କିଏ ହେବେ ଦେଶର ପରବର୍ତ୍ତୀ ରାଷ୍ଟ୍ରପତି ? ଜାତୀୟ ଗଣମାଧ୍ୟମରେ ରିପୋର୍ଟ; ଏନଡିଏ ପ୍ରାର୍ଥୀ ଘୋଷଣା କରିନଥିବା ବେଳେ ଚର୍ଚ୍ଚାରେ ଭେଙ୍କେୟା ନାଇଡୁ
କନକ ବ୍ୟୁରୋ : କିଏ ହେବେ ଦେଶର ପରବର୍ତ୍ତୀ ରାଷ୍ଟ୍ରପତି ? ଏନଡିଏ ସରକାର କିମ୍ବା ବିରୋଧୀ ମେଣ୍ଟ, କେହି ବି ନିଜ ନିଜ ପ୍ରାର୍ଥୀ ଘୋଷଣା କରିନଥିବାବେଳେ ବିଭିନ୍ନ ନାଁକୁ ନେଇ ଚର୍ଚ୍ଚା ଜୋର ଧରିଛି । ଆଉ ଏହାରି ଭିତରେ ଚର୍ଚ୍ଚାର ଆଗରେ ରହିଛନ୍ତି ଉପରାଷ୍ଟ୍ରପତି ଏମ ଭେଙ୍କେୟା ନାଇଡୁ । ତାଙ୍କୁ ନେଇ ଜାତୀୟ ଗଣମାଧ୍ୟମରେ ଜୋରଦାର ଆଲୋଚନା ହେଉଛି । କାରଣ ଦକ୍ଷିଣ ଭାରତରେ ନିଜର ଭୋଟ ବ୍ୟାଙ୍କ ବଢାଇବାକୁ ବିଜେପି ଜଣେ ଦକ୍ଷିଣ ଭାରତୀୟ ଚେହେରା ଭାବରେ ଭେଙ୍କେୟା ନାଇଡୁଙ୍କୁ ଆଗକୁ ଆଣିବାକୁ ଚାହୁଁଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ବିରୋଧୀ ପ୍ରାର୍ଥୀ ଦେବା ଆଶଙ୍କାରେ ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ, ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡି ଓ ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆରଙ୍କ ସମର୍ଥନ ହାସଲ କରିବାରେ ଏହା ବିଜେପିକୁ ସହାୟକ ହୋଇପାରେ । ଉପରାଷ୍ଟ୍ରପତି ଭାବେ ରାଜ୍ୟସଭା ପରିଚାଳନା କଲାବେଳେ ନିଜର ଦକ୍ଷତା ପ୍ରଦର୍ଶନ କରିପାରିଛନ୍ତି । ଜଣେ ବିଚକ୍ଷଣ ରାଜନେତା ଭାବରେ ଦଳମତ ନିର୍ବିଶେଷରେ ତାଙ୍କର ଆଦୃତି ରହିଛି । ବିଜେଡି ଓ ଏହାର ସୁପ୍ରିମୋ ନବୀନ ପଟ୍ଟନାୟକଙ୍କ ସହ ଭେଙ୍କେୟା ନାଇଡୁଙ୍କ ସୁସଂପର୍କ ରହିଆସିଛି । ତେଣୁ ରାଷ୍ଟ୍ରପତି ନିର୍ବାଚନରେ ବିଜେଡିର ସମର୍ଥନ ମିଳିବା ସମ୍ଭାବନା ମଧ୍ୟ ବଢିଯିବ ବୋଲି କୁହାଯାଉଛି ।