କନକ ବ୍ୟୁରୋ : ଶିକ୍ଷକ ନିଯୁକ୍ତି ମାମଲାରେ ଦୁର୍ନୀତି କରିଥିବା ନେଇ ଏବେ ପଶ୍ଚିମବଙ୍ଗର ପୂର୍ବତନ ମନ୍ତ୍ରୀ ପାର୍ଥ ଚାଟାର୍ଜୀଙ୍କୁ ଇଡି ଗିରଫ କରିଛି । ଏହି କ୍ରମରେ ତାଙ୍କର ବାନ୍ଧବୀ କୁହାଯାଉଥିବା ଅର୍ପିତା ମୁଖାର୍ଜୀଙ୍କ ବାସଭବନରୁ ୫୦ କୋଟିରୁ ଅଧିକ ଟଙ୍କା ମିଳିବା ପରେ ଅର୍ପିତା ବି ଏବେ ଇଡିର ହେପାଜତରେ । ଏହି ମାମଲା ସାମ୍ନାକୁ ଆସିବା ପରେ ପଶ୍ଚିମବଙ୍ଗ ରାଜନୀତି ସରଗରମ ହୋଇଛି । ବିରୋଧୀମାନେ ମମତା ସରକାରଙ୍କ ବିରୋଧରେ ପ୍ରଦର୍ଶନ ଜାରି ରଖିଛନ୍ତି । ହେଲେ ଆଜି ଜଣେ ମହିଳା ପାର୍ଥ ଚାଟାର୍ଜୀଙ୍କ ଉପରକୁ ଜୋତା ଫୋପାଡିବା ପରେ ଏହି ମାମଲାକୁ ନେଇ ପଶ୍ଚିମବଙ୍ଗର ଲୋକେ ମମତା ସରକାରଙ୍କ ଉପରେ କେତେ କ୍ରୋଧିତ ଅଛନ୍ତି ତାହା ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ପାର୍ଥ ଟାଟାର୍ଜୀଙ୍କ ଇଡି ତରଫରୁ ମେଡିକାଲ ଟେଷ୍ଟ ପାଇଁ ଅଣାଯାଇଥିଲା । ସେଠାରୁ ମେଡିକାଲ ଟେଷ୍ଟ ସାରି ପାର୍ଥଙ୍କୁ ହ୍ୱିଲ ଚେୟାର ସହାୟତାରେ ବାହାରକୁ ଅଣାଯାଉଥିବା ବେଳେ ଜଣେ ମହିଳା ହଠାତ ପାର୍ଥଙ୍କ ଉପରକୁ ଜୋତା ଫୋପାଡିଥିଲେ । ଏହି କ୍ରମରେ ସେ କହିଥିଲେ କି ନେତାମାନେ ସାଧାରଣ ଲୋକଙ୍କୁ ଲୁଟୁଛନ୍ତି ।
Kolkata | A woman hurled a shoe at former WB Minister Partha Chatterjee while being taken to the ED office from ECI Hospital
“I had come to throw my shoe on him. He has taken money from poor people. I would have been happier if the shoe would have hit him on his head,” she said pic.twitter.com/aiXru6mhrC
— ANI (@ANI) August 2, 2022
କହିରଖୁ କି ପଶ୍ଚିମବଙ୍ଗ ଶିକ୍ଷକ ନିଯୁକ୍ତି ମାମଲାରେ ଘୋଟାଲା ହୋଇଥିବା ନେଇ ହାଇକୋର୍ଟରେ ଅଭିଯୋଗ ପରେ ଏହି ମାମଲାର ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ ହାଇକୋର୍ଟ । ଏହି ମାମଲାକୁ ପ୍ରଥମେ ସିବିଆଇ ଯାଂଚ କରୁଥିଲା । ଏହାପରେ ଏଥିରେ ଅର୍ଥ ହେରଫେର ହୋଇଥିବା ଜଣାପଡିବା ପରେ ଏହି ମାମଲାରେ ହସ୍ତକ୍ଷେପ କରିଥିଲା ଇଡି । ଇଡି ଏନେଇ ଚଢାଉ ଆରମ୍ଭ କରିଥିଲା । ଏଥିରେ ପାର୍ଥଙ୍କ ବାନ୍ଧବୀ କୁହାଯାଉଥିବା ଅର୍ପିତା ମୁଖାର୍ଜୀଙ୍କ ଫ୍ଲାଟରୁ ୫୦ କୋଟିରୁ ଟଙ୍କା ଜବତ ହେବା ପରେ ଏବେ ଇଡି ପାର୍ଥ ଓ ଅର୍ପିତାଙ୍କର ବିଭିନ୍ନ ଠିକଣାରେ ଚଢାଉ ଜାରି ରଖିଛି ।