ସାବଧାନ ! ଜାନୁଆରୀରୁ ଲାଗୁ ହେବ ହେଲମେଟକୁ ନେଇ ନୂଆ କଟକଣା, ନିୟମ ନମାନିଲେ ଜରିମାନା ସହ ହେବ ୨ ବର୍ଷ କାଳ ଜେଲ୍
ସଡକ ପରିବହନ ଏବଂ ରାଜମାର୍ଗ ମନ୍ତ୍ରାଳୟ ତରଫରୁ ବିଜ୍ଞପ୍ତି ଜାରି
ବାଇକ୍ ଆରୋହୀଙ୍କ ପାଇଁ ବଡ ଖବର, ମୋଦି ସରକାରଙ୍କ ପକ୍ଷରୁ ହେଲମେଟକୁ ନେଇ ଏକ ନୂଆ ନିୟମ ପ୍ରସ୍ତୁତ କରାଯାଇଛି । ସଡକ ପରିବହନ ଏବଂ ରାଜମାର୍ଗ ମନ୍ତ୍ରାଳୟ ତରଫରୁ ଜାରି ବିଜ୍ଞପ୍ତି ଅନୁସାରେ, ହେଲମେଟ ତିଆରି କରୁଥିବା କଂପାନୀମାନଙ୍କୁ ୧୫ ଜାନୁଆରୀରୁ କୌଣସି ବି ପରିସ୍ଥିତିରେ ଏହି ନିୟମକୁ ମାନିବାକୁ ପଡିବ । ଯଦି କୌଣସି କଂପାନୀ ଏହି ନିୟମକୁ ପାଳନ କରନ୍ତି ତେବେ ଉକ୍ତ କଂପାନୀ ମାଲିକଙ୍କୁ ୨ ବର୍ଷ କାଳ ଜେଲର ହାୱା ଖାଇବାକୁ ପଡିବ, ଏଥିସହିତ ହିଁ ଜରିମାନା ବାବଦକୁ ୨ ଲକ୍ଷ ଟଙ୍କା ଗଣିବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ସଡକ ପରିବହନ ମନ୍ତ୍ରାଳୟ ପକ୍ଷରୁ ଜାରି ହୋଇଥିବା ବିଜ୍ଞପ୍ତି ଅନୁସାରେ, ୧୫ ଜାନୁଆରୀ ପରଠୁ କେବଳ ଆଇଏସଆଇ ପ୍ରମାଣିତ ହେଲମେଟ ହିଁ ବିକ୍ରି କରାଯିବ । ଏହି ହେଲମେଟ ବ୍ୟୁରୋ ଅଫ୍ ଇଣ୍ଡିଆନ ଷ୍ଟାଣ୍ଡାଡ ତଥା ବିଆଇଏସର ଆଇଏସ୍ ୪୧୫୧-୨୦୧୫ର ମାନକ ପ୍ରମାଣିତ ହେବା ଦରକାର । ଆଇଏସ୍ ୪୧୫୧-୨୦୧୫ର ନୂଆ ମାନକ ଅନୁସାରେ, ନୂଆ ହେଲମେଟର ସର୍ବାଧିକ ଓଜନ ୧.୨ କିଲୋଗ୍ରାମ ହେବା ଆବଶ୍ୟକ । ଯାହାର ବର୍ତ୍ତମାନ ଓଜନ ରହିଛି ୧.୫ କିଲୋଗ୍ରାମ ।
ତେବେ ବିନା ଆଇଏସ ମାନକ ଥିବା ହେଲମେଟକୁ ଉଭୟ ତିଆରି ଏବଂ ବିକ୍ରି ଏବଂ ସପ୍ଲାଏ କରୁଥିବା ବ୍ୟକ୍ତି ବିଶେଷଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ସେହିପରି ଇଣ୍ଡଷ୍ଟ୍ରିଆଲ ହେଲମେଟ ପିନ୍ଧୁଥିବା ବ୍ୟକ୍ତିବିଶେଷଙ୍କ ବିରୋଧରେ ବି କାର୍ଯ୍ୟାନୁଷ୍ଠାନ ନିଆଯିବ । ହେଲମେଟ ପାଇଁ ସରକାରଙ୍କ ତରଫରୁ ଜାରି କରାଯାଇଥିବା ନୂଆ ମାନକର ହେଲମେଟ ନିର୍ମାତାମାନେ ଏହାକୁ ସ୍ୱାଗତ କରିଛନ୍ତି । ନନ-ଆଇଏସଆଇ ମାର୍କ ବିଶିଷ୍ଟ ହେଲମେଟ ବିକ୍ରି କରିବା ଅର୍ଥ ନକଲି ଔଷଧ ବିକ୍ରି କରିବା ସହ ସମାନ ।