କନକ ବ୍ୟୁରୋ : ବିଦ୍ରୋହକୁ ଦୃଢହସ୍ତରେ ଦମନ କରିଥିବାରୁ ସେନା ଅଧିକାରୀ ମେଜର ଲିଟୁଲ ଗୋଗୋଇ ସମ୍ବର୍ଦ୍ଧିତ । ଜମ୍ମୁ କାଶ୍ମୀରରେ ପଥର ଫିଙ୍ଗୁଥିବା ଜଣେ ଯୁବକଙ୍କୁ ଜିପ୍ ବନେଟରେ ବାନ୍ଧି ରାସ୍ତାରେ ବୁଲାଇଥିଲେ ଲିଟୁଲ ଗୋଗୋଇ । ମେଜର ଲିଟୁଲ ଗୋଗୋଇଙ୍କୁ ଆର୍ମି ଚିଫ କମେଣ୍ଡେସନ କାର୍ଡ ପ୍ରଦାନ କରିଛନ୍ତି ସେନା ମୁଖ୍ୟ ବିପିନ ରାୱତ ।
Kanak News is now on WhatsApp
Join and get latest news updates delivered to you via WhatsApp
ଗତ ସପ୍ତାହରେ ସେନା ମୁଖ୍ୟ ଜମ୍ମୁ କାଶ୍ମୀର ଗସ୍ତ କରିଥିବାବେଳେ ତାଙ୍କୁ ଏହି ସମ୍ମାନ ପ୍ରଦାନ କରିଛନ୍ତି ।ଏପ୍ରିଲ ୯ ତାରିଖରେ ଜମ୍ମୁ-କାଶ୍ମୀରରେ ଲୋକସଭା ଉପନିର୍ବାଚନ ଚାଲିଥିବା ବେଳେ ଯୁବକଙ୍କୁ ଜିପ୍ ବର୍ଣ୍ଣେଟରେ ବାନ୍ଧିଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହାପରେ କାଶ୍ମୀରବାସୀଙ୍କ ପ୍ରତି ସେନାର ବ୍ୟବହାରକୁ ସମାଲୋଚନା କରିଥିଲେ ବିରୋଧୀ ଦଳ ।
ଏପରିକି ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲା ଟ୍ୱିଟ କରି ଘଟଣାର ତୁରନ୍ତ ତଦନ୍ତ କରାଯାଉ ବୋଲି ଦାବି କରିଥିଲେ । ଘଟଣାକୁ ନେଇ ତମ୍ବିତୋଫାନ ପରେ ତଦନ୍ତ କରିଥିଲା ଜାମ୍ମୁ-କାଶ୍ମୀର ପୋଲିସ । ତଦନ୍ତ ପରେ ଘଟଣା ପଛରେ ମେଜର ଲିଟୁଲ ଗୋଗୋଇଙ୍କ ହାତ ରହିଥିବା ଜଣାପଡିଥିଲା । ଜମ୍ମୁ କାଶ୍ମୀରରେ ଦେଖାଦେଉଥିବା ବିଦ୍ରୋହକୁ ସଫଳତାର ସହ ମୁକାବିଲା କରିଥିବାରୁ ତାଙ୍କୁ ସମ୍ବର୍ଦ୍ଧିତ କରାଯାଇଛି ।