ଲୋପ ପାଇଯିବ ଲିମ୍ବଗଛ! ବ୍ୟାପୁଛି ଟି ମସ୍କିଟୋ ବଗ୍
କନକ ବ୍ୟୁରୋ: ପରିବେଶ ସନ୍ତୁଳନରେ ମୁଖ୍ୟ ଭୂମିକା ତୁଲାଉଥିବା ଓ ବିଭିନ୍ନ ରୋଗରୁ ମଣିଷକୁ ମୁକ୍ତ କରୁଥିବା ଲିମ୍ବ ଗଛ ଏବେ ନିଜେ ରୋଗ କବଳରେ । ଏହି ବୃକ୍ଷର ଅନେକ ପ୍ରକାରର ଔଷଧୀୟ ଗୁଣ ରହିଥିବାରୁ ଦୈନନ୍ଦିନ ଜୀବନରେ ଲିମ୍ବ ଗଛର ବହୁଳ ବ୍ୟବହାର ଆମେ କରିଥାନ୍ତି । ହେଲେ ଏବେ ଏହି ଲିମ୍ବ ଗଛ ପାଇଁ ବିପଦ ସାଜିଛି ଟି ମସ୍କିଟୋ ବଗ । ଆପଣଙ୍କ ଆଖପାଖରେ ଥିବା ଗଛମାନଙ୍କ ଉପରେ ଥରେ ନଜର ପକାନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟ ସମସ୍ତ ଗଛ ଗୁଡିକ ସତେଜ ଥିବ ଏବଂ ସବୁ ଗଛ ଗୁଡିକ ସବୁଜ ପତ୍ରରେ ଭରପୁର ଥିବ । ହେଲେ ସେହି ପାଖରେ ଥିବା ଲିମ୍ବଗଛ ସମ୍ପୂର୍ଣ୍ଣପୋଡି ଯାଇଥିବା ଭଳି ଦେଖା ଯାଉଥିବ । ରାଜଧାନୀ ଭୁବନେଶ୍ୱରରେ ବିଭିନ୍ନ ସ୍ଥାନରେ ଥିବା ଲିମ୍ବ ଗଛର ଏଭଳି ଚିତ୍ର ଦେଖିବାକୁ ମିଳୁଛି । କୀଟ ଆକ୍ରମଣରେ ଏହି ଗଛ ଗୁଡିକ କିଭଳି ମୃତପ୍ରାୟ । ଟି ମସ୍କିଟୋ ବଗ ହେଉଛି ଗଛକୁ ନଷ୍ଟ କରୁଥିବା ଏକ କୀଟ । ଏହି କୀଟ ବିଶେଷ କରି ଲିମ୍ବ ଓ କାଜୁ ଗଛ ଗୁଡିକୁ ସଂକ୍ରମିତ କରିଥାନ୍ତି ଓ ଗଛକୁ ସମ୍ପୂର୍ଣ୍ଣ ମାରିଦେଇଥାନ୍ତି ।
କେବଳ ଟି ମସ୍କିଟୋ ବଗ୍ ନୁହେଁ, ଫୋମୋପକ୍ସିସ୍ ଆଜାଡିରାକ୍ଟି ଫଙ୍ଗସ ମଧ୍ୟ ଲିମ୍ବ ଗଛ ମରିବାର ଆଉ ଏକ ପ୍ରମୁଖ କାରଣ ପାଲିଟିଛି । ଜଳବାୟୁରେ ପରିବର୍ତନ କାରଣରୁ ଏହି ଫଙ୍ଗସ ପାଇଁ ଲିମ୍ବ ଗଛ ନଷ୍ଟ ହୋଇଯିବା ଆରମ୍ଭ ହୋଇଛି । ଉପଯୁକ୍ତ ଧ୍ୟାନ ନଦିଆହେଲେ ଏହା ଆଗାମୀ ଦିନରେ ଏକ ପ୍ରମୁଖ ସମସ୍ୟା ପାଲଟିବା ନେଇ ବିଶେଷଜ୍ଞ ମତ ଦେଇଛନ୍ତି ।
ଲିମ୍ବ ଗଛରୁ ଅନେକ ପ୍ରକାର ଦରକାରୀ ସାମଗ୍ରୀ ପ୍ରସ୍ତୁତ ହୁଏ । ଓøଷଧଠାରୁ ଆରମ୍ଭ କରି ଖାଦ୍ୟ ପଦାର୍ଥ ପର୍ଯ୍ୟନ୍ତ ,ଏପରିକି ମହାପ୍ରଭୁ ଜଗନ୍ନାଥଙ୍କ ଦାରୁ ମଧ୍ୟ ଏହି ଲିମ୍ବ ଗଛର କାଠରୁ ପ୍ରସ୍ତୁତ ହୁଏ । ଏଭଳି ସ୍ଥଳେ ଲିମ୍ବ ଗଛ ଗୁଡିକର ଯଦି ଏଭଳି ଅକାଳ ମୃତ୍ୟୁ ହୁଏ ତେବେ ଆଗାମୀ ଦିନରେ ଏହା ଅନେକ ସମସ୍ୟା ସୃଷ୍ଟି କରିବା ଆଶଙ୍କା ରହିଛି ।