ଉଛୁଳୁଛି ଯମୁନା ନଦୀ, ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଘର ପର୍ଯ୍ୟନ୍ତ ପହଞ୍ଚିଲା ବନ୍ୟା ପାଣି । ଶାହାଙ୍କୁ ଚିଠି ଲେଖିଲେ କେଜ୍ରିୱାଲ ।
କନକ ବ୍ୟୁରୋ : ଦିଲ୍ଲୀରେ ବର୍ଷା ବିତ୍ପାତ । ପ୍ରବଳ ବର୍ଷା କାରଣରୁ ଏବେ ଜଳମଗ୍ନ ଦିଲ୍ଲୀର ଅଧିକାଂଶ ଅଞ୍ଚଳ । ଯେଉଁଥିପାଇଁ ସାଧାରଣ ଲୋକ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏହା ଭିତରେ ଯମୁନା ନଦୀରେ ଜଳସ୍ତର ବଢିବା ଦିଲ୍ଲୀବାସୀଙ୍କ ଚିନ୍ତା ବଢାଇ ଦେଇଛି । କେଉଁଠି ଜନବସତିରେ ପାଣି ପଶିଲାଣି ତ ପୁଣି କେଉଁଠି ରାସ୍ତା ଉପରେ ପାଣିର ସୁଅ ବହିଲାଣି । ଏପରିକି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବାସଭବନ ପାଖାପାଖି ମଧ୍ୟ ବନ୍ୟା ପାଣି । କେବଳ ଏତିକି ନୁହେଁ ଦିଲ୍ଲୀ ବିଧାନସଭା ଠାରୁ ମାତ୍ର ୫୦୦ ମିଟର ଦୂରରେ ରହିଛି ବନ୍ୟା ପାଣି ।
Kanak News is now on WhatsApp
Join and get latest news updates delivered to you via WhatsApp
୧୯୭୮ ପରେ ପ୍ରଥମଥର ପାଇଁ ଯମୁନା ନଦୀର ଜଳସ୍ତର ୨୦୭ ମିଟର ଉପରକୁ ଉଠିଛି । ଯେଉଁଥିପାଇଁ ଦିଲ୍ଲୀର ତଳି ଅଞ୍ଚଳରେ ପାଣି ଜମିବା ଆରମ୍ଭ ହୋଇଛି । ଯମୁନା ନଦୀରେ ଜଳସ୍ତର ବୃଦ୍ଧି ଏବେ ଦିଲ୍ଲୀ ପାଇଁ ସଙ୍କଟ ସାଜି ଉଭା ହୋଇଛି । ଯେଉଁଥିପାଇଁ ଜରୁରୀକାଳୀନ ବୈଠକ ଡକାଇ ଲୋକଙ୍କୁ କିଭଳି ସୁରକ୍ଷିତ ଭାବେ ଉଦ୍ଧାର କରାଯିବ ତାହା ଉପରେ ଗୁରୁତ୍ୱ ଦିଆଯାଇଛି । ତଳି ଅଞ୍ଚଳରେ ରହୁଥିବା ଲୋକଙ୍କୁ ତୁରନ୍ତ ଘର ଖାଲି କରି ସୁରକ୍ଷିତ ସ୍ଥାନକୁ ଯିବାକୁ ନିର୍ଦ୍ଦେଶ ଦିଆଯାଇଛି ।
यमुना का जल स्तर लगातार बढ़ रहा है। अब पानी 208.46m पर पहुँच गया है। बढ़ते हुए जल स्तर के कारण, यमुना के आस पास की सड़कों पर आ गया है। आपसे अनुरोध है कि इन रास्तों पर ना जायें।
जिन आबादी वाले इलाक़ों में पानी भरा है, वहाँ से लोगों को evacuate कर रहे हैं। वहाँ रहने वालों से…
— Arvind Kejriwal (@ArvindKejriwal) July 13, 2023
କେଜ୍ରିୱାଲ ଟ୍ୱିଟ୍ କରି କହିଛନ୍ତି ଯେ, ଯମୁନା ନଦୀର ଜଳସ୍ତର ୨୦୮.୪୬ ମିଟର ଉପରେ ପହଞ୍ଚିଛି । ଜଳସ୍ତର ବୃଦ୍ଧି କାରଣରୁ ଯୁମନା ନଦୀର ପାଶ୍ୱର୍ବର୍ତ୍ତୀ ରାସ୍ତା ଗୁଡିକ ଜଳମଗ୍ନ ହୋଇଛି । ତେଣୁ ଏହି ସବୁ ରାସ୍ତାକୁ ନ ଆସିବାକୁ ସମସ୍ତଙ୍କୁ ଅନୁରୋଧ । ଯେଉଁ ଅଞ୍ଚଳରେ ବନ୍ୟା ପାଣି ପଶିଛି ସେଠାରୁ ଲୋକଙ୍କୁ ଉଦ୍ଧାର କରୁଛୁୂ । ଲୋକଙ୍କ ଜୀବନ ରକ୍ଷା କରିବା ଆମର ସବୁଠୁ ବଡ ପ୍ରାଥମକିତା । ଦିଲ୍ଲୀବାସୀଙ୍କୁ ଅନୁରୋଧ, ଏଭଳି ସମୟରେ ପରସ୍ପରକୁ ସହଯୋଗ କରନ୍ତୁ ।
ଏସବୁ ଭିତରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଚିଠି ଲେଖିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ହାଥିନି କୁଣ୍ଡ ବ୍ୟାରେଜ ଖୋଲିବା ଦ୍ୱାରା ଯମୁନା ନଦୀରେ ଅଧିକ ପାଣି ପ୍ରବାହିତ ହେଉଛି । ତେଣୁ ହାଥିନୀ କୁଣ୍ଡରୁ ଜଳପ୍ରବାହ ଟିକେ କମିଲେ ଦିଲ୍ଲୀ ଉପରକୁ ସେତେଟା ସଙ୍କଟ ଆସିବ ନାହିଁ । ହାଥିନୀ କୁଣ୍ଡରୁ ଜଳ ଛାଡିବା ଜରୁରୀ କିନ୍ତୁ ଏହାର ପ୍ରବାହକୁ କିଛି ମାତ୍ରାରେ ହ୍ରାସ କଲେ ଯମୁନା ନଦୀର ଜଳସ୍ତର ଆଉ ଅଧିକ ଉପରକୁ ଯିବ ନାହିଁ । ଯାହାଦ୍ୱାରା ବନ୍ୟା ସ୍ଥିତିକୁ ନିୟନ୍ତ୍ରଣ କରାଯାଇପାରିବ । ତେବେ କେନ୍ଦ୍ର ପକ୍ଷରୁ ଜବାବ ଦେଇ ମନ୍ତ୍ରୀ କହିଛନ୍ତି, ହାଥିନୀ କୁଣ୍ଡ କେବଳ ଗୋଟିଏ ବ୍ୟାରେଜ । ଏଠାରେ ପାଣି ଅଟକାଇବାର ବ୍ୟବସ୍ଥା ନାହିଁ । ତେବେ ହିମାଚଳପ୍ରଦେଶରୁ ଆସୁଥିବା ଜଳପ୍ରବାହ କମ ହୋଇଛି । ଆସନ୍ତା ଦିନେ ଦୁଇ ଦିନ ମଧ୍ୟରେ ସ୍ଥିତିରେ ସୁଧାର ଆସିବ ।