ପ୍ରଧାନମନ୍ତ୍ରୀ ମୋଦୀଙ୍କ ଟ୍ୱିଟର ଆକାଉଣ୍ଟରୁ ହଟିଲା ବ୍ଲୁ ଟିକ୍ । ମିଳିଲା ଗ୍ରେ ଟିକ୍, ଜାଣନ୍ତୁ କେଉଁମାନଙ୍କୁ ମିଳିପାରିବ ଗ୍ରେ ଟିକ୍ ।
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଟ୍ୱିଟର ଆକାଉଣ୍ଟରୁ ବ୍ଲୁ ଟିକ୍ ଗାଏବ । ଗତ କିଛି ଦିନ ହେବ ଟ୍ୱିଟରରେ ଅନେକ କିଛି ପରିବର୍ତ୍ତନ କରାଯାଉଛି । ଖାସକରି ବ୍ଲୁ ଟିକ୍ ପାଇଁ ସବସ୍କ୍ରିପସନ ଫିଚର ଜାରି କରାଯାଇଛି । ତେବେ ଏହି ଟିକ୍ ଫିଚର ଏବେ ୩ଟି ରଙ୍ଗରେ ଉପଲବ୍ଧ ରହିଛି । ପୂର୍ବରୁ କେବଳ ବ୍ଲୁ ଟିକ୍ ହିଁ ମିଳୁଥିଲା । ତେବେ ପ୍ରଧାନମନ୍ତ୍ରୀ ମୋଦୀଙ୍କ ଟ୍ୱିଟର ଆକାଉଣ୍ଟରେ ବ୍ଲୁ ଟିକ୍ ବଦଳରେ ଗ୍ରେ ଟିକ୍ ଦେଖିବାକୁ ମିଳିଛି । ଆଉ ଏହା ମଧ୍ୟ ଭେରିଫାଏଡ ଆକାଉଣ୍ଟ । ଏହି ଆକାଉଣ୍ଟର ହ୍ୟାଣ୍ଡେଲରେ ଇଣ୍ଡିଆ ଗଭର୍ଣ୍ଣମେଣ୍ଟ ଅଫିସିଆଲ ବୋଲି ଉଲ୍ଲେଖ ରହିଛି । ନୂଆ ଭେରିଫିକେସନ ଅନୁଯାୟୀ ଏଭଳି ପରିବର୍ତ୍ତନ ହେଉଥିବା କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
କେବଳ ପ୍ରଧାନମନ୍ତ୍ରୀ ମୋଦୀ ନୁହନ୍ତି ବରଂ ଗୃହମନ୍ତ୍ରୀ ଅମିତ ଶାହା, ନୀତିନ ଗଡକରୀ, ପୀୟୁଷ ଗୋଏଲଙ୍କ ଭଳି କେନ୍ଦ୍ରମନ୍ତ୍ରୀଙ୍କ ଆକାଉଣ୍ଟରେ ମଧ୍ୟ ବ୍ଲୁ ଟିକ୍ ବଦଳରେ ଗ୍ରେ ଟିକ୍ ମିଳିଛି । ଟ୍ୱିଟର ପକ୍ଷରୁ ପୂର୍ବରୁ ସ୍ପଷ୍ଟ କରାଯାଇଥିଲା ଯେ, କେବଳ ସରକାରଙ୍କ ସହ ଜଡିତ ବ୍ୟକ୍ତିବିଶେଷଙ୍କ ପାଇଁ ଗ୍ରେ ଟିକ୍ ଉପଲବ୍ଧ ରହିବ । ତେବେ କୌଣସି ରାଜ୍ୟର ମୁଖ୍ୟମନ୍ତ୍ରୀଙ୍କୁ ଏଯାବତ୍ ଗ୍ରେ ଟିକ୍ ଦିଆଯାଇନାହିଁ । ତେବେ ଦେଶର ବିରୋଧୀ ଦଳରେ ଥିବା ନେତାଙ୍କ ଆକାଉଣ୍ଟରେ ଗ୍ରେ ଟିକ୍ ରହିବ କି ନାହିଁ ତାହା ଏଯାବତ ସ୍ପଷ୍ଟ ହୋଇନାହିଁ । ସେହିଭଳି ବ୍ୟବସାୟ ପାଇଁ ଉର୍ଦ୍ଦିଷ୍ଟ ଥିବା ଆକାଉଣ୍ଟକୁ ଗୋଲ୍ଡ ଟିକ୍ ଦିଆଯାଉଛି । ତେବେ ଉଭୟ ସରକାରଙ୍କ ସହ ଜଡିତ ଥିବା ବ୍ୟକ୍ତି ଓ ସାଧାରଣ ଲୋକଙ୍କୁ ଯଥାକ୍ରମେ ଗ୍ରେ ଓ ବ୍ଲୁ ଟିକ୍ ପାଇଁ ଟଙ୍କା ଦେବାକୁ ପଡିବ ।