କନକ ବ୍ୟୁରୋ: ଦାଦା ବଟି ମାଗି ବନ୍ଧାହେଲେ ବାଉନସର । ଦାଦା ବଟି ନଦେବାରୁ ଜଣେ ବାର କର୍ମଚାରୀଙ୍କୁ ଅପହରଣ କରି ଏକ ବନ୍ଦ ଘର ଭିତରେ ମାଡ଼ ମାରିଥିବା ଅଭିଯୋଗରେ ୨ଜଣ ବାଉନସରକୁ ବାନ୍ଧିଛି ଏୟାରଫିଲ୍ଡ ଥାନା ପୋଲିସ । ଏହାସହ ଅପହରଣରେ ବ୍ୟବହୃତ ହୋଇଥିବା କାରକୁ ଜବତ କରିଛି ପୁଲିସ । ମାସକୁ ୫୦ ହଜାର ଟଙ୍କା ବଟି ପାଇଁ ଯୁବକଙ୍କୁ ଅପହରଣ କରିଥିଲେ ବାଉନ୍ସର ଗ୍ୟାଙ୍ଗ ।
Kanak News is now on WhatsApp
Join and get latest news updates delivered to you via WhatsApp
ଛାତିକୁ ଫୁଲାଇ, ବାହୁ ଦେଖାଇ ସୋସିଆଲ ମିଡିଆରେ ରିଲ୍ସ ବନାଇ ଭୟଭୀତ କରୁଥିବା ବାଉଁଶର ଏବେ ସାବାଡ ହେବେ । ବାହୁ ଦେଖାଇଲେ ହାଜତ ଦେଖାଇଦେବ କମିଶନରେଟ୍ ପୁଲିସ । ଉପରମୁହାଁ ହେଉଥିବା ଅପରାଧୀଙ୍କୁ ସାବାଡ କରିବାକୁ ଆରମ୍ଭ ହୋଇଛି ଅପରେସନ କ୍ଲିନ । ଆଗକୁ ପାର୍ବଣ ଋତୁ ଥିବାରୁ ଦାଦାବଟି ମାଗିବା କିମ୍ବା କୌଣସି ପ୍ରକାରର ଅପରାଧ କଲେ ବାନ୍ଧି ଜେଲ ପଠାଇବାକୁ ନିଷ୍ପତି ନେଇଛି ପୁଲିସ । ଦେଖନ୍ତୁ ଏହି ଦୁଇ ବାଉଁଶରଙ୍କୁ । ଏମାନଙ୍କ କାରନାମା ଦୀର୍ଘଦିନ ଧରି ପୁଲିସର ନିଦ ହଜାଇଦେଇଥିଲା । ଜଣେ ବାର ମ୍ୟାନେଜରଙ୍କୁ ଏମାନେ ମାସିକ ୫୦ ହଜାର ଟଙ୍କା ବଟି ମାଗିଲେ । ଆଫ ବଟି ଦେବାକୁ ଅସମର୍ଥ ହେବାରୁ ମ୍ୟାନେଜରଙ୍କୁ ଅପହରଣ କରି ମାଡ ମାରି ଲହୁଲୁହାଣ କଲେ । ଥାନାରେ ଅଭିଯୋଗ ପରେ ୫ ବାଉନ୍ସର ଫେରାର ହୋଇଗଲେ ।
ଏମାନେ ହେଉଛନ୍ତି ସେହି ଅଭିଯୁକ୍ତ ବାଉନ୍ସର । ଓଲଡ ଟାଉନ ଅଂଚଳର ଆଶିଷ ସାହୁ ଓରଫ ପିନୁ ଓ ବାଲିପାଟଣା ବିଶ୍ୱନାଥପୁର ଅଂଚଳର ଆଦିତ୍ୟ ବରାଳ ଓରଫ ଆଦିକୁ ବାନ୍ଧିଛି ଏୟାରଫିଲଡ ଥାନା ପୁଲିସ । ପିନୁ ନାଁରେ ଢେଙ୍କାନାଳ, କ୍ୟାପିଟାଲ ଥାନା, ଖାରବେଳ ନଗର ଓ ଏୟାରଫିଲ୍ଡ ଥାନାରେ ମାଳ ମାଳ ମାମଲାର ରହିଛି । ଆଦି ନାଁରେ ଲିଙ୍ଗରାଜ ଥାନା ଅଂଚଳରେ ମାମଲା ରହିଛି । ଅପହରଣରେ ବ୍ୟବହୃତ ହୋଇଥିବା କାରକୁ ଜବତ କରିଛି ପୁଲିସ ।
ବାର ମାଲିକଙ୍କୁ ଧମକ ଦେଇ ବଟି ଆଦାୟ କରିବା ଉଦ୍ଦେଶ୍ୟରେ ଏମାନେ ମ୍ୟାନେଜରଙ୍କୁ ଏକ ବନ୍ଦ କୋଠରୀ ଭିତରେ ମାଡ ମାରି ଭିଡିଓ ଭାଇରାଲ କରିଥିଲେ । ଘଟଣା ଘଟାଇ କୋଲାକାତା ଫେରାର ହୋଇଯାଇଥିଲେ । ଭୁବନେଶ୍ୱର ଫେରିବାରାସ୍ତାରେ ଏମାନଙ୍କୁ ବାନ୍ଧିଛି ପୁଲିସ ।