କନକ ବ୍ୟୁରୋ : ଆସନ୍ତାକାଲି ମୁସଲମାନ୍ ସମ୍ପ୍ରଦାୟର ସବୁଠାରୁ ବଡ଼ ପର୍ବ ଇଦ୍ । ଏଥିପାଇଁ ସବୁଠି ପ୍ରସ୍ତୁତି ଜୋରଦାର କରାଯାଇଛି । ତେବେ ସମ୍ବଲପୁରରେ ଏଥର ଇଦ୍-ଅଲ୍-ଫିତର ପର୍ବ ଫିକା ପଡ଼ିବ । ସଂସ୍କୃତିର ସହର ସମ୍ବଲପୁରରେ ଇଦ୍ ପାଇଁ ପୋଲିସ ଓ ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସାମ୍ପ୍ରଦାୟିକ ପରିସ୍ଥିତିକୁ ଦୃଷ୍ଟିରେ ରଖି ଚଳିତ ବର୍ଷ ନମାଜ ସହରରେ ଥିବା ବିଭିନ୍ନ ମସଜିଦ ଭିତରେ ସୀମିତ ରଖିବାକୁ ପ୍ରଶାସନର ପ୍ରସ୍ତାକୁ ମୁସଲମାନ ସମ୍ପ୍ରଦାୟ ଗ୍ରହଣ କରିଛନ୍ତି । ତେବେ ଇଦ୍ ବେଳେ ସାର୍ବଜନୀନ ସ୍ଥାନ ବଦଳରେ କେବଳ ମସଜିଦରେ ଭିତରେ ନମାଜ ପାଠ କରିବାକୁ ନିଷ୍ପତ୍ତି ନିଆଯାଇଛି । ସହରରେ ଥିବା ଇଦଗାହରେ ସାମୂହିକ ନମାଜ ପାଠକୁ ବି ବାରଣ କରାଯାଇଛି । ଇଦ୍ ସମୟରେ କୌଣସି ବିଶୃଙ୍ଖଳା ସୃଷ୍ଟିରୁ ବିରତ ରହିବାକୁ ଚେତାବନୀ ଦେଇଛି ପ୍ରଶାସନ ।