ଜାମ୍ମୁରେ ବସ ଉପରକୁ ଗ୍ରେନେଡ ଆକ୍ରମଣ ଘଟଣାରେ  ଆକ୍ରମଣକାରୀ ଆତଙ୍କବାଦୀ ଗିରଫ । ହିଜ୍ବୁଲ୍ ମୁଜାହିଦ୍ଦିନର ହାତ ଲିଙ୍କ୍ ସ୍ପଷ୍ଟ

ଜାମ୍ମୁରେ ବସ ଉପରକୁ ଗ୍ରେନେଡ ଆକ୍ରମଣ ଘଟଣାରେ  ଆକ୍ରମଣକାରୀ ଆତଙ୍କବାଦୀ ଗିରଫ

98
କନକ ବ୍ୟୁରୋ : ଜମ୍ମୁ ବସଷ୍ଟାଂଡରେ ବସ ଉପରକୁ ଗ୍ରେନେଡ ମାଡ ଘଟଣାରେ ପଦାକୁ ଆସିଛି ହିଜବୁଲ୍ ମୁଜାହିଦ୍ଦିନ୍ ଆତଙ୍କୀ ସଂଗଠନର ଲିଙ୍କ୍ । ପୋଲିସ ଏହି ମାମଲାର ଛାନଭିନ୍ ଜାରି ରଖିଛି । ଏହି ହାମଲାରେ ଜଣଙ୍କର ମୃତ୍ୟୁ ହୋଇଛି । ପ୍ରାୟ ୩୨ ଜଣ ଆହତ ଜମ୍ମୁ ମେଡିକାଲ କଲେଜରେ ଭର୍ତି ହୋଇଛନ୍ତି । ଏହି ଘଟଣାରେ ପୁଲିସ ଜଣେ ସନ୍ଦୀଗ୍ଧକୁ ଅଟକ ରଖିଛି । ତାର ନାମ ୟାସିନ୍ ଜାଭିଦ୍ ଭଟ୍ଟ ବୋଲି ଜଣାପଡିଛି । ସନ୍ଦୀଗ୍ଧ ୟାସିନ୍ ଜାଭିଦ୍ ଭଟ୍ଟକୁ ପୋଲିସ ନାଗ୍ରୋଟା ଟୋଲ୍ ପ୍ଲାଜା ନିକଟରୁ ଗିରଫ କରିଥିବା କହିଛି । ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି , ୟାସିନକୁ ଏହି ଗ୍ରେନେଡ୍ , ହିଜବୁଲ୍ ଆତଙ୍କୀ ଫାରୁକ୍ ଅହମ୍ମଦ ଭଟ୍ଟ ଦେଇଥିଲା ।
ସିସିଟିଭି ଫୁଟେଜକୁ ଆଧାର କରି ଓ ପ୍ରତ୍ୟକ୍ଷଦର୍ଶୀଙ୍କ ବୟାନକୁ ଆଧାର କରି ଜାମ୍ମୁ କାଶ୍ମୀର ପୋଲିସ ତାକୁ ଗିରଫ କରିଥିବା କହିଛି । ଜେରା ବେଳେ ୟାସିନ୍ ସ୍ୱୀକାର କରିଛି ତାକୁ ଗ୍ରେନେଡ୍ ହିଜବୁଲ୍ ଆତଙ୍କୀ ଫାରୁକ୍ ଠାରୁ ମିଳିଥିଲା । ଘଟଣାରେ ମୃତକଙ୍କ ପରିବାରକୁ ସେ ୫ ଲକ୍ଷ ଟଙ୍କାର ସହାୟତା ରାଶି ଘୋଷଣା କରିଛନ୍ତି । ସେହିପରି ଘଟଣାରେ ପ୍ରତି ଆହତଙ୍କ ପରିବାରକୁ ୨୦ ହଜାର ଟଙ୍କାର ଅର୍ଥରାଶି ସହାୟତା ପ୍ରଦାନ କରାଯିବ ବୋଲି ରାଜ୍ୟପାଳ ଟୁଇଟ୍ କରିଛନ୍ତି । ଗୁରୁବାର ସକାଳ ୧୧ଟା ୩୦ ମିନିଟ ସମୟରେ ଏହି ହାମଲା ହୋଇଥିଲା ।
ପ୍ରଥମେ ବସ ଉପରକୁ ଗ୍ରେନେଡ ମାଡ ହୋଇଥିଲା । ଏହାପରେ ବସ ଭିତରେ ଏକ ବିସ୍ଫୋରଣ ହୋଇଥିଲା । ବିସ୍ଫୋରଣ ପରେ ଜମ୍ମୁକଶ୍ମୀର ପୁଲିସ ଘଟଣାସ୍ଥଳରେ ପହଁଚି ପୁରା ଅଂଚଳକୁ ସିଲ କରି ଛାନଭିନ ଆରମ୍ଭ କରିଥିଲା । ସ୍ଥାନୀୟ ଲୋକଙ୍କୁ ବିସ୍ଫୋରଣ ନେଇ ପଚରାଉଚରା କରିଛି ପୁଲିସ । ବିସ୍ଫୋରଣସ୍ଥଳ ନିକଟରେ ଥିବା ଏକ ଦୋକାନର ଏକ ସିସିଟିଭି ଭିଜୁଆଲକୁ ଆଧାର କରି ତଦନ୍ତ ଚଳାଇଛି ପୋଲିସ  । ବିସ୍ଫୋରଣରେ ହିଜବୁଲ୍ ମୁଜାହିଦ୍ଦିନର ସ୍ନିପର ସେଲର ହାତ ଥିବା ପୋଲିସ ଅନୁମାନ କରିଛି । ଜାମ୍ମୁ ବସଷ୍ଟାଣ୍ଡରେ ଆତଙ୍କୀଙ୍କ ଏହି ଗ୍ରେନେଡ୍ ମାଡ ଘଟଣାକୁ ନିନ୍ଦା କରିଛନ୍ତି ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତି ।

Comments are closed.