ପିପିଲି ନିର୍ବାଚନ ପୂର୍ବରୁ ଲାଗିଲା ପ୍ରତିବାଦର ପୋଷ୍ଟର : ଫନି ସହାୟତା ମିଳିନଥିବାରୁ ଡ଼େଲାଙ୍ଗ ଚାଇଁପୁର ଗାଁରେ ନିଆରା ପ୍ରତିବାଦ
ଭୋଟ ପାଇଁ ନେତାଙ୍କୁ ଆସିବାକୁ ବାରଣ କଲେ ଗାଁଲୋକ
କନକ ବ୍ୟୁରୋ : ଘରର କାନ୍ଥରେ ଲାଗିଛି ପୋଷ୍ଟର । ପୋଷ୍ଟରରେ ଲେଖାଅଛି ଆମେ ଫନି କ୍ଷତିଗ୍ରସ୍ତ, ଏ ଭଙ୍ଗା କୁଡିଆ ଭିତରକୁ କୌଣସି ନେତା ନଆସିବାକୁ ଅନୁରୋଧ ମଧ୍ୟ କରାଯାଇଛି । ଏଭଳି ନିଆରା ପ୍ରତିବାଦ କରିଛନ୍ତି ଡେଲାଙ୍ଗ ବ୍ଲକ ଚାଇଁପୁର ପଂଚାୟତର ୭ ନମ୍ବର ୱାର୍ଡର ଲୋକେ । ଜଣେ କି ଦୁଇ ଜଣଙ୍କ ଘର ଆଗରେ ଏହି ପୋଷ୍ଟର ଲାଗିନି । ପୁରା ୱାର୍ଡର ବାସିନ୍ଧା ନିଜ ନିଜ ଘର ଆଗରେ ଏହି ପୋଷ୍ଟର ଲଗାଇଛନ୍ତି । ରାଜନେତା ଗାଁରେ ପଶିବାକୁ ମନା କରିଛନ୍ତି । ଏହି ୱାର୍ଡ ଲୋକଙ୍କୁ ଏପର୍ଯ୍ୟନ୍ତ ଫନି ଟଙ୍କା ମିଳିନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏପରିକି ଅନେକ ଲୋକଙ୍କ ବ୍ୟାଙ୍କ ଖାତା ହୋଲ୍ଡ ହୋଇ ପଡ଼ି ରହିଥିବା ବେଳେ ଅନ୍ୟ କିଛି ଗାଁର ବାସିନ୍ଧାଙ୍କୁ ଏପର୍ଯ୍ୟନ୍ତ ଭତ୍ତା ଟଙ୍କାରୁ ବଂଚିତ ହୋଇଛନ୍ତି । ଯାହା ପାଇଁ ଏଭଳି ନିଆଳା ପ୍ରତିବାଦ ଆପଣେଇଛନ୍ତି ଏହି ୱାର୍ଡର ଲୋକେ । ସେଥିପାଇଁ ଗାଁରେ କୌଣସି ରାଜନେତାଙ୍କୁ ପୁରାଇ ଦିଆଯିବ ନାହିଁ ବୋଲି ଗାଁର ଲୋକେ ଘର ଆଗରେ ପୋଷ୍ଟର ଲଗାଇ ପ୍ରତିବାଦ କରିଛନ୍ତି । ଦିନ କେଇଟା ପରେ ପିପିଲି ଉପନିର୍ବାଚନ । ସବୁ ଆଡେ ଏବେ ନେତା ମନ୍ତ୍ରୀଙ୍କ ଭିଡ । ଭୋଟରଙ୍କୁ ଆକୃଷ୍ଟ କରିବାକୁ ପ୍ରଚାର ପ୍ରସାରରେ କମ୍ପୁଛି ନିର୍ବାଚନ ମୈଦାନ । ଏହାରି ଭିତରେ ଦେଖିବାକୁ ମିଳିଛି ଏକ ନିଆରା ପ୍ରତିବାଦ ।