କନକ ବ୍ୟୁରୋ: ୧୮ ବର୍ଷ ପରେ ଛାତ୍ରଛାତ୍ରୀଙ୍କୁ ସମ୍ପୂର୍ଣ୍ଣ ସ୍ୱାଧିନତା ଦେବା ଉଚିତ୍ ନୁହେଁ ବୋଲି କେରଳ ହାଇକୋର୍ଟରେ ସତ୍ୟପାଠ ଦାଖଲ କରିଛନ୍ତି କେରଳ ସାଇନ୍ସ ଓ ହେଲ୍ଥ ୟୁନିଭର୍ସିଟି । ୧୮ ବର୍ଷରେ ପିଲାଙ୍କ ପରିପକ୍ୱତା ଆସି ନଥାଏ । ତେଣୁ ଏହି ବୟସରେ ପିଲାଙ୍କୁ ପୂର୍ଣ୍ଣ ସ୍ୱାଧିନତା ଦେବା କଥା ନୁହେଁ । ସୂଚନାଯୋଗ୍ୟ ଯେ, ୧୮ ବର୍ଷ ପରେ ଯୁବକ ଯୁବତୀ ନିଜକୁ ବଡ ବୋଲି ମନେକରନ୍ତି । ୧୮ ବର୍ଷ ପରେ ଭୋଟ୍ ଦେଇ ନିଜ ନେତା ନିଜେ ବାଛିବାର ଅଧିକାର ପାଉଥିବାରୁ ଅନେକ ନିଜ ନିଷ୍ପତି ନିଜେ ନେବା କଥା କୁହନ୍ତି ।
Kanak News is now on WhatsApp
Join and get latest news updates delivered to you via WhatsApp
୧୮ ବର୍ଷ ବୟସରେ ଜଣଙ୍କୁ ପୂର୍ଣ୍ଣ ସ୍ୱାଧୀନତା ଦେବା ସମାଜରେ ହିତକର ନୁହେଁ ବୋଲି କେରଳ ସ୍ୱାସ୍ଥ୍ୟ ବିଜ୍ଞାନ ବିଶ୍ୱବିଦ୍ୟାଳୟ କୋଝିକୋଡ ମେଡିକାଲ କଲେଜର ଛାତ୍ରୀମାନଙ୍କ ଆବେଦନର ଶୁଣାଣି କରୁଥିବାବେଳେ କଲେଜ ପକ୍ଷରୁ ଏହା କୁହାଯାଇଛି । ବିଶ୍ୱବିଦ୍ୟାଳୟ ତରଫରୁ ସତ୍ୟପାଠରେ କୁହାଯାଇଛି…
- ଛାତ୍ରଛାତ୍ରୀମାନେ ରାତିରେ ବୁଲିବା ଗ୍ରହଣୀୟ ନୁହେଁ
- ୧୮ ବର୍ଷରେ ଛାତ୍ରଛାତ୍ରୀଙ୍କ ମସ୍ତିଷ୍କ ପରିପକ୍ୱ ହୋଇନଥାଏ
- ପାରିପାଶ୍ୱିର୍କ ପରିସ୍ଥିତି ଛାତ୍ରଛାତ୍ରୀଙ୍କ ପ୍ରଭାବିତ କରିପାରେ
- ନିୟନ୍ତ୍ରଣ ନକଲେ ଛାତ୍ରଛାତ୍ରୀ ବିପଦପୂର୍ଣ୍ଣ ବ୍ୟବହାର, ନିଶାସେବନ କରିପାରନ୍ତି
- ଅନିୟନ୍ତ୍ରିତ ଗାଡିଚାଳନା ଓ ଅସୁରକ୍ଷିତ ଯୌନ କାର୍ଯ୍ୟକଳାପ କରିପାରନ୍ତି
- ୨୫ ବର୍ଷ ଆସିଲେ ପରିପକ୍ୱତା ଆସେ
- ଛାତ୍ରଛାତ୍ରୀ ରାତିରେ ଭଲରେ ଶୋଇବା ଦରକାର
ବିଶ୍ୱବିଦ୍ୟାଳୟର ଏହି କଟକଣାକୁ ସହଜରେ ଗ୍ରହଣ କରିପାରିନାହାନ୍ତି ଏହି ବିଶ୍ୱବିଦ୍ୟାଳୟର ଛାତ୍ରଛାତ୍ରୀ । ସେମାନଙ୍କ ସ୍ୱାଧୀନତା ଉପରେ ଏହା ଏକ ପ୍ରଶ୍ନବାଚୀ ବୋଲି ସେମାନେ କହିଛନ୍ତି । ଅନ୍ୟପଟେ କେରଳ ସରକାର ମଧ୍ୟ ରାତିପାଇଁ ଗୋଟିଏ ନିର୍ଦ୍ଦିଷ୍ଟ ସମୟସୀମା ରଖିଛନ୍ତି । ବୁଦ୍ଧିଜୀବୀଙ୍କ ମତରେ ପିଲାଙ୍କୁ ୧୮ ବର୍ଷ ପରେ ହଠାତ୍ ସମ୍ପୂର୍ଣ୍ଣ ସ୍ୱାଧୀନତା ନଦେଇ ଧିରେ ଧିରେ ସ୍ୱାଧୀନତା ଦେବା ଦରକାର ।
ଏପରି କଥାକୁ ନେଇ ସୋସିଆଲ ମିଡିଆରେ ଭିନ୍ନ ଭିନ୍ନ ମତ ପ୍ରକାଶ ପାଇଛି । ଏହା ଛାତ୍ରଛାତ୍ରୀଙ୍କ ବ୍ୟକ୍ତିଗତ ସ୍ୱାଧୀନତାକୁ ହନନ କରୁଛି ବୋଲି କହିଛନ୍ତି ନୂତନ ପିଢୀର ଯୁବକ ଯୁବତୀ । ଅନ୍ୟପଟେ କିଛି ଅଭିଭାବକ ଏ କଥାକୁ ସମ୍ପୂର୍ଣ୍ଣ ସମର୍ଥନ କରିଛନ୍ତି ।