୨ହଜାର ଟଙ୍କିଆ ନୋଟର ପ୍ରଥମ ଠକେଇ : ଜେରକ୍ସ ନୋଟ୍ ଦେଇ ଲଗାଇଲେ ଚୂନା
୨୦୦୦ଟଙ୍କିଆ ନୋଟର କଲର୍ ଫଟୋ କପି ଦେଇ ଜଣେ ଦୋକାନୀଙ୍କୁ ଚୂନା ମାରିଛନ୍ତି କିଛି ଛାତ୍ର । ଘଟଣାଟି ଘଟିଛି ମଧ୍ୟପ୍ରଦେଶର ସାଜାପୁରରେ । ଟାଇମ୍ସ ଅଫ୍ ଇଣ୍ଡିଆରେ ପ୍ରକାଶିତ ଖବର ଅନୁଯାୟୀ, ଚାରି ଜଣ ଛାତ୍ର ସ୍ଥାନୀୟ ଅଂଚଳର ଗୋପାଳକ୍ରିଷ୍ଣା ଯାଦବ ନାମକ ଜଣେ ଦୋକାନୀଙ୍କ ଠାରୁ ୨୦୦ଟଙ୍କାର କ୍ଷୀର ଆଣି ତାଙ୍କୁ ଏକ ୨୦୦୦ଟଙ୍କିଆ ନୋଟ୍ ଦେଇଥିଲେ । ତେବେ ନୋଟଟି ନକଲି ବୋଲି ଦୋକାନୀ ଜଣକ ଜାଣି ନପାରି ସେମାନଙ୍କୁ ୧୮୦୦ଟଙ୍କା ଫେରାଇ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ହେଲେ କିଛି ସମୟ ପରେ ସନ୍ଦେହ ହେବାରୁ ସେ ବ୍ୟାଙ୍କରେ ଉକ୍ତ ଟଙ୍କାକୁ ଦେଖାଇ ଜାଣିବାକୁ ପାଇଥିଲେ ଯେ ଏହା ଅସଲ ୨୦୦୦ଟଙ୍କିଆ ନୋଟ୍ ନୁହେଁ ବରଂ ତାର କଲର୍ ଜେରକ୍ସ । ଏନେଇ ସାଜାପୁର ପୁଲିସ୍ ଷ୍ଟେସନରେ ମାମଲା ରୁଜୁ କରିଛନ୍ତି ଗୋପାଳକ୍ରିଷ୍ଣା । ଅଭିଯୁକ୍ତ ମାନଙ୍କୁ ଧରିବା ଛାନ୍ ଭିନ୍ ମଧ୍ୟ ଚଲାଇଛି ପୁଲିସ୍ ।
ପ୍ରଧାନମନ୍ତ୍ରୀଙ୍କ ବିମୁଦ୍ରାକରଣ ନୀତି ପରଠାରୁ ଭିନ୍ନ ଭିନ୍ନ ଘଟଣା ସାମ୍ନାକୁ ଆସୁଛି । କେଉଁଠାରେ ଟଙ୍କା ପାଇଁ ଲାଇନ୍ ତ ପୁଣି କେଉଁଠି ଟଙ୍କାକୁ ନେଇ ଦଲାଲି । ବିମୁଦ୍ରାକରଣ ବିବାଦ ଠାରୁ ଯେମିତି ବେଶି ଚର୍ଚ୍ଚିତ ହୋଇ ପଡିଛି ଏପରି ଘଟଣା ମାନ । ହେଲେ ମଧ୍ୟପ୍ରଦେଶର ଏହି ଘଟଣା ଏବେ ଚର୍ଚ୍ଚାର ବିଷୟ ପାଲିଟିବା ସହ ସାଧାରଣ ଲୋକଙ୍କ ମନରେ ଭୟ ସୃଷ୍ଟି କରିଛି । କାରଣ ନୋଟର ରଙ୍ଗ ପାଇଁ ଏହାକୁ କଲର୍ ଜେରକ୍ସ କରିବା ସହଜ ହୋଇଯାଇଛି ।
ଏହା ସହ ମୋଦିଙ୍କ ନୋଟ୍ ସର୍ଜିକାଲ ଷ୍ଟ୍ରାଇକର ପ୍ରକୃତ ହିରୋ : କର୍ତ୍ତବ୍ୟ ପାଇଁ ତୁଚ୍ଛ କଲେ ପରିବାର