ମହାରାଷ୍ଟ୍ର ରାଜନୀତିରେ ରୋଚକ ଦୃଶ୍ୟ, ସିନ୍ଦେଙ୍କ ସହ ହାତ ମିଳାଇଲେ ବାଲାସାହେବ ଠାକରେଙ୍କ ନାତି
କନକ ବ୍ୟୁରୋ : ଶିବସେନାର ସଂସ୍ଥାପକ ବାଲା ସାହେବ ଠାକରେଙ୍କ ନାତି ନିହାର ଠାକରେ ଆଜି ସିନ୍ଦେଙ୍କ ସହ ହାତ ମିଳାଇଛନ୍ତି । ଏହି ଅବସରରେ ନିହାର କହିଛନ୍ତି କି ମୁଁ ଶିବସେନାର ଏକନାଥ ସିନ୍ଦେଙ୍କ ଗ୍ରୁପକୁ ସମର୍ଥନ କରୁଛି । ଏହାସହ ଆଗାମୀ ଅନେ୍ଧରୀ ପୂର୍ବ ବିଧାନସଭା ଉପ ନିର୍ବାଚନ ଓ ମୁମ୍ବାଇ ନଗର ନିଗମ ନିର୍ବାଚନରେ ସିନ୍ଦେ ଗ୍ରୁପ ପାଇଁ ପ୍ରଚାର କରିବି ବୋଲି ସେ କହିଛନ୍ତି । ଏହାସହ ନିର୍ବାଚନ ରାଜନୀତିରେ ଯୋଗ ଦେବେ କି ନାହିଁ ବୋଲି ଗଣମାଧ୍ୟମର ପ୍ରଶ୍ନକୁ ସେ ସମ୍ପୂର୍ଣ୍ଣ ଏଡାଇ ଯାଇ ନାହାଁନ୍ତି । ସୂଚନା ଥାଉକି ଅନେ୍ଧରୀ ପୂର୍ବ ବିଧାନସଭା ଆସନ ପାଇଁ ନଭେମ୍ବର ୩ ତାରିଖରେ ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏଥିରେ ସନ୍ଦେଙ୍କ ସମର୍ଥନରେ ମୁର୍ଜି ପଟେଲ ପ୍ରାର୍ଥୀ ହୋଇଛନ୍ତି, ଯାହାକୁ ବିଜେପି ମଧ୍ୟ ସମର୍ଥନ କରିଛି । ସେପଟେ ଉଦ୍ଧବ ଠାକରେଙ୍କ ସମର୍ଥନରେ ରୁତୁଜା ଲଟକେ ପ୍ରାର୍ଥୀ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି, ଚଳିତବର୍ଷ ଜୁନ ମାସରେ ଉଦ୍ଧବ ଠାକରେ ସହ ବିଦ୍ରୋହ କରି ଏକନାଥ ସିନ୍ଦେ ଅଲଗା ହୋଇଯାଇଥିଲେ । ଏହାପରେ କିଛି ବିଧାୟକ ଏକନାଥ ସିନ୍ଦେଙ୍କ ସମର୍ଥନ କରିବାରୁ ଉଦ୍ଧବଙ୍କ ସରକାର ଭାଙ୍ଗି ଯାଇଥିଲା । ସେପଟେ ବିଜେପି ସମର୍ଥନରେ ଏକନାଥ ସିନ୍ଦେ ମୁଖ୍ୟମନ୍ତ୍ରୀ ହୋଇଥିଲେ । ଆଜି ଯେଉଁ ନିହାର ଠାକରେ ସିନ୍ଦେଙ୍କ ସହ ହାତ ମିଳାଇଛନ୍ତି ସେ ହେଉଛନ୍ତି ବାଲାସାହେବ ଠାକରେଙ୍କ ବଡ ପୁଅ ବିନ୍ଦୁମାଧବ ଠାକରେଙ୍କ ପୁଅ । ବିନ୍ଦୁମାଧବଙ୍କର କିଛିବର୍ଷ ତଳେ ଏକ ଦୁର୍ଘଟଣାରେ ମୃତ୍ୟୁ ହୋଇଥିଲା । ନିହାର ପେଶାରେ ଜଣେ ଓକିଲ । ଏବେ ସୁପ୍ରିମକୋର୍ଟରେ ଅସଲି ଶିବସେନା କିଏ ବୋଲି ସିନ୍ଦେ ଓ ଉଦ୍ଧବଙ୍କ ମଧ୍ୟରେ ଚାଲିଥିବା ଆଇନଗତ ଲଢେଇରେ ସିନ୍ଦେଙ୍କ ତରଫରୁ ଲଢୁଥିବା ଓକିଲ ଟିମରେ ଅଂଶିଦାର ।