କନକ ବ୍ୟୁରୋ: ଧାମନଗର ଉପନିର୍ବାଚନରେ ଭୋଟରଙ୍କ ହୃଦୟ ଜିଣିବା ପାଇଁ ଶେଷ ଦିନରେ ସବୁ ବଳ ଖଟାଇ ଦେଇଛନ୍ତି ବିଧାୟକ ପ୍ରାର୍ଥୀ ଓ ସେମାନଙ୍କ ସମର୍ଥକ । ବିରାଟ, ବିରାଟ ପଟୁଆରରେ ବାହାରି ଶୋଭାଯାତ୍ରା କରି ସେମାନଙ୍କ ଶକ୍ତି ପ୍ରଦର୍ଶନ କରିଛନ୍ତି । ଆଉ ସେହି ରାଜନୈତିକ ମହାଲଢ଼େଇର ପ୍ରତିଟି ଦୃଶ୍ୟ କନକ ନ୍ୟୁଜ୍ କ୍ୟାମେରାରେ କଏଦ ହୋଇଛି । ଖବର ସଂଗ୍ରହ କରିଛନ୍ତି କନକ ନ୍ୟୁଜ୍ ପ୍ରତିନିଧି । ଶୋଭାଯାତ୍ରାଠାରୁ ଆରମ୍ଭ କରି ଗାଁ ଗାଁରେ ବୁଲି ନେତାଙ୍କ ରଣନୀତି ଓ ଭୋଟରଙ୍କ ମୁଡ ପରିଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରମୁଖ ରାଜନୈତିକ ଦଳ ବିଜେଡି, ବିଜେପି, କଂଗ୍ରେସ ପ୍ରାର୍ଥୀଙ୍କୁ ଛାଡି ବିଦ୍ରୋହୀ ତଥା ସ୍ୱାଧୀନ ପ୍ରାର୍ଥୀ ନିର୍ବାଚନରେ ପ୍ରମୁଖ ଭୂମିକା ଗ୍ରହଣ କରିବେ ବୋଲି କୁହାଯାଉଥିବାରୁ ରାଜନୈତିକ ମାହୋଲ ସରଗରମ ହୋଇଛି । ଆଉ ସ୍ଥିତିକୁ ଦେଖି ଧାମନଗରର ଭୋଟର ବି ବେଶ୍ ଚତୁରତାର ସହ ଉତ୍ତର ରଖୁଛନ୍ତି । ନିର୍ବାଚନ ପ୍ରଚାରରେ କମ୍ପୁଥିବା ଧାମନଗର ନିର୍ବାଚନମଣ୍ଡଳୀର ପ୍ରତିଟି ଖବରକୁ ପାଖରୁ ଦେଖିଛନ୍ତି ଆମ ରିପୋର୍ଟର । ସମ୍ପୂର୍ଣ୍ଣ ନିର୍ବାଚନମଣ୍ଡଳୀ ଘୋ ଘୋ ପ୍ରଚାରରେ କମ୍ପୁଥିବାବେଳେ ଭୋଟରଙ୍କ ମୁଡ କଣି ରହିଛି, ରାଜନୈତିକ ଦଳଙ୍କ ରଣନୀତି କଣ ରହିଛି ତାହା ପରଖିଛନ୍ତି ।
ଧାମନଗରର ନିର୍ବାଚନମଣ୍ଡଳୀର ଇତିହାସକୁ ଦେଖିଲେ, ଏଠାରୁ ପୂର୍ବରୁ କଂଗ୍ରେସ, ବିଜେଡି, ବିଜେପି ସବୁ ଦଳର ପ୍ରାର୍ଥୀ ବିଜୟୀ ହୋଇଛନ୍ତି । ଆଉ ଏବେ ପୁଣି ଥରେ ଦଖଲ କରିବା ପାଇଁ ଲାଗି ପଡିଛନ୍ତି । ଆଉ ଆମ ପ୍ରତିନିଧି ସେମାନଙ୍କ ସହ ରହି ରଣନୀତିକୁ ତଉଲିଛନ୍ତି । ଗାଁ ହେଉ କି ସହ ସବୁଠି ପହଁଞ୍ଚିଛି କନକ ନ୍ୟୁଜ୍ ଟିମ୍ । ଭୋଟର କେଉଁଭଳି ପ୍ରାର୍ଥୀ ଚୟନ କରିବାକୁ ଚାହୁଁଛନ୍ତି ଓ କଣ ପ୍ରମୁଖ ପ୍ରସଙ୍ଗ ରହିଛି ତାହା ଭୋଟରଙ୍କୁ ପଚାରିଛନ୍ତି ଆମ ପ୍ରତିନିଧି । ନେତାଙ୍କୁ ବି ନିର୍ବାଚନମଣ୍ଡଳୀର ବିକାଶ ନେଇ କଣ ଯୋଜନା ରହିଛି ତାହା ପଚାରିଛି କନକ ନ୍ୟୁଜ୍ ।
ପ୍ରଚାରର ଶେଷ ଦିନରେ ସବୁ ପ୍ରାର୍ଥୀଙ୍କ ଶୋଭାଯାତ୍ରାରେ ହଜାର ହଜାର ଲୋକଙ୍କ ଭିଡ ଜମା ହୋଇଥିଲା । କିନ୍ତୁ ଏହି ଭିଡ ଭୋଟରେ ପରିଣତ କରିବାରେ ନେତା କେତେ ସମର୍ଥ ହେବେ ତାହା ପଚାରି ବୁଝିଛନ୍ତି ଆମ ପ୍ରତିନିଧି । ପ୍ରଚାର ଶେଷ ହୋଇଥିଲେ ବି ଧାମନଗର ନିର୍ବାଚନ ଫଳାଫଳ ଆସିବା ପର୍ଯ୍ୟନ୍ତ ଆପଣଙ୍କ ପାଖରେ ଆମେ ପହଁଞ୍ଚାଇବୁ ଧାମନଗର ନିର୍ବାଚନ ସମ୍ପର୍କୀତ ପ୍ରତିଟି ଖବର ।