ସୋସିଆଲ୍ ମିଡିଆରେ ନିଜ ପ୍ରେମକୁ ପ୍ରକାଶ କଲେ ବରୁଣ ଧୱନ ! ବନ୍ଧୁତ୍ୱ ଦିବସ ଅବସରରେ ପ୍ରେମିକାଙ୍କ ସହ ସେୟାର କଲେ ଫଟୋ ।
ବଲିଉଡର କୁଲ୍ ହିରୋ ବରୁଣ ଧୱନ ନିକଟରେ ‘ସୁଇ ଧାଗା’ ଫିଲ୍ମର ସୁଟିଂ ଶେଷ କରି ନିଜ ଗର୍ଲଫ୍ରେଣ୍ଡ ନତାଶା ଦଲାଲ ସହ ଲଣ୍ଡନରେ ଛୁଟି କଟାଇବାକୁ ଯାଇଥିଲେ । ଶନିବାର ଦିନ ଉଭୟେ ବରୁଣ ଓ ନତାଶା ଇଣ୍ଡିଆ ଫେରିଛନ୍ତି । ଯଦିଓ କିଛି ଦିନରୁ ଉଭୟଙ୍କ ଭିତରେ ସମ୍ପର୍କ ଏତେଟା ଭଲ ନାହିଁ ବୋଲି ଶୁଣିବାକୁ ମିଳୁ ଥିଲା ହେଲେ ନିଜ ସମ୍ପର୍କକୁ ନେଇ ଦୁହେଁ କେବେ ବି ମୁଁହ ଖୋଲି ନାହାଁନ୍ତି । ନିଜ ଲଭ ଲାଇଫକୁ ନେଇ ସବୁବେଳ ଚୁପ୍ ରହୁଥିବା ବରୁଣ ପ୍ରଥମଥର ପାଇଁ ଇଂଷ୍ଟାଗ୍ରାମରେ ନିଜ ଗର୍ଲଫ୍ରେଣ୍ଡଙ୍କ ଫଟୋକୁ ଶେୟାର କରିଛନ୍ତି । ଅନେକ ପବ୍ଳିକ୍ ଇଭେଣ୍ଟରେ ବରୁଣ ଏବଂ ନତାଶା ଏକାଠି ନଜର ଆସୁଥିଲେ ମଧ୍ୟ ସୋସିଆଲ ମିଡିଆରେ ପ୍ରଥମ ଥର ପାଇଁ ନିଜ ପ୍ରେମକୁ ଜାହିର କରିଛନ୍ତି ବରୁଣ ।
Kanak News is now on WhatsApp
Join and get latest news updates delivered to you via WhatsApp
ବରୁଣ ଧୱନ ରବିବାର ଫ୍ରେଣ୍ଡସିପ ଡେ’ ଅବସରରେ ପ୍ରଥମ ଥର ପାଇଁ ସୋସିଆଲ ମିଡିଆରେ ନତାଶାଙ୍କ ସହ ଫଟୋ ଶେୟାର କରିଛନ୍ତି । ତାଙ୍କର ଏ ଫଟୋଟି ଲଣ୍ଡନରେ ଉଠାଯାଇଛି । ଏହି ଫଟୋରେ ଉଭୟ କଳା ଚଷମା ସହ ହ୍ୱାଇଟ କଲର ଟି-ସର୍ଟରେ ବେଶ୍ ସୁନ୍ଦର ଦେଖାଯାଉଛନ୍ତି । ବରୁଣ ଓ ନତାଶାଙ୍କ ଏହି ଅନ୍ଦାଜର ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଏପରିକି କିଛି ଘଣ୍ଟା ମଧ୍ୟରେ ଏହି ଫଟୋକୁ ୨ ଲକ୍ଷ ୩୩ ହଜାରରୁ ଅଧିକ ଲୋକ ଲାଇକ୍ ମିଳିସାରିଛି ।
ଏଠାରେ ଆପଣଙ୍କୁ କହି ରଖୁଛୁ ହଲିଡେ’ ରୁ ଫେରିବା ପରେ ବରୁଣ ଏବେ ଫିଲ୍ମ ‘ସୁଇ ଧାଗା’ ପ୍ରମୋଶନରେ ବ୍ୟସ୍ତ ରହିବେ । ଫିଲ୍ମ ‘ସୁଇ-ଧାଗା’ର ଟ୍ରେଲର ଅଗଷ୍ଟରେ ରିଲିଜ ହେବାର ଅଛି । ଫିଲ୍ମ ୨୮ ସେପ୍ଟେମ୍ବରକୁ ରିଲିଜ ହେବ । ଏହି ଫିଲ୍ମରେ ବରୁଣଙ୍କ ସହ ଅନୁଷ୍କା ଶର୍ମା ନଜର ଆସିବେ । ଏହା ସହିତ ବର୍ତ୍ତମାନ ବରୁଣ ଧର୍ମା ପ୍ରଡକ୍ସନର ଫିଲ୍ମ ‘କଳଙ୍କ’ର ସୁଟିଂରେ ବ୍ୟସ୍ତ ଅଛନ୍ତି । ଯାହାର କିଛି ଅଂଶ ସେ ଆଗରୁ ସୁଟିଂ କରି ସାରିଛନ୍ତି ।