ଉଦ୍ଧବଙ୍କ ଆବେଦନକୁ ଖାରଜ କଲେ ଅର୍ଥର ଜେଲ ମୁଖ୍ୟ, କହିଲେ ଜେଲ ଭିତରେ ସଞ୍ଜୟଙ୍କୁ ଭେଟିପାରିବେନି ଉଦ୍ଧବ
କନକ ବ୍ୟୁରୋ : ଅର୍ଥ ହେରଫେର ମାମଲାରେ ଏବେ ଜେଲରେ ରହିଛନ୍ତି ଶିବସେନା ନେତା ତଥା ରାଜ୍ୟସଭା ସାଂସଦ ସଂଜୟ ରାୱତ । ଏହି କ୍ରମରେ ସଂଜୟଙ୍କୁ ଜେଲରେ ଭେଟିବାକୁ ମହାରାଷ୍ଟ୍ର ପୂର୍ବତନ ମୁଖ୍ୟମନ୍ତ୍ରୀ ତଥା ଶିବସେନା ମୁଖ୍ୟ ଉଦ୍ଧବ ଠାକରେ ଅର୍ଥର ଜେଲ କର୍ତ୍ତୁପକ୍ଷଙ୍କ ନିକଟରେ ଏକ ଆବେଦନ କରିଥିଲେ । ହେଲେ ଉଦ୍ଧବଙ୍କର ଏହି ଆବେଦନକୁ ଖାରଜ କରିଦେଇଛନ୍ତି ଅର୍ଥର ଜେଲ ମୁଖ୍ୟ ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଅର୍ଥର ଜେଲ କର୍ତ୍ତୁପକ୍ଷ କହିଛନ୍ତି କି ଯଦି ଉଦ୍ଧବ ଠାକରେ ସଂଜୟ ରାୱତଙ୍କୁ ଜେଲରେ ଭେଟିବାକୁ ଚାହାଁନ୍ତି ତେବେ ତାଙ୍କୁ କୋର୍ଟରୁ ଅନୁମତି ଆଣିବାକୁ ପଡିବ । ଏହାସହ ଜେଲରଙ୍କ ରୁମରେ ସଂଜୟଙ୍କ ସହ ବୈଠକ କରିବା କଦାପି ସମ୍ଭବ ନୁହେଁ ବୋଲି ଜେଲ କର୍ତ୍ତୁପକ୍ଷ ସ୍ପଷ୍ଟ କରିଦେଇଛନ୍ତି । ଯଦି କୋର୍ଟ ଅନୁମତି ଦିଅନ୍ତି ତେବେ ସାଧାରଣ କଏଦୀଙ୍କ ଭଳି ସଂଜୟ ରାୱତ କେବଳ ଜାଲି ଫାଙ୍କରେ ଉଦ୍ଧବ ଠାକରେଙ୍କ ସହ କଥା ହୋଇପାରିବେ ।
ସେପଟେ ଜେଲ ସୂତ୍ରରୁ ମିଳିଥିବା ସୂଚନା ମୁତାବକ ସଂଜୟଙ୍କୁ ଭେଟିବାକୁ ଉଦ୍ଧବ ଠାକରେ କୌଣସି ଲିଖିତ ଆବେଦନ କରି ନାହାଁନ୍ତି । କେବଳ କେହି ଜଣେ ଉଦ୍ଧବ ଠାକରେଙ୍କ ତରଫରୁ ଫୋନ କରି କହିଥିଲେ କି ଉଦ୍ଧବ ଠାକରେ ସଂଜୟ ରାୱତଙ୍କୁ ଏସପି କାର୍ଯ୍ୟାଳୟରେ ଭେଟିବାକୁ ଚାହୁଁଛନ୍ତି ।