ଦୃଢ ଇଚ୍ଛାଶକ୍ତି ଥିଲେ ସବୁ ସମ୍ଭବ ! ଏହାକୁ ବାସ୍ତବିକ ରୂପ ଦେଲେ ଶ୍ୟାମ ବାବୁ, ଡ୍ୟୁଟି ସାଙ୍ଗକୁ ପାଠପଢି କନେଷ୍ଟବଳରୁ ବନିଲେ ଡେପ୍ୟୁଟି କଲେକ୍ଟର

ସ୍ପେଶାଲ୍ ରିପୋର୍ଟ
By smruti sangita giri
1,230

ୟୁପି ପୁଲିସରେ ଦୀର୍ଘ ୧୪ ବର୍ଷ ଧରି କନେଷ୍ଟବଳ ପଦବୀରେ କାର୍ଯ୍ୟରତ ଶ୍ୟାମ ବାବୁ ପିସିଏସ-୨୦୧୬ ପରୀକ୍ଷାରେ ଉତିର୍ଣ୍ଣ ହୋଇ ଅନ୍ୟଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି । ସେ ଦେଖାଇ ପାରିଛନ୍ତି କି, ଯଦି ଜଣେ ବ୍ୟକ୍ତି ନିକଟରେ ଆତ୍ମବିଶ୍ୱାସ , ଦୃଢ ମନୋବଳ ଏବଂ କଠିନ ପରିଶ୍ରମ କଲା ଭଳି ଭାବନା ରହିଛି ତେବେ ବିଶ୍ୱର କୌଣସି ବି ଶକ୍ତି ତାଙ୍କ ସଫଳତା ବାଟରେ ବାଧକ ସାଜିପାରିବ ନାହିଁ । ଉତ୍ତରପ୍ରଦେଶର ଏକ ଛୋଟିଆ ଗାଁରେ ଜନ୍ମିତ ଶ୍ୟାମ ବାବୁ ଚାକିରି ସହିତ ପିସିଏସ ପରୀକ୍ଷା ପାଇଁ ପ୍ରସ୍ତୁତି କରି ସଫଳତା ମଧ୍ୟ ହାସଲ କରିଛନ୍ତି । ସେ ଆଜି ସେ ସମସ୍ତ ଯୁବଗୋଷ୍ଠୀଙ୍କ ପାଇଁ ପ୍ରେରଣା ପାଲଟିଯାଇଛନ୍ତି , ଯେଉଁମାନେ କି ବିଭିନ୍ନ ପ୍ରତିଯୋଗୀତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଛନ୍ତି ।

ଶ୍ୟାମ ବାବୁ କହିଛନ୍ତି କି, ପିସିଏସ ବନିବା ପାଇଁ କୌଣସି ପ୍ଲାନିଂ ସେ କରିନଥିଲେ । ୨୦୦୫ରେ ଯେତେବେଳେ ସେ ୧୯ ବର୍ଷର ଥିଲେ ସେତେବେଳେ ତାଙ୍କର ଚୟନ କନେଷ୍ଟବଳ ପଦବୀ ପାଇଁ ହୋଇଥିଲା । ବର୍ତ୍ତମାନ ସେ ପ୍ରୟାଗରାଜ ହେଡକ୍ୱାର୍ଟରରେ କାର୍ଯ୍ୟରତ । ସେ କହିଛନ୍ତି କି, କନେଷ୍ଟବଳ ପଦବୀରେ କାମ କରିବା ସମୟରେ ତାଙ୍କ ମନରେ ଆହୁରୀ କିଛି କାମ କରିବାକୁ ଭାବନା ଜାଗି ଉଠିଥିଲା । ଏଥିପାଇଁ ସେ ପିସିଏସ ବନିବା ପାଇଁ ଗୁରୁତର ଭାବେ ପ୍ରସ୍ତୁତି ଆରମ୍ଭ କରିଦେଇଥିଲେ । ଯାହାର ଫଳାଫଳ ଏବେ ଆପଣ ଦେଖିପାରୁଥିବେ ।

ବଡ କଥା ହେଲା, ଶ୍ୟାମ ବାବୁ ଏଥିପାଇଁ ନା କୌଣସି କୋଚିଂ ନେଇଥିଲେ ନା ହିଁ କାହାର ସହାୟତା । ଶ୍ୟାମ ବାବୁ କୁହନ୍ତି କି, ପୁଲିସରେ ଚାକିରିର କୌଣସି ଧାର୍ଯ୍ୟ ସମୟ ସୀମା ନଥାଏ, ଏହା ଏଭଳି ଏକ ଚାକିରି ଯେଉଁଥିରେ ଆପଣଙ୍କୁ କୌଣସି ବି ସମୟରେ କାମ ପାଇଁ ଫିଲ୍ଡ ଯିବାକୁ ପଡିପାରେ । ଆଉ ଏଭଳି ପରିସ୍ଥିତିରେ ପାଠ ପଢିବା ପାଇଁ ସମୟ ବାହାର କରିବା ଅତ୍ୟନ୍ତ କଷ୍ଟକର ବିଷୟ ଥିଲା । ହେଲେ ସେ ଦିନକୁ ଯାହା ହେଲେ ବି ପାଠପଢା ପାଇଁ ୨ ଘଂଟା ସମୟ ବାହାର କରୁଥିଲେ ଆଉ ଏହି ୨ ଘଂଟା ସେ ନିଜକୁ ପାଠପଢାରେ ପୂରା ପୁରି ମଗ୍ନ କରିଦେଉଥିଲେ । ଶ୍ୟାମ ବାବୁ ୨୦୧୭ରେ ନେଟର ପରୀକ୍ଷା ଇତିହାସ ବିଷୟରେ ପାସ୍ କରିଛନ୍ତି ।
ଯୁବପିଢୀଙ୍କ ପାଇଁ ପରାମର୍ଶ

ଶ୍ୟାମବାବୁଙ୍କ ସହ ଯୋଗୀ ତାଙ୍କର ଏହି ସଫଳତାକୁ ନେଇ ବେଶ୍ ଖୁସି ଅଛନ୍ତି । ସେ କହିଛନ୍ତି କି , ମୋର ସମସ୍ତ ସହଯୋଗୀମାନେ ମୋତେ ବହୁତ ସପୋର୍ଟ କରିଛନ୍ତି । ବିଶେଷ କରି ପରୀକ୍ଷା ସମୟରେ ସଭିଙ୍କର ଭଲ ସହଯୋଗ ମିଳୁଥିଲା । ଯୁବପିଢୀଙ୍କୁ ପରାମର୍ଶ ଦେଇ ଶ୍ୟାମ କହିଛନ୍ତି କି, ଆପଣ ଜୀବନରେ ଯାହା କିଛି କରିବାକୁ ଚାହୁଁଛନ୍ତି ସେଥିପାଇଁ ପ୍ରଥମେ ସଂକଳ୍ପ ନିଅନ୍ତୁ ଏବଂ ନିଜ ଉପରେ ବିଶ୍ୱାସ ରଖନ୍ତୁ ଦେଖିବେ ଆପଣଙ୍କୁ ସଫଳତା ନିଶ୍ଚୟ ମିଳିବ ।

ସମ୍ବନ୍ଧିତ ଖବର More from author