଓଡ଼ିଶାର ରସଗୋଲାକୁ ଜଗନ୍ନାଥଙ୍କ ନାଁରେ ନାମିତ କରି ଜଗନ୍ନାଥ ରସଗୋଲା ନାଁରେ ଜିଆଇ ଟ୍ୟାଗ୍ ପାଇଁ ଆବେଦନ କରିବେ ।
Kanak News is now on WhatsApp
Join and get latest news updates delivered to you via WhatsApp
ବାଙ୍ଗଲାର ରସଗୋଲକୁ ଚ୍ୟାଲେଂଜ୍ କରିବା ସମୟର ଅପଚୟ ହେବ ବୋଲି ବିଚାର କରି ଓଡ଼ିଶା ସରକାର, ଜଗନ୍ନାଥ ରସଗୋଲା ନାଁରେଆଗକୁ ବଢ଼ିବାକୁ ନିଷ୍ପତି ନେଇଛନ୍ତି । ପୂର୍ବ ଚର୍ଚ୍ଚା ଅନୁସାରେ, ପାହାଳ ରସଗୋଲା ନାଁରେ ମଧ୍ୟ ଜିଆଇ ଟ୍ୟାଗ୍ ଆବେଦନ କରିବେ ନାହିଁ କାରଣ, ବର୍ତ୍ତମାନ ସମୟରେ ଏହାର କୌଣସି ଐତିହାସକ ତଥ୍ୟ ମିଳିପାରି ନାହିଁ । ଅନ୍ୟପକ୍ଷରେ ଜଗନ୍ନାଥଙ୍କ ନାଁରେ ଆବେଦନ କଲେ ଯଥେଷ୍ଟ ଐତିହାସିକ ତଥ୍ୟ ରହିଛି । ସଂପୃକ୍ତ ଆଇନର ଧାରା ୧୧ ଅନୁସାରେ ପୁରୀ ଶ୍ରୀମନ୍ଦିର ପ୍ରଶାସନ, କିମ୍ବା ସେବାୟତ ସଂଘ ଜଗନ୍ନାଥ ରସଗୋଲାର ଜିଆଇ ଟ୍ୟାଗ୍ ପାଇଁ ଆବେଦନ କରିପାରନ୍ତି । ଏନେଇ ସରକାର ସମସ୍ତ ସହୟତା ଯୋଗଇ ଦେଇଦେବେ ।