ସ୍ୱାମୀ କରୁଥିଲା ଦୁଷ୍କର୍ମ, ସ୍ତ୍ରୀ କରୁଥିଲା ସୁଟିଂ: ପ୍ରତିଶୋଧ ପାଇଁ ଦୁଷ୍କର୍ମ ଅଭିଯୋଗ, ୫ ମାସର ଗର୍ଭବତୀ ମହିଳାଙ୍କୁ ଦୁଷ୍କର୍ମ!
କନକ ବ୍ୟୁରୋ: ନବରଙ୍ଗପୁର ଜିଲ୍ଲାରୁ ଆସିଥିବା ଏହି କାହାଣୀର ଚିତ୍ର ଏତେ ଭୟଙ୍କର ଯେ, ଯାହାର ଚିତ୍ର ସାମ୍ବାଦିକ ଭାବେ ଆମେ ଦେଖାଇପାରିବୁ ନା’ ସଭ୍ୟ ସମାଜ ଏହାକୁ ଗ୍ରହଣ କରିପାରିବ । ଅଭିଯୋଗ ଅନୁସାରେ- ୫ ମାସର ଗର୍ଭବତୀ ମହିଳାଙ୍କୁ ଦୁଷ୍କର୍ମ କରୁଥିଲା ସ୍ୱାମୀ, ଆଉ ଏହି ଘୃଣ୍ୟ ମୁହୁର୍ତକୁ ମୋବାଇଲ କ୍ୟାମେରାରେ କଏଦ କରୁଥିଲେ ସ୍ତ୍ରୀ । ପ୍ରତିଶୋଧ ନେବା ପାଇଁ ବିଶ୍ୱାସରେ ବିଷ ଦେଇ, ଜଣେ ଗର୍ଭବତୀଙ୍କୁ ଦୁଷ୍କର୍ମ କରଯାଇଥିବା ଅଭିଯୋଗ ହୋଇଛି ।
ଲୋଲିଆ ରଞ୍ଜିକର । ଯିଏ ଗର୍ଭବତୀ ମହିଳାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ପଦ୍ମା ରଞ୍ଜିପର । ସେ ଅଭିଯୁକ୍ତଙ୍କ ସ୍ତ୍ରୀର ପରିଚୟ । ଏହି ଦୁଇ ଜଣ ଚକ୍ରାନ୍ତ କରି, ପୀଡ଼ିତାକୁ ନବରଙ୍ଗପୁର ନେଇ ଯାଇଥିଲେ । ଆଉ ସେଠି ପ୍ରତିଶୋଧ ନେବା ପାଇଁ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଯଦିଓ ଏହି ଦୁଷ୍କର୍ମ ପାଇଁ କେଉଁ ଘଟଣାର ପ୍ରତିଶୋଧ ପାଇଁ ନିଆଯାଇଥିଲା, ତାହା ବିଧିବଦ୍ଧ ଭାବେ ସ୍ପଷ୍ଟ ହୋଇନଥିଲେ ବି ପ୍ରତିଶୋଧର ଗୋଟିଏ କାରଣକୁ ନେଇ ଏବେ ଚର୍ଚ୍ଚା ହେଉଛି । କୁହାଯାଉଛି, ପୀଡ଼ିତାଙ୍କ ସ୍ୱାମୀ ବହୁ ଦିନ ପୂର୍ବରୁ କୁଆଡେ ଏହି ଆଶାକର୍ମୀଙ୍କୁ ଅଭଦ୍ର ବ୍ୟବହାର କରିଥିଲେ । ଏହି ଘଟଣାରେ ରାଗି ଯାଇ, ସ୍ୱାମୀଙ୍କ ସହ ମିଶି, ପ୍ରତିଶୋଧ ନେବା ପାଇଁ ଦୁଷ୍କର୍ମ କରିଥିବା ଚର୍ଚ୍ଚା ହେଉଛି ।
ଅଭିଯୁକ୍ତର ସ୍ତ୍ରୀ ପଦ୍ମା ରଞ୍ଜିକର ଆଶା କର୍ମୀ ହୋଇଥିବାରୁ ସ୍ୱାସ୍ଥ୍ୟ ଯାଂଚ ଆଳରେ ପୀଡ଼ିତାଙ୍କ ଘରକୁ ଯାଇଥିଲେ । ଆଉ ତାଙ୍କୁ ସ୍ୱାସ୍ଥ୍ୟ ଯାଂଚ ପାଇଁ ନବରଙ୍ଗପୁର ଜିଲ୍ଲା ହସ୍ପିଟାଲକୁ ଯିବା ପାଇଁ କହିଥଲେ । ସ୍ୱାସ୍ଥ୍ୟକର୍ମୀ ହୋଇଥିବାରୁ ପୀଡ଼ିତାଙ୍କ କୌଣସି ସନ୍ଦେହ ହୋଇନଥିଲା । ତେବେ ନବରଙ୍ଗପୁର ଯିବା ବାଟରେ ଅଚାନକ୍ ପୀଡ଼ିତାକୁ ବରଗାଁ ଛକରେ ଓହ୍ଲାଇବାକୁ କହିଥିଲେ ଆଶାକର୍ମୀ । ଆଉ ସେଠି ଛକିଥିଲେ ଅଭିଯୁକ୍ତ ଲୋଲିଆ । ବାଇକ୍୍ରେ ଉଭୟଙ୍କୁ ନବରଙ୍ଗପୁରର ଜଣେ ସମ୍ପକୀୟଙ୍କ ଘରେ ପୀଡ଼ିତାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।