୨୦୨୪ ପାଇଁ ସମ୍ଭାବ୍ୟ ମେଣ୍ଟ ନେଇ ଓଡିଶା ଆସିଲେ କି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ? ଆଜି ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିବେ
କନକ ବ୍ୟୁରୋ : ତିନି ଦିନିଆ ଓଡିଶା ଗସ୍ତରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଆଜି ଅପରାହ୍ମଣରେ ଶ୍ରୀମନ୍ଦିର ଯାଇ ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିବେ । ଶ୍ରୀମନ୍ଦିରରେ ମମତା ମାନସିକ ପୂଜା କରିବେ ବୋଲି ସୂଚନା ରହିଛି । ଶ୍ରୀମନ୍ଦିରରେ ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ ସହ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ପୁରୀରେ ଅନ୍ୟାନ୍ୟ କାର୍ଯ୍ୟକ୍ରମ ମଧ୍ୟ ରହିଛି । ସିପସରୁବାଲି ମୌଜାରେ ୫ ଏକର ଜମିରେ ପଶ୍ଚିମବଙ୍ଗ ସରକାର ଲାଗି ଏକ ଗେଷ୍ଟହାଉସ ନିର୍ମାଣ ହେବାର ଅଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଜମିକୁ ବୁଲି ଦେଖିବା ସହ ଜିଲ୍ଲା ପ୍ରଶାସନିକ ଅଧିକାରୀଙ୍କ ସହ ଆଲୋଚନା କରି ଭିତି ପ୍ରସ୍ତର ସ୍ଥାପନ କରିବେ ମମତା । ଏଥିପାଇଁ ଜିଲ୍ଲା ପ୍ରଶାସନ ଓ ପୋଲିସ ପକ୍ଷରୁ ଆନୁସଙ୍ଗିକ ବ୍ୟବସ୍ଥା କରାଯାଇଛି । ଆସନ୍ତାକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିବେ ମମତା ବାନାର୍ଜୀ । ରାଜ୍ୟ ରାଜନୀତିରେ ଦବଦବା ଜାହିର କରିଥିବା ଏହି ଦୁଇ ମୁଖ୍ୟମନ୍ତ୍ରୀଙ୍କ ଭେଟଘାଟ ଜାତୀୟ ରାଜନୀତିକୁ ପ୍ରଭାବିତ କରିବା ଆଶା ରହିଛି ।
ମୋଦୀ ବିରୋଧୀ ଭାବେ ବେଶ ଜଣାଶୁଣା ମମତା । କଂଗ୍ରେସ ଓ ବିଜେପି ଠାରୁ ସମ ଦୂରତା ରକ୍ଷା କରି ଆସୁଛି ବିଜେଡି । କେସିଆରଙ୍କ ନେତୃତ୍ୱରେ ଏକାଠି ହେଉଥିବା ମୋଦୀ ବିରୋଧୀ ମେଂଟ ଠାରୁ ବି ଦୂରେଇ ରହିଛନ୍ତି ନବୀନ । ତେଣୁ ନବୀନଙ୍କୁ ସାଙ୍ଗରେ ନେଇ ୨୦୨୪ ପାଇଁ ବିଜେପି ବିରୋଧୀ ରଣନୀତି ପ୍ରସ୍ତୁତ କରିପାରନ୍ତି ମମତା । ତେଣୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ତିନି ଦିନିଆ ଓଡିଶା ଗସ୍ତ ଉପରେ ଏବେ ସମସ୍ତଙ୍କ ନଜର ଅଟକି ରହିଛି ।