୨୪ ନିର୍ବାଚନରେ ବାଟବାଟୀରେ ହେବ ରୋଚକ ଲଢେଇ । ବିଜେଡିର ପ୍ରକାଶ ବେହେରା ଓ କଂଗ୍ରେସ ପ୍ରାର୍ଥୀ ସୋଫିଆ ଫିର୍ଦୋସଙ୍କ ଜୋରଦାର ପ୍ରଚାର
କନକ ବ୍ୟୁରୋ : ୨୪ ସିଂହାସନ ଲଢେଇରେ ବାରବାଟୀ-କଟକ ଆସନକୁ ନେଇ ବିଭିନ୍ନ ରାଜନୈତିକ ଦଳ ମଧ୍ୟରେ ଦ୍ୱନ୍ଦ୍ୱ ଦେଖିବାକୁ ମିଳିଥିଲା । ପୂର୍ବତନ ବିଧାୟକ ଦେବାଶିଷ ସମନ୍ତରାୟଙ୍କୁ ରାଜ୍ୟସଭା ପଠାଇଥିବା ବିଜେଡି, କାହାକୁ ପ୍ରାର୍ଥୀ କଲେ କଂଗ୍ରେସ ହାତରୁ ବାରବାଟିକୁ ଛଡେଇ ଆଣି ହେବ, ତାକୁ ନେଇ ବହୁ ଅଙ୍କ କଷିବା ପରେ ବିଜେପିରୁ ଆସିଥିବା ନେତା ପ୍ରକାଶ ବେହେରାଙ୍କୁ ପ୍ରାର୍ଥୀ କରିଛି । ପ୍ରକାଶ ଏବେ ବିଭିନ୍ନ ୱାର୍ଡ ବୁଲି ପ୍ରଚାର କରୁଛନ୍ତି । ଲୋକଙ୍କୁ ନବୀନ ସରକାରଙ୍କ ଉନ୍ନତିମୂଳକ କାର୍ଯ୍ୟ ସଂପର୍କରେ କହି ଏଥର ଯୋଡି ଶଙ୍ଖର ଭୋଟ ଦେବାକୁ ନିବେଦନ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଋଣ ଦୁର୍ନୀତିରେ ଛନ୍ଦି ହୋଇପଡିଥିବା ବିଧାୟକ ମହମ୍ମଦ ମୋକିମଙ୍କ ଝିଅ ସୋଫିଆ ଫିର୍ଦୋସଙ୍କୁ ପ୍ରାର୍ଥୀ କରିଛି କଂଗ୍ରେସ । ସୋଫିଆଙ୍କ ନାମ ଘୋଷଣା ହେବା ପରେ ଉତ୍ସାହିତ ଅଛନ୍ତି ବାରବାଟି କଂଗ୍ରେସ କର୍ମୀ । ବାପା ମୋକିମ୍, ଝିଅକୁ ସାଥିରେ ଧରି ସାହି ସାହିରେ ଘର ଘର ବୁଲୁଛନ୍ତି । ଚା’ ଖଟିରେ ବାପା-ଝିଅ ଚା ପିଇବା ସହ ପ୍ରଚାର କରୁଛନ୍ତି । ସୋଫିଆ ଫିର୍ଦୋସ ମହିଳାଙ୍କ ସହ ସେଲଫି ନେଇ ହାତ ଚିହ୍ନରେ ଭୋଟ ଦେବାକୁ ଅନୁରୋଧ କରିଛନ୍ତି ।
ବିଜେଡି ଓ କଂଗ୍ରେସ ପ୍ରାର୍ଥୀ ନିଜ ନିଜ ସପକ୍ଷରେ ଭୋଟ ଯୋଗାଡ ପାଇଁ ପ୍ରଚାର ଯୋରଦାର କରିଥିବା ବେଳେ ବିଜେପି ପ୍ରାର୍ଥୀ ଘୋଷଣା କରିବାରେ ବହୁ ଡେରି କରି ଦେଇଛି ।