ପୁଲିସ ମାଡରେ ଗୁରୁତର ଯୁବକର ମୃତ୍ୟୁ: ଏସସିବିରେ ଆଖି ବୁଜିଲେ ନରସିଂହପୁର ମାଳିସାହିର ଆକୁଳ ସେନାପତି
ନରସିଂହପୁର : ପୁଲିସ ମାଡରେ ଗୁରୁତର ହୋଇଥିବା ନରସିଂହପୁରର ଆକୁଳ ସେନାପତିଙ୍କ ମୃତ୍ୟୁ ହୋଇଛି । ଗତକାଲି ବିଳମ୍ବିତ ରାତିରେ ସେ ଆଖି ବୁଜିଛନ୍ତି । ଗତ ୬ ତାରିଖ ଦିନ ନରସିଂହପୁର ଥାନାରେ ଆକୁଳ ସେନାପତିଙ୍କ ନାଁରେ ଜଣେ ମହିଳା ଅଭିଯୋଗ ଆଣିଥିଲେ । ୯ ତାରିଖ ଦିନ ନରସିଂହପୁର ଥାନା ପୁଲିସ ଆକୁଳଙ୍କୁ ମାଳିସାହି ଅଂଚଳରୁ ଗିରଫ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେହିଦିନ ରାତିରେ ପୁଲିସ ତାଙ୍କୁ ଗୁରୁତର ଭାବେ ପିଟିଥିବା ବେଳେ ତାଙ୍କ ମୁଣ୍ଡ ଆଉ ଛାତିରେ ଆଘାତ ଲାଗିଥିବା ଅଭିଯୋଗ ହୋଇଥିଲା । ଏହା ପରେ ତାଙ୍କୁ ଏସସିବିରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ଗତକାଲି ବିଳମ୍ବିତ ରାତିରେ ତାଙ୍କର ମୃତ୍ୟୁ ହୋଇଛି । ପୁଲିସ ତାଙ୍କୁ ପିଟିପିଟି ମାରିଦେଇଥିବା ଆକୁଳଙ୍କ ପରିବାର ଲୋକ ଅଭିଯୋଗ କରିଛନ୍ତି ଏବଂ କ୍ଷତିପୂରଣ ଦାବି କରିଛି ।