ଧାନ କ୍ଷେତରେ ଟ୍ରାକ୍ଟର ଚଲାଇଲେ ଧୋନୀ : ଇନଷ୍ଟାଗ୍ରାମରେ ଭିଡିଓ ପୋଷ୍ଟ କରି କ୍ୟାପସନରେ ଲେଖିଲେ, ‘ନୂଆ ଶିଖିବାର ମଜାଦାର ଅନୁଭୂତି’
କନକ ବ୍ୟୁରୋ : ଧାନ କ୍ଷେତରେ ଧୋନୀ । ଟ୍ରାକ୍ଟର ଚଳାଇଲେ ମାହି । କ୍ୟାପଟେନ୍ କୁଲ ଭାବେ ଜଣାଶୁଣା ମହେନ୍ଦ୍ର ସିଂ ଧୋନୀ ଅନ୍ତର୍ଜାତୀୟ କ୍ରିକେଟ ଛାଡ଼ିବା କିଛି ବର୍ଷ ହେଲାଣି । ହେଲେ ତାଙ୍କର ଅଗଣିତ ଫ୍ୟାନ ଧୋନୀଙ୍କ ବିଷୟରେ ଜାଣିବାକୁ ସବୁବେଳେ ଆଗ୍ରହୀ ହୋଇ ରହିଛନ୍ତି । ଧୋନୀ ମଧ୍ୟ ମଝିରେ ମଝିରେ ନିଜର ଭିଡିଓ ପୋଷ୍ଟ କରି ଫ୍ୟାନଙ୍କ ସହ ଖୁସି ବାଣ୍ଟୁଛନ୍ତି । ଠିକ୍ ଏବେ ଏହିପରି ଏକ ମଜଦାର ଭିଡିଓ ସେୟାର କହିଛନ୍ତି ମାହି । ଏଥିରେ ସେ ଟ୍ରାକ୍ଟର ଚଳାଉଛନ୍ତି । କ୍ଷେତ୍ରରେ ପୁରା ଅଭିଜ୍ଞ ଚାଳକଙ୍କ ଭଳି ଧୋନୀ ଟ୍ରାକ୍ଟର ଚଳାଉଛନ୍ତି । ତାଙ୍କ ସହ ଟ୍ରାକ୍ଟରରେ ଆଉ କିଛି ଲୋକ ମଧ୍ୟ ବସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନିଜ ଇନଷ୍ଟ୍ରାଗ୍ରାମରେ ଭିଡିଓ ସେୟାର କରି ମାହି ଲେଖିଛନ୍ତି ଯେ, ନୂଆ କିଛି ଶିଖିବା ସବୁବେଳେ ଏକ ମଜାଦାର ଅନୁଭୂତି । ହେଲେ ଏହି କାମ ସାରିବାକୁ ବହୁ ସମୟ ଲାଗିଲା ବୋଲି ସେ ଲେଖିଛନ୍ତି । ଏହି ଭିଡିଓଟି ସାମ୍ନାକୁ ଆସିବା ପରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ପ୍ରାୟ ଏକ କୋଟି ଲୋକ ଏହାକୁ ଦେଖିସାରିଲେଣି । ମାହି ଟ୍ରାକ୍ଟର ଚଳାଉଥିବା ଭିଡିଓ ଉପରେ ଏକାଧିକ ସେଲିବ୍ରିଟି ମଧ୍ୟ ପ୍ରତିକ୍ରିୟା ରଖିଛନ୍ତି । ତେବେ ରବୀନ୍ଦ୍ର ଜାଡ଼େଜାଙ୍କ ପ୍ରତିକ୍ରିୟା ସବୁଠୁ ମଜାଦାର । ଜାଡ଼େଜା ଲେଖିଛନ୍ତି, ମାହି ଭାଇ ଟ୍ରାକ୍ଟର ତ ଚଳାଉଛନ୍ତି, ହେଲେ ଗାଡ଼ିର ନମ୍ବର ପ୍ଲେଟ କାହିଁ ?
ସେହିପରି ଅଭିନେତା ପଙ୍କଜ ତ୍ରିପାଠୀ ମଧ୍ୟ ଧୋନୀଙ୍କ ଭିଡିଓ ଉପରେ ଖୁସି ଜାହିର କରିଛନ୍ତି । ଧୋନୀ ନୂଆ ନୂଆ ଅନ୍ଦାଜରେ ସବୁବେଳେ ସାମ୍ନାକୁ ଆସିଥାନ୍ତି । କେତେବେଳେ ନିଜ ବାଇକରେ ଝିଅ ଝିଭାକୁ ବସାଇ ବୁଲାଉଥିବାର ଦେଖିବାକୁ ମିଳନ୍ତି, ତ କେତେବେଳେ ଧ୍ୟାନ ମୁଦ୍ରାରେ ତାଙ୍କର ଭିଡିଓ ଭାଇରାଲ ହୋଇଥାଏ । ୨୦୧୧ ବିଶ୍ୱକପ ବିଜୟୀ ଟିମର ଅଧିନାୟକ ଥିଲେ ମହେନ୍ଦ୍ର ସିଂ ଧୋନୀ । ନିଜ ଶାନ୍ତ ସ୍ୱଭାବ ଓ ବିଚକ୍ଷଣ ରଣନୀତି ପାଇଁ ଖେଳ ପଡ଼ିଆରେ ବିପକ୍ଷ ଦଳକୁ ଚିତ୍ କରିବାରେ ମାହିର ଥିବା ଧୋନୀ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି ସତ, ହେଲେ ଆଜି ବି ଫ୍ୟାନଙ୍କ ପାଇଁ ସେ ପ୍ରିୟ ମାହି ଭାଇ ।