୬୩୫ ରୁମ୍, ୩୦୦ ସିସିଟିଭି, ୨୬ ମାସ ସମୟ । ଜାଣନ୍ତୁ, ତେଲେଙ୍ଗାନାର ନୂଆ ସଚିବାଳୟର ଖାସ୍ କଥା ।
କନକ ବ୍ୟୁରୋ: ରେକର୍ଡ ସମୟ ଭିତରେ ପ୍ରସ୍ତୁତ ହୋଇସାରିଛି ତେଲେଙ୍ଗାନାର ଭବ୍ୟ ସଚିବାଳୟ । ରବିବାର ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ଏହାର ଉଦଘାଟନ କରିଛନ୍ତି । ତେବେ ଏହି ଭବନର ଭବ୍ୟତା ଏବେ ସମସ୍ତଙ୍କୁ ଆଶ୍ଚଯ୍ୟ କରିଛି । ଦେଶର ସବୁଠୁ ଭବ୍ୟ ସଚିବାଳୟ ବୋଲି ଏହାକୁ କୁହାଯାଉଛି । ତେବେ ସାଧାରଣତଃ ଏପରି ବିଶାଳ ଭବନ ନିର୍ମାଣ କରିବାକୁ ୫ ବର୍ଷରୁ ଅଧିକ ସମୟ ଲାଗୁଥିବାବେଳେ, ତେଲେଙ୍ଗାନାର ଏହି ସଚିବାଳୟକୁ ମାତ୍ର ୨୬ ମାସ ଭିତରେ ନିର୍ମାଣ କରାଯାଇଛି । ଯାହାକି ଏକପ୍ରକାରର ରେକର୍ଡ ।
Kanak News is now on WhatsApp
Join and get latest news updates delivered to you via WhatsApp
ତେବେ ତେଲେଙ୍ଗାନା ରାଜ୍ୟ ନିର୍ମାଣ ପରେ କେସିଆରଙ୍କ ନେତୃତ୍ୱାଧୀନ ସରକାର ପ୍ରଥମେ ଆନ୍ଧ୍ରପ୍ରଦେଶର ସଚିବାଳୟରୁ ହିଁ କାମ କରୁଥିଲା । ତେବେ ପୁରୁଣା ରାଜ୍ୟ ସଚିବାଳୟରେ ପର୍ଯ୍ୟାପ୍ତ ସୁବିଧା ସୁଯୋଗ ନଥିଲା । ବିଭିନ୍ନ ସମୟରେ କର୍ମଚାରୀମାନେ ନାନାଦି ଅସୁବିଧାର ସମ୍ମୁଖୀନ ହେଉଥିବାବେଳେ, ପ୍ରଶାସନିକ କାମ ମଧ୍ୟ ଠିକ୍ ଠାକ୍ ହେଇପାରୁନଥିଲା । ତେବେ ଏହି ସବୁ ସମସ୍ୟାକୁ ଆଖି ଆଗରେ ରଖି ଏହି ବିଶାଳ ଭବ୍ୟ ଭବନର ନିର୍ମାଣ କରାଯାଇଥିଲା ।
ନୂଆ ସଚିବାଳୟର ଖାସ୍ କଥା
- ୨୬ ମାସ ଭିତରେ ନିର୍ମାଣ ହୋଇଛି ଏହି ଭବ୍ୟ ଭବନ
- ଏଥିରେ ଲାଗିଛି ୩୦୦ ସିସିଟିଭି ଓ ୩୦୦ ପୋଲିସ କର୍ମୀ ଏହାର ସୁରକ୍ଷାରେ ନିୟୋଜିତ ହୋଇଛନ୍ତି
- ଗୁମ୍ବନ୍ଦ ଓ ଖମ୍ବର ନିର୍ମାଣ ପାଇଁ ଜିଆରସି ଟେକ୍ନଲୋଜିର ବ୍ୟବହାର କରାଯାଇଛି
- କେବଳ ଖମ୍ଭ ଗୁଡିକର ନିର୍ମାଣ ପାଇଁ ୬ ମାସ ସମୟ ଲାଗିଥିଲା
- ପ୍ରତିଦିନ ଏହି ଭବନର ନିର୍ମାଣ ପାଇଁ ୩ ହଜାର ଶ୍ରମିକ କାମ କରୁଥିଲେ
- ଏହି ଭବନର ନିର୍ମାଣ ପାଇଁ ଖର୍ଚ୍ଚ ହୋଇଛି ୬୧୭ କୋଟି ଟଙ୍କା
- ୬ ମହଲା ଏହି ଭବନରେ ରହିଛି ୬୩୫ଟି ରୁମ୍
- ତେଲେଙ୍ଗାନାର ନୂଆ ସଚିବାଳୟରେ ରହିଛି ୨୪ଟି ଲିଫ୍ଟ
- ୫.୬୦ ଲକ୍ଷ ଲିଟର ପାଣି ଷ୍ଟୋର କରିବାର କ୍ଷମତା ଏହି ଭବନରେ ରହିଛି
- ବିଜୁଳି ବଞ୍ଚାଇବା ପାଇଁ ଏହି ଭବନରେ ସୋଲାର ଶକ୍ତିର ମଧ୍ୟ ବ୍ୟବହାର ହୋଇଛି
- ନୂଆ ସଚିବାଳୟରେ ଦୁଇଟି ବ୍ୟାଙ୍କ, ଡାକଘର, ଏଟିଏମ୍ କାଉଣ୍ଟର, ରେଲୱେ କାଉଣ୍ଟର ଏବଂ କ୍ୟାଣ୍ଟିନ୍ ମଧ୍ୟ ରହିଛି
- ସଚିବାଳୟର ଭିତରେ ସବୁ ଧର୍ମକୁ ସମ୍ମାନ ଜଣାଇ ମନ୍ଦିର, ମସଜିଦ୍ ଏବଂ ଚର୍ଚ୍ଚ ନିର୍ମାଣ କରାଯାଇଛି
ସୂଚନାଯୋଗ୍ୟ ଯେ, ୨୦୧୯ ମସିହାରେ ଏହି ଭବ୍ୟ ଭବନର ଆଧାରଶିଳା ରଖାଯାଇଥିଲା । ଏହାପରେ ଏହାର ନିର୍ମାଣ କାମ ଆରମ୍ଭ ହୋଇଥିଲା । ଆଉ ରେକର୍ଡ ସମୟ ଭିତରେ ଏହି ଭବନ ନିର୍ମାଣ କରି ରେକର୍ଡ କରିଛି ତେଲେଙ୍ଗାନା ।