ନାନୋ ୟୁରିୟା ଭଳି ଏବେ ଇଫକୋ ପ୍ରସ୍ତୁତ କରିବ ନାନୋ ଡିଏପି, କାରଖାନାର ଶିଳାନ୍ୟାସ କଲେ ଗୃହମନ୍ତ୍ରୀ
କନକ ବ୍ୟୁରୋ : ଚାଷୀଭାଇମାନଙ୍କ ପାଇଁ ଖୁସିଖବର । ଏବେ ନାନୋ ୟୁରିୟା ଭଳି ଚାଷୀଙ୍କୁ ମିଳିବ ନାନୋ ଡିଏପି । ଏନେଇ ଇଫକୋ କମ୍ପାନୀ ତାର ପ୍ରସ୍ତୁତି ଆରମ୍ଭ କରିଦେଇଛି । ଗୁଜରାଟର ଗାନ୍ଧୀଧାମ ଠାରେ ଇଫକୋ ଦ୍ୱାରା ଆରମ୍ଭ କରାଯାଇଥିବା ନାନୋ ଡିଏପି କାରଖାନାର ଶିଳାନ୍ୟାସ କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହା । ଏହି ପ୍ଲାଣ୍ଟ ୭୦ ଏକ ଜମି ଉପରେ ନିର୍ମାଣ କରାଯିବ । ଏବେ ଚାଷୀଭାଇମାନେ ୫୦ କିଲୋ ଡିଏପି ସ୍ଥାନରେ ମାତ୍ର ଅଧାଲିଟର ନାନୋ ଡିଏପି ବ୍ୟବହାର କରିପାରିବେ । ଗୋଟିଏ ବର୍ଷ ମଧ୍ୟରେ ଏହି କାରଖାନା କାର୍ଯ୍ୟକ୍ଷମ ହେବ ବୋଲି ଶିଳାନ୍ୟାସ ଉତ୍ସବରେ ଗୃହମନ୍ତ୍ରୀ କହିଛନ୍ତି । ଏହି ପ୍ଲାଣ୍ଟ ତାର ଉତ୍ପାଦନ ଆରମ୍ଭ କରିବା ପରେ ଏହା ଜୈବିକ ଚାଷକୁ ପ୍ରୋତ୍ସାହିତ କରିବ । ଗୃହମନ୍ତ୍ରୀ କହିଛନ୍ତି କି, ଏହା ବିଶ୍ୱର ସର୍ବବୃହତ ନାନୋ ଡିଏପି କାରଖାନା ହେବ ।
Kanak News is now on WhatsApp
Join and get latest news updates delivered to you via WhatsApp
ଶିଳାନ୍ୟାସ ଉତ୍ସବରେ ଯୋଗଦେଇ ଗୃହମନ୍ତ୍ରୀ କହିଛନ୍ତି କି ଯେମିତି ବି ହେଉ ଦେଶବାସୀଙ୍କୁ ଆତ୍ମନିର୍ଭର କରାଇବାରେ ସକରାର ପ୍ରଚେଷ୍ଠା ଚଳାଇଛନ୍ତି । ଏଭଳି କୋ-ଅପରେଟିଭ ସେକ୍ଟରଗୁଡିକ ଦେଶର ଚାଷୀଙ୍କ ଆୟ ବୃଦ୍ଧି କରିବାରେ ବଡ ଭୂମିକା ନିଭାଉଛନ୍ତି ।
ଏହି ନାନୋ ଡିଏପି ଚାଷୀଭାଇଙ୍କ ପାଖରେ ପହଂଚିବା ପରେ ଚାଷୀଭାଇମାନଙ୍କୁ ଆଉ କୁଇଣ୍ଟାଲ କୁଇଣ୍ଟାଲ ଡିଏପି ସାର ବ୍ୟବହାର କରିବାକୁ ପଡିବ ନାହିଁ । କାରଣ ୫୦ କେଜି ଡିଏପି ସ୍ଥାନରେ ମାତ୍ର ଅଧାଲିଟର ନାନୋ ଡିଏପି ବ୍ୟବହାର କରିପାରିବେ ଦେଶର ଚାଷୀଭାଇମାନେ । ଏହାଦ୍ୱାରା ପରିବହନ ଖର୍ଚ୍ଚ ମଧ୍ୟ କମିବ । ସେପଟେ ଇଫକୋ ତରଫରୁ ଆରମ୍ଭ କରାଯାଇଥିବା ଡ୍ରୋନ ମାଧ୍ୟମରେ ସାର ଓ କୀଟନାଷକ ସିଂଚନକୁ ମଧ୍ୟ ପ୍ରଶଂସା କରିଥିଲେ ଗୃହମନ୍ତ୍ରୀ ।