କନକ ବ୍ୟୁରୋ: ଶିକ୍ଷକ ନିଯୁକ୍ତି ଘୋଟାଲା ମାମଲାରେ ଅଭିନେତ୍ରୀ ଅର୍ପିତା ମୁଖାର୍ଜୀଙ୍କ ଅଡୁଆ ବଢିବାରେ ଲାଗିଛି । କୋଲକାତାର ଡାଇମଣ୍ଡ ସିଟି ଫ୍ଲାଟ୍ ୪ଟି ଦାମୀ କାର ଗାଏବ ହୋଇଯିବା ପରେ ଅର୍ପିତାଙ୍କ ଅଡୁଆ ବଢିଛି । ଇଡି ଅଧିକାରୀଙ୍କ କହିବା ମୁତାବକ, ଏସବୁ କାରମାନଙ୍କରେ ଟଙ୍କା ଭର୍ତ୍ତି ହୋଇଥିଲା । ଏହି ଘଟଣା ପରେ ଆଖପାଖର ସବୁ ସିସିଟିଭି ଫୁଟେଜକୁ ଯାଞ୍ଚ କରୁଛି ଇଡି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପ୍ରବର୍ତ୍ତନ ନିର୍ଦ୍ଦେଶାଳୟ ପଶ୍ଚିମବଙ୍ଗ ପୂର୍ବତନ ଶିକ୍ଷା ମନ୍ତ୍ରୀ ପାର୍ଥ ଚାଟାର୍ଜୀର ଘନିଷ୍ଠ ସହଯୋଗୀ ଅର୍ପିତା ମୁଖାର୍ଜୀ ଆବାସରେ ଚଢଉ କରିବା ପରେ ତାଙ୍କର ଅନ୍ୟ ଏକ ଆପାର୍ଟମେଣ୍ଟରେ ଚଢଉ କରିଥିଲା । ପ୍ରଥମ ଫ୍ଲାଟରୁ ୨୮ କୋଟି ଜବତ କରିବା ପରେ ଏହି ଆପାର୍ଟମେଣ୍ଟରୁ ୨୧ କୋଟି ଟଙ୍କା ଜବତ ହୋଇଥିଲା । ଖାଲି ଏତିକି ନୁହେଁ ପୁଳା ପୁଳା ସୁନା ମଧ୍ୟ ଜବତ ହୋଇଥିଲା ।