କନକ ବ୍ୟୁରୋ : ଆଜି ଠାରୁ ବଦଳିଲା ଟିଭି ଦେଖିବାର ତରିକା । ଏଣିକି ଦର୍ଶକ କେବଳ ନିଜ ପସନ୍ଦର ଚ୍ୟାନେଲ ପାଇଁ ପଇସା ଗଣିବେ । କାରଣ ଟ୍ରାଇ ଦ୍ୱାରା ଜାରି କରାଯାଇଥିବା ନୂଆ ଡିଟିଏଚ ନିୟମ ଆଜି ଠାରୁ ଲାଗୁ ହେଉଛି । ଯେଉଁ ଚ୍ୟାନେଲ ଦର୍ଶକ ଦେଖିବେ କେବଳ ସେହି ଚ୍ୟାନେଲ ଚୟନ କରି ଡିଟିଏଚ କଂପାନୀଙ୍କୁ ଟଙ୍କା ଦେବେ । ସେହିପରି ଡିଟିଏଚ କଂପାନୀ ମଧ୍ୟ ସେହି ଚ୍ୟାନେଲ ଗୁଡିକ ପାଇଁ ଟଙ୍କା ନେବେ ଯାହାକୁ ଦର୍ଶକ ଚୟନ କରିଥିବେ ।
Kanak News is now on WhatsApp
Join and get latest news updates delivered to you via WhatsApp
ଟ୍ରାଇର ନୂଆ ନିୟମ ଅନୁସାରେ ଦେଶର ସମସ୍ତ ଡିଟିଏଚ ଅପରେଟର ଗ୍ରାହକଙ୍କୁ ଚ୍ୟାନେଲ ଚୟନ କରିବାକୁ ଘୋଷଣା କରିସାରିଛନ୍ତି । ଦର୍ଶକ ନିଜ ଡିଟିଏଚ କଂପାନୀର ୱେବପୋର୍ଟାଲରେ ଲଗଇନ କରି ଚ୍ୟାନେଲ ଚୟନ କରିପାରିବେ । ସାଇଟରେ ଲଗ ଇନ୍ କରିବା ପାଇଁ ଦର୍ଶକଙ୍କୁ ରେଜିଷ୍ଟର ମୋବାଇଲ ନଂବର କିମ୍ବା ସବସ୍କ୍ରାଇବ ଆଇଡି ଏଂଟର କରିବାକୁ ପଡିବ । ଟାଟା ସ୍କାଏ, ଏୟାରଟେଲ ଡିଜିଟାଲ ଟିଭି, ଭିଡିଓକୋନ ଡିଟିଏଚ, ଡିସ ଟିଭିର ସାଇଟରେ ଲଗଇନ୍ କରି ଦର୍ଶକ ମନ ପସନ୍ଦର ଚ୍ୟାନେଲ ବାଛି ପାରିବେ ।