କନକ ବ୍ୟୁରୋ : ଆଉ ଦିନ କେଇଟା ପରେ ଆଇପିଏଲର ମହାନିଲାମୀ ହେବାକୁ ଯାଉଛି । ଚଳିତ ମହାନିଲାମୀରେ ଅନେକ ବଡ ଚେହେରା ସାମିଲ ହେବେ । କାରଣ ନିୟମ ଅନୁଯାୟୀ ନିଜ ମନ ପସନ୍ଦର ଖେଳାଳୀଙ୍କୁ ଫ୍ରାଞ୍ଚାଇଜ ଗୁଡିକ ରିଟେନ କରିଥିବା ବେଳେ ଅନ୍ୟ ଖେଳାଳୀଙ୍କୁ ରିଲିଜ କରିଛନ୍ତି । ମୁମ୍ବାଇ ଇଣ୍ଡିଆନ୍ସ ୪ ଜଣ ଖେଳାଳୀଙ୍କୁ ରିଟେନ ରଖିଥିବା ବେଳେ ଆଶ୍ଚର୍ଯ୍ୟଜନକ ଭାବେ ବିସ୍ଫୋରକ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ରିଲିଜ କରିଥିଲା । ତେବେ ହାର୍ଦ୍ଦିକ ପାଣ୍ଡ୍ୟାଙ୍କୁ ଦଳ କାହିଁକି ରିଲିଜ କରିଥିଲା ତାହାର କାରଣ ଏବେ ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ମୁମ୍ବାଇ ଇଣ୍ଡିଆନ୍ସର ଥିଙ୍କ ଟ୍ୟାଙ୍କ ଜାହିର ଖାନ୍ ଏକ ସାକ୍ଷାତକାରରେ କହିଛନ୍ତି ଯେ, ଦଳ କାହିଁକି ହାର୍ଦ୍ଦିକ ପାଣ୍ଡ୍ୟାଙ୍କୁ ରିଟେନ କରିନଥିଲା । ଜାହିର ଖାନଙ୍କ ଅନୁଯାୟୀ, ହାର୍ଦ୍ଦିକ ପାଣ୍ଡ୍ୟା ଏବେ ନିଜର ଫିଟନେସ ଉପରେ ଲଗାତାର କାମ କରି ଆସୁଛନ୍ତି । କିନ୍ତୁ ଏହାସତ୍ତେ୍ୱ ମଧ୍ୟ ରିଟେନ ନିଷ୍ପତ୍ତି ନେବା ଏତେ ସହଜ ନୁହେଁ । କାରଣ ରିଟେସନ ପ୍ରକ୍ରିୟାରେ ଅନେକ ଦିଗ ଉପରେ ଧ୍ୟାନ ଦେବାକୁ ପଡିଥାଏ । କାରଣ ଖେଳାଳୀଙ୍କୁ ରିଟେନ କରିବା ପୂର୍ବରୁ ଅନେକ ବିଚାର ବିମର୍ଷ କରିବାକୁ ପଡିଥାଏ । ଦୀର୍ଘ ସମୟ ଧରି ଆଲୋଚନା ଚାଲିଥାଏ । ଏଭଳିସ୍ଥଳେ ନିଜ ଦଳର ଷ୍ଟାର ଖେଳାଳୀଙ୍କୁ ରିଲିଜ କରିବା ଓ ରିଟେନ କରିବା ନିଷ୍ପତ୍ତି ଫ୍ରାଞ୍ଚାଇଜ ପାଇଁ ଏତେ ସହଜ ହୋଇନଥାଏ ।
ଚଳିତଥର ମୁମ୍ବାଇ ଇଣ୍ଡିଆନ୍ସ ୪ ଜଣ ଖେଳାଳୀଙ୍କୁ ରିଟେନ ରଖିଥିଲା । ଅଧିନାୟକ ରୋହିତ ଶର୍ମାଙ୍କ ବ୍ୟତୀତ ବୁମରାହ, ସୂର୍ଯ୍ୟକୁମାର ଯାଦବ, କିରଣ ପୋଲାର୍ଡଙ୍କୁ ଦଳ ରିଟେନ ରଖିଛି । ସେହିଭଳି ଦୁଇ ଷ୍ଟାର ବ୍ୟାଟର ହାର୍ଦ୍ଦିକ ପାଣ୍ଡ୍ୟା ଓ ଇଶାନ କିଷାନଙ୍କୁ ଦଳ ରିଲିଜ କରିଛି ।
ହାର୍ଦ୍ଦିକ ପାଣ୍ଡ୍ୟା ଯେବେଠାରୁ ଆହତ ସମସ୍ୟା ଦେଇ ଗତି କରୁଛନ୍ତି ସେବେଠାରୁ ତାଙ୍କର ପ୍ରଦର୍ଶନ ଯଥେଷ୍ଟ ପ୍ରଭାବିତ ହୋଇଛି । ଗତ ଆଇପିଏଲ ଓ ଟି-୨୦ ବିଶ୍ୱକପରେ ଏହା ସ୍ପଷ୍ଟ ବାରି ହୋଇ ପଡିଥିଲା । କାରଣ ଆଇପିଏଲ ଓ ଟି-୨୦ରେ ହାର୍ଦ୍ଦିକ ବ୍ୟାଟରୁ ସେଭଳି ବିସ୍ଫୋରକ ଇନିଂସ ଦେଖିବାକୁ ମିଳିନଥିଲା । ଯେଉଁଥିପାଇଁ ପାଣ୍ଡ୍ୟାଙ୍କୁ ଚୂଡାନ୍ତ ଏକାଦଶରେ ସାମିଲ କରିବାକୁ ନେଇ ମଧ୍ୟ ପ୍ରଶ୍ନ ଉଠିଥିଲା । ତେବେ ଏହାପରେ ପାଣ୍ଡ୍ୟା ନିଜର ଫିଟନେସ ଉପରେ କାମ କରିଥିଲେ । ଯେଉଁଥିପାଇଁ ଦକ୍ଷିଣ ଆଫ୍ରିକା ବିପକ୍ଷ ସିରିଜରୁ ନିଜକୁ ଉପଲବ୍ଧ କରାଇନଥିଲେ ପାଣ୍ଡ୍ୟା ।