ବାଲି ମାଫିଆଙ୍କ ଭୂସ୍ୱର୍ଗ ପାଲଟିଛି କଳାହାଣ୍ଡି ! ପ୍ରଶାସନର ଉଦାସୀନତା ଯୋଗୁଁ କୋଟି କୋଟି ଟଙ୍କାର ରାଜସ୍ୱ ହାନୀ ଅଭିଯୋଗ
କନକ ବ୍ୟୁରୋ : ବାଲି ମାଫିଆଙ୍କ ଭୂସ୍ୱର୍ଗ ପାଲଟିଛି କଳାହାଣ୍ଡି । ଜିଲ୍ଲାରେ ପ୍ରଶାସନର ଉଦାସୀନତା ଯୋଗୁଁ ସରକାର ଖଣି ଭଳି ବାଲିରେ ବି କୋଟି କୋଟି ଟଙ୍କା ରାଜସ୍ୱ ହରାଉଛନ୍ତି । ଜିଲ୍ଲାର ବିଭିନ୍ନ ନଦୀପଠାରୁ ଚାଲିଛି ବେଆଇନ୍ ବାଲି ଚୋରା ଚାଲାଣ । ବାଲି ବିକି ମାଫିଆ ମାଲାମାଲ ହେଉଥିବା ବେଳେ ହାଜସ୍ୱ ହରାଉଛନ୍ତି ସରକାର ।
Kanak News is now on WhatsApp
Join and get latest news updates delivered to you via WhatsApp
ତହସିଲରେ ଅଳ୍ପ କିଛି ରାଜସ୍ୱ ବାନ୍ଧି ଟେଣ୍ଡର ହାତେଇ ବାଲି ମାଫିଆମାନେ ବେଆଇନ୍ ଚୋରା ଚାଲାଣ କରୁଥିବା ଅଭିଯୋଗ ଆସିଛି । ବିଭନ୍ନ ନଦୀ ପଠାରୁ କୋଟି କୋଟି ଟଙ୍କାର ରାଜସ୍ୱ ଠକି ଟ୍ରକ୍ ଟ୍ରକ୍ ବାଲି ବାହାରକୁ ଚାଲାଣ କରୁଛନ୍ତି । ତୁର୍କେଲ ନଦୀରେ ବାଲି ଚୋରି ଘଟଣାରେ ଭବାନୀପାଟଣା ତହସିଲଦାରଙ୍କ ପକ୍ଷରୁ କରାଯାଇଥିବା ସାଢେ ଚାରି ଲକ୍ଷ ଟଙ୍କା ଜରିମାନାରୁ ସ୍ପଷ୍ଟ ପ୍ରମାଣିତ ହୋଇଛି ।
ବାଲି ମାଫିଆ ଓ ପ୍ରଶାସନିକ ବାବୁଙ୍କ ଅସାଧୁ ମେଂଟ ଯୋଗୁଁ ଜିଲ୍ଲାର ତେଲନଦୀ, ରେତ୍ ନଦୀ, ଉତେଇ ଓ ହାତିନଦୀ ଭଳି ନଦୀ ପଠାକୁ ଖୋଳି ପକେଇଲେଣି । ମେସିନରେ ବାଲି ଉଠାଣର ନିୟମ ନଥିବା ବେଳେ ଏମାନେ ଖୋଲାଖୋଲି ମେସନରେ ବାଲି ଉଠାଇ ଚୋରା ଚାଲାଣ କରୁଛନ୍ତି । ବିଭାଗୀୟ ଅଧିକାରୀଙ୍କ ଦୁର୍ନିତୀଖୋର ମନୋବୃତ୍ତି ଯୋଗୁଁ ବାଲି ଚୋରି ହେଉଥିବା ଅଂଚଳବାସୀ ଅଭିଯୋଗ କରିଛନ୍ତି । କଳାହାଣ୍ଡିରେ ଆଉ କେତେ ବାଲି ଚୋରୀ ହେଲେ ସରକାରଙ୍କ ନିଦ ଭାଙ୍ଗିବ ବୋଲି ସାଧାରଣରେ ଉଦବେଗ ପ୍ରକାଶ ପାଇଛି ।