କନକ ବ୍ୟୁରୋ: ଆଖି ବୁଜିଲା ଅସୁସ୍ଥ ଦନ୍ତାହାତୀ । ବାରିପଦା ବନଖଣ୍ଡର ବେତନଟୀ ରେଞ୍ଜ ମଶିଣାକାଠି ଜଙ୍ଗଲରେ ଅସ୍ତ୍ରୋପଚାର କରାଯାଇଥିବା ଦନ୍ତାହାତୀର ମୃତ୍ୟୁ ହୋଇଛି । ଗତକାଲି ଗୋଡ଼ରେ ଏକ ପ୍ଲାଷ୍ଟିକ ଦଉଡି ଛନ୍ଦି ହେବାରୁ ହାତୀଟି ଭଲଭାବେ ଚାଲିପାରୁନଥିଲା । ହାତୀର ଚିକିତ୍ସା ପାଇଁ ଭୁବନେଶ୍ୱର ଓୟୁଏଟିରୁ ଏକ ଡାକ୍ତରୀ ଟିମ୍ ପହଞ୍ଚି ହାତୀର ସଫଳ ଅସ୍ତ୍ରୋପଚାର କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅସ୍ତ୍ରୋପଚାର ସମୟରେ ଡିଏଫଓ ସନ୍ତୋଷ ଯୋଶୀ, ଶିମିଳିପାଳ ବ୍ୟାଘ୍ର ପ୍ରକଳ୍ପର ଡେପୁଟି ଡାଇରେକ୍ଟର ଡ. ସମ୍ରାଟ ଗୌଡ଼ା, ଏସିଏଫ ରବିନାରାୟଣ ମହାନ୍ତି, ରେଞ୍ଜର ଘନଶ୍ୟାମ ସିଂ ଉପସ୍ଥିତ ଥିଲେ । ଅସ୍ତ୍ରୋପଚାର ପରେ ହାତୀଟି ସୁସ୍ଥ ଥିବା ବନବିଭାଗ ସୂଚନା ଦେଇଥିଲା । କିନ୍ତୁ ଆଜି ହାତୀର ମୃତ୍ୟୁ ଘଟଣା ସମସ୍ତଙ୍କୁ ଚକିତ କରିଛି । ହାତୀର ମୃତ୍ୟୁ କେମିତି ହେଲା, ତାହା ଜଣାପଡ଼ିନାହିଁ । ମୃତଦେହ ବ୍ୟବଚ୍ଛେଦ ହେବା ପରେ ମୃତ୍ୟୁର କାରଣ ପଡ଼ିବ ବୋଲି କହିଛନ୍ତି ବନଖଣ୍ଡ ଅଧିକାରୀ ।