କନକ ବ୍ୟୁରୋ: ଜାମ୍ମୁକାଶ୍ମୀରରେ ପୁଣି ସହିଦ ହେଲେ ଯବାନ । ଆତଙ୍କବାଦୀ ଆକ୍ରମଣରେ ଆଜି ଦେଶର ଆଉ ୫ ଜଣ ଯବାନ ସହିଦ ହୋଇଛନ୍ତି । ରଜୌରୀରେ ହୋଇଛି ଏହି ଆତଙ୍କୀ ଆକ୍ରମଣ । ଯେଉଁଥିରେ ଦେଶର ସୁରକ୍ଷାକର୍ମୀ ଓ ଆତଙ୍କବାଦୀ ମୁହାଁମୁହିଁ ହେବା ସହିତ ୫ ଜଣ ଯବାନ ସହିଦ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
In the ongoing operation, three more soldiers who were injured earlier have now succumbed to their injuries. A total of five soldiers have lost their life in the joint operation in Rajouri, J&K https://t.co/9OUeGC0Q67 pic.twitter.com/jyrz5M7tWh
— ANI (@ANI) May 5, 2023
ଜାମ୍ମୁ-କାଶ୍ମୀର ରାଜୌରି ଠାରେ ଯବାନ ଓ ଆତଙ୍କବାଦୀଙ୍କ ମଧ୍ୟରେ ସଂଘର୍ଷ ଦେଖିବାକୁ ମିଳିଛି । ରାଜୌରୀ ଠାରେ ଯବାନଙ୍କ ପକ୍ଷରୁ ଅପରେସନ ଚାଲିଥିବା ବେଳେ ଆତଙ୍କବାଦୀଙ୍କ ଦ୍ୱାରା ବିସ୍ଫୋରଣ କରାଯାଇଥିଲା । ଏଥିରେ ୫ ଯବାନ ସହିଦ ହୋଇଛନ୍ତି । ଏବେ ସେଠାରେ ସେନା ପକ୍ଷରୁ ଅପରେସନ ଜାରି ରହିଛି । ସୁରକ୍ଷାକୁ ଦୃଷ୍ଟିରେ ରଖି ଜିଲ୍ଲାରେ ଇଣ୍ଟରନେଟ ସେବା ବନ୍ଦ କରିଦିଆଯାଇଛି ।
ସେନାର ଏକ ବୟାନ ମୁତାବକ ଯେତେବେଳେ ସେନାର ଯବାନ ରାଜୌରୀର କଣ୍ଡି ଠାରେ ଅପରେସନ ଚଳାଇଥିଲେ । ହଠାତ ଆତଙ୍କବାଦୀମାନେ ସାମ୍ନାକୁ ଆସିଯିବାରୁ ଉଭୟଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଶେଷରେ ଆତଙ୍କବାଦୀମାନେ ନିଜକୁ ବଞ୍ଚାଇବାକୁ ବିସ୍ଫୋରଣ କରିଥିଲେ । ଏହି ବିସ୍ଫୋରଣରେ ୫ ଜଣ ଯବାନ ସହିଦ ହୋଇଥିବା ବେଳେ କିଛି ଜଣ ଗୁରୁତର ହୋଇଛନ୍ତି ।