ଗୁପ୍ତଚର ସୂଚନା ଆଧାରରେ ସରକାରଙ୍କ ବଡ ନିଷ୍ପତ୍ତି, ଗୌତମ ଆଦାନୀଙ୍କୁ ଯୋଗାଇ ଦେଲେ ଜେଡ ସୁରକ୍ଷା
କନକ ବ୍ୟୁରୋ : ଆଦାନୀ ଗ୍ରୁପର ଚେୟାରମ୍ୟାନ ତଥା ଏସିଆ ମହାଦେଶର ସବୁଠାରୁ ଧନୀବ୍ୟକ୍ତି ଗୌତମ ଆଦାନୀଙ୍କୁ କେନ୍ଦ୍ର ସରକାର ଜେଡ ପ୍ଲସ ସୁରକ୍ଷା ଯୋଗାଇ ଦେବାକୁ ଘୋଷଣା କରିଛନ୍ତି । ସୂଚନା ମୁତାବକ ଇଣ୍ଟେଲିଜେନ୍ସ ବ୍ୟୁରୋର ସୂଚନା ଆଧାରରେ କେନ୍ଦ୍ର ଗୃହମନ୍ତ୍ରଣାଳୟ ପକ୍ଷରୁ ଗୌତମ ଆଦାନୀଙ୍କୁ ଜେଡ୍ ପ୍ଲସ ସୁରକ୍ଷା ଯୋଗାଇ ଦେବାକୁ ନିଷ୍ପତ୍ତି ନିଆଯାଇଛି । ସବୁଠାରୁ ବଡ କଥା କି ଏହି ଜେଡ ପ୍ଲସ ସୁରକ୍ଷା ପାଇଁ ଯାହା ଖର୍ଚ୍ଚ ହେବ ତାହା ଗୌତମ ଆଦାନୀ ବହନ କରିବେ ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କୁ କହିରଖୁ କି କେବଳ ଗୌତମ ଆଦାନୀ ନୁହଁନ୍ତି ଏହା ପୂର୍ବରୁ ରିଲିଆନ୍ସ ଇଣ୍ଡଷ୍ଟ୍ରୀଜର ଚେୟାରମ୍ୟାନ ମୁକେଶ ଅମ୍ବାନୀଙ୍କ ସୁରକ୍ଷାକୁ ନେଇ ମଧ୍ୟ ପ୍ରଶ୍ନ ଉଠିଥିଲା । ହେଲେ ସୁପ୍ରିମକୋର୍ଟଙ୍କ ନିଷ୍ପତ୍ତି ପରେ ଏବେ ମୁକେଶ ଅମ୍ବାନୀ ଓ ନୀତା ଅମ୍ବାନୀଙ୍କୁ ଯୋଗାଇ ଦିଆଯାଇଥିବା ଜେଡ୍ ପ୍ଲସ ସୁରକ୍ଷା ବଳବତ୍ତର ରହିଛି । ଗୌତମ ଆଦାନୀଙ୍କ ଭଳି ମୁକେଶ ଓ ନୀତା ଆମ୍ବାନୀ ମଧ୍ୟ ଏହି ଜେଡପ୍ଲସ ସୁରକ୍ଷାର ସମସ୍ତ ଖର୍ଚ୍ଚ ବହନ କରୁଛନ୍ତି । ଜେଡ ପ୍ଲସ ସୁରକ୍ଷାରେ ମୋଟ ୩୦ ଜଣ ସୁରକ୍ଷା କର୍ମୀ ନିୟୋଜିତ ହୋଇଥାନ୍ତି ।
କେବଳ ଏମାନେ ନୁହଁନ୍ତି ରିଲିଆନ୍ସ ଇଣ୍ଡଷ୍ଟ୍ରୀଜର ଜାମନଗର ସ୍ଥିତ ରିଫାଇନାରୀ ଫ୍ୟାକ୍ଟ୍ରିର ସୁରକ୍ଷା ଦାୟୀତ୍ୱ ମଧ୍ୟ ସିଆଇଏସଏଫ ହାତକୁ ଦିଆଯାଇଛି । କହିରଖୁ କି ମୁକେଶ ଅମ୍ବାନୀ ନିଜର ସୁରକ୍ଷା ପାଇଁ ପ୍ରତିମାସ ୧୬ ଲକ୍ଷରୁ ଅଧିକ ଟଙ୍କା ଖର୍ଚ୍ଚ କରିଥାନ୍ତି ।