ଶିଶୁଙ୍କ ଶରୀରରେ କୋଭାକ୍ସିନ ଟିକାର ପରୀକ୍ଷଣ : ଆଜିଠାରୁ ଦିଲ୍ଲୀ ଏମ୍ସରେ ଆରମ୍ଭ ହେବ ୬ରୁ ୧୨ ବର୍ଷ ପିଲାଙ୍କ ଚୟନ
ଶିଶୁଙ୍କ ଶରୀରରେ କୋଭାକ୍ସିନ ଟିକାର ପରୀକ୍ଷଣ । ଆଜିଠାରୁ ଦିଲ୍ଲୀର ଏମ୍ସ ମେଡିକାଲରେ କୋଭାକ୍ସିନର କ୍ଲିନିକାଲ ପରୀକ୍ଷା ପାଇଁ ୬ ରୁ ୧୨ ବର୍ଷ ବୟସର ପିଲାମାନଙ୍କର ସ୍କ୍ରିନିଂ ଆରମ୍ଭ କରିବ । ୧୨-୧୮ ବର୍ଷ ବୟସର ପିଲାମାନଙ୍କ ପାଇଁ କୋଭାକ୍ସିନର ଗୋଟିଏ ମାତ୍ରା ପାଇଁ କ୍ଲିନିକାଲ୍ ପରୀକ୍ଷା ଶେଷ କରିସାରିଛି । ଭାରତର ଡ୍ରଗ୍ ରେଗୁଲେଟର, ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (ଡିସିଜି) ଅନୁମତି ଦେବା ପରେ ୧୨-୧୮ ବର୍ଷ ବୟସର ପିଲାମାନଙ୍କ ମଧ୍ୟରେ କୋଭାକ୍ସିନର ଏକ ମାତ୍ର ଡୋଜର ପରୀକ୍ଷା ପାଇଁ ଜୁନ୍ ୭ ରେ ନୂଆଦିଲ୍ଲୀର ଏମ୍ସରେ ଆରମ୍ଭ ହୋଇଥିଲା ଟିକାର ଦ୍ୱିତୀୟ ଏବଂ ୩ କ୍ଲିନିକାଲ୍ ପରୀକ୍ଷା ।
Kanak News is now on WhatsApp
Join and get latest news updates delivered to you via WhatsApp
ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ ସହଯୋଗରେ ହାଇଦ୍ରାବାଦ ସ୍ଥିତ ଭରତ ବାୟୋଟେକ୍ ଦ୍ୱାରା ବିକଶିତ ହୋଇଥିବା କୋଭାକ୍ସିନ୍ ଚଳିତ ବର୍ଷ ଜାନୁଆରୀ ୧୬ ରୁ ଆରମ୍ଭ ହୋଇଥିବା ଭାରତର କୋଭିଡ୍ ଟୀକାକରଣ ଡ୍ରାଇଭରେ ବୟସ୍କମାନଙ୍କ ଉପରେ ବ୍ୟବହାର କରାଯାଉଛି । ଭାରତ ବାୟୋଟେକ୍ କହିଛି ଯେ କୋଭାକ୍ସିନର ବୈଜ୍ଞାନିକମାନଙ୍କ ଏବଂ ପ୍ରତିବଦ୍ଧତା ସ୍ୱଚ୍ଛ ଏବଂ କମ୍ପାନୀ ଏହାର ସୁରକ୍ଷା ଏବଂ କାର୍ୟ୍ୟକାରିତା ଉପରେ ଏପର୍ୟ୍ୟନ୍ତ ନଅଟି ଅନୁସନ୍ଧାନ ଅଧ୍ୟୟନ ପ୍ରକାଶ କରିଛି।
କ୍ଲିନିକାଲ ପରୀକ୍ଷଣ ପାଇଁ ପ୍ରତି ଗ୍ରୁପ ( ୨-୬, ୬-୧୨, ୧୨-୧୮) ରେ ୧୭୬ ଜଣ ଲେଖାଏଁ ସ୍ବେଚ୍ଛାସେବୀଙ୍କୁ ଚୟନ କରାଯ଼ାଇଛି । ଗତ ମେ ୧୨ରେ ଭାରତର ଔଷଧ ମହାନିୟନ୍ତ୍ରକ ୧୮ ବର୍ଷରୁ କମ ବୟସର ପିଲାମାନଙ୍କ ଶରୀରରେ କୋଭାକ୍ସିନ ପରୀକ୍ଷଣକୁ ଅନୁମତି ଦେଇଥିଲେ ।