କନକ ବ୍ୟୁରୋ : ସମ୍ବଲପୁର ବିଶ୍ୱ ବିଦ୍ୟାଳୟର କୁଳପତି ସଞ୍ଜୀବ ମିତଲଙ୍କ ଗିରଫ ଦାବି । ସମ୍ବଲପୁର ଓ ବୁର୍ଲାର ବିଭିନ୍ନ ସ୍ଥାନରେ ଭିସିଙ୍କୁ ବିରୋଧ କରି ବିଭିନ୍ନ କାନ୍ଥରେ ପୋଷ୍ଟର ମରାଯାଇଛି । ଯେଉଁଥିରେ ଭିସିଙ୍କୁ ଚୋର ବୋଲି ଉଲ୍ଲେଖ ରହିଛି । ତାଙ୍କୁ ଖୁବଶୀଘ୍ର ଗିରଫ କରିବାକୁ ଦାବି ହୋଇଛି । ତେବେ କିଏ ଏପରି ପୋଷ୍ଟର ଲଗାଇଛି ତାହା ଜଣାପଡିନି । କିଛିଦିନ ପୂର୍ବରୁ ପରୀକ୍ଷା ପ୍ରଶ୍ନପତ୍ର ଲିକ ହୋଇଥିଲା । ଏବେ କୁଳପତି ଛୁଟିରେ ରହିବା ଘଟଣା ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ, ସ୍ୱଚ୍ଛ ବିଦ୍ୟାଳୟ ଅଭିଯାନ ପ୍ରକଳ୍ପର ଟଙ୍କା ହେରଫେର କରିବା ତାଙ୍କ ପାଇଁ ବେଶୀ ସମସ୍ୟା ସୃଷ୍ଟି କରିଥିଲା । ଏହି ପ୍ରକଳ୍ପରେ ଥିବା ଟଂକାକୁ ସେ ନିକଟ ସଂପର୍କୀୟଙ୍କ ପାଖକୁ ଦୁଇଟି ପର୍ଯ୍ୟାୟରେ ପଠାଇଥିଲେ । ବିବାଦ ବଢିବା ପରେ ୨୯ ଲକ୍ଷ ଟଙ୍କା ପୁଣି ବିଶ୍ୱବିଦ୍ୟାଳୟ ଆକାଉଣ୍ଟକୁ ଫେରାଇବା ଘଟଣାର ତାଙ୍କ ପାଇଁ ବେଶୀ ଅପମାନଜନକ ସ୍ଥିତି ସୃଷ୍ଟି କରିଥିଲା । ଏଭଳି ସ୍ଥିତିରେ ଗତକାଲି ସମ୍ବଲପୁର ବିଶ୍ୱବିଦ୍ୟାଳୟ ପରିସରରେ କେତେକ ଜାଗାରେ ପୋଷ୍ଟର ଲଗାଯାଇଛି । ସମ୍ବଲପୁର ଜିଲ୍ଳାପାଳଙ୍କ କାର୍ଯ୍ୟାଳୟ ନିକଟସ୍ଥ ଫ୍ଲାଇ ଓଭରର ପିଲାରରେ ପ୍ରଫେସର ମିତଲଙ୍କ ଫଟୋ ଥିବା କେତେକ ପୋଷ୍ଟର ଦେଖିବାକୁ ମିଳିଛି । ଯେଉଁଥିରେ ତାଙ୍କର ଗିରଫ ଦାବି ହୋଇଛି ।