କୋଭିଡ୍ ମୃତ୍ୟୁର ହିସାବକୁ ନେଇ ବିବାଦ ବଢ଼ାଇଲା ବିଶ୍ୱସ୍ୱାସ୍ଥ୍ୟ ସଙ୍ଗଠନର ରିପୋର୍ଟ
ଭାରତରେ ସରକାରୀ ଭାବେ ଯେତିକି ଦର୍ଶାଯାଇଛି ତାଠାରୁ ୧୦ଗୁଣା ଅଧିକ ମୃତ୍ୟୁ ହୋଇଥିବା ପ୍ରକାଶ । ପ୍ରତିବାଦ ଜଣାଇଲା ଭାରତ କହିଲା । ହୁର ଆକଳନ ତ୍ରୁଟିପୂର୍ଣ୍ଣ
କନକ ବ୍ୟୁରୋ : ପୁଣି ଥରେ କୋଭିଡ୍ ଜନିତ ମୃତ୍ୟୁ ସଂଖ୍ୟାକୁ ନେଇ ବିବାଦ ସୃଷ୍ଟି ହୋଇଛି । ବିଶ୍ୱସ୍ୱାସ୍ଥ୍ୟ ସଙ୍ଗଠନ ପକ୍ଷରୁ ପ୍ରକାଶ ପାଇଥିବା ରିପୋର୍ଟରେ କୁହାଯାଇଛି, କୋଭିଡ୍ ମୃତ୍ୟୁକୁ ନେଇ ସରକାରୀ ଭାବେ ଯେଉଁ ସଂଖ୍ୟା ଦର୍ଶାଯାଇଛି ,ପ୍ରକୃତ ସଂଖ୍ୟା ତାଠାରୁ ଢ଼େର ଅଧିକ । ସାରା ବିଶ୍ୱରେ କୋଭିଡରେ ଯେତିକି ଲୋକ ମରିଛନ୍ତି ବୋଲି କୁହାଯାଉଛି, ବାସ୍ତବ ସଂଖ୍ୟା ତାଠାରୁ ପ୍ରାୟ ତିନି ଗୁଣ ଅଧିକ ।
Kanak News is now on WhatsApp
Join and get latest news updates delivered to you via WhatsApp
୨୦୨୦ ଜାନୁଆରୀରୁ ୨୦୨୧ ଡିସେମ୍ବର ସୁଦ୍ଧା ୫୦ଲକ୍ଷ ୪୦ ହଜାର କୋଭିଡ୍ ମୃତ୍ୟୁ ହୋଇଥିବା ସରକାରୀ ଭାବେ ଦର୍ଶାଯାଇଛି । କିନ୍ତୁ ଏହି ସଂଖ୍ୟା ତିନି ଗୁଣ ଅଧିକ । ଅର୍ଥାତ ଏହି ସମୟରେ ପ୍ରକୃତରେ କୋଭିଡ୍ ଜନିତ ମୃତ୍ୟୁ ସଂଖ୍ୟା ପ୍ରାୟ ଦେଢ଼ କୋଟି । ବିଶ୍ୱରେ ଯେତିକି ମୃତ୍ୟୁ ହୋଇଛି ତାର ଏକ ତୃତୀୟାଂଶ କେବଳ ଭାରତରେ ହୋଇଛି । ଏବଂ ଭାରତରେ ସରକାରୀ ଭାବେ ଯେତିକି ମୃତ୍ୟୁ ଦର୍ଶାଯାଇଛି ଏହି ସଂଖ୍ୟା ତାଠାରୁ ପ୍ରାୟ ୧୦ଗୁଣା ଅଧିକ । ଭାରତରେ ୪ଲକ୍ଷ ୭୦ ହଜାର କୋଭିଡ୍ ମୃତ୍ୟୁ ହୋଇଥିବା କୁହାଯାଉଥିଲେ ବି ପ୍ରକୃତରେ ୪୦ଲକ୍ଷରୁ ଅଧିକ ଲୋକଙ୍କର ଜୀବନ ନେଇଛି କରୋନା ।
ହୁ’ର ଏଭଳି ଆଳକନକୁ ତୀବ୍ର ପ୍ରତିବାଦ କରିଛି ଭାରତ । ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି, ଯେଉଁ ମଡେଲକୁ ଆଧାର କରି ହୁ’ ଏଭଳି ରିପୋର୍ଟ ପ୍ରକାଶ କରିଛି ଓ ଦାବି କରୁଛି ତାହା ତ୍ରୁଟିପୂର୍ଣ୍ଣ । ଜନସଂଖ୍ୟା ଆଧାରରେ ବେପରୁଆ ଭାବେ ଆକଳନ କରିବା ଯୋଗୁଁ ଏହି ବିବାଦ ସୃଷ୍ଟି ହୋଇଛି । ଏହି ପ୍ରସଂଗକୁ ଆଗାମୀ ଦିନରେ ବିଶ୍ୱ ସ୍ୱାସ୍ଥ୍ୟ ସଂଗଠନର ନୀତି ନିର୍ଦ୍ଧାରଣ ସଂସ୍ଥା ୱାଲର୍ଡ ହେଲଥ ଆସେମ୍ବ୍ଲିରେ ଉଠାଇବ ଭାରତ ।