ରେଳ ଷ୍ଟେସନ ସମେତ ବସଷ୍ଟାଣ୍ଡ, ବିମାନବନ୍ଦର ଏବଂ ମଲରେ ମିଳିବ ମାଟିପାତ୍ରରେ ଚା’। ପେପର ଓ ପ୍ଲାଷ୍ଟିକରେ ପାନୀୟ ପଦାର୍ଥ ଦେବା ଉପରେ ବି ଲାଗିବ କଟକଣା
ଖୁବ୍ ଶୀଘ୍ର ଦେଶର ପ୍ରମୁଖ ରେଳ ଷ୍ଟେସନ, ବସଷ୍ଟାଣ୍ଡ, ଏୟାରପୋର୍ଟ ଏବଂ ମଲଗୁଡିକରେ ମାଟିପାତ୍ରରେ ପରସା ଯିବ ଆପଣଙ୍କ ମନପସନ୍ଦର ଚା’ । ଏସଂପର୍କରେ କେନ୍ଦ୍ରୀୟ ପରିବହନ ଏବଂ ଏମଏସଏମଇ ମନ୍ତ୍ରୀ ନିତିନ ଗଡକରୀ ରେଳମନ୍ତ୍ରୀ ପିୟୁଷ ଗୋଏଲଙ୍କୁ ଚିଠି ଲେଖିଛନ୍ତି । ବର୍ତ୍ତମାନ କେବଳ ବାରଣାସୀ ଏବଂ ରାଏବରେଲୀ ରେଳ ଷ୍ଟେସନରେ ଟେରାକୋଟାରୁ ନିର୍ମିତ ମାଟିପାତ୍ର, ଗ୍ଲାସ୍ ଏବଂ ପ୍ଲେଟର ବ୍ୟବହାର କରାଯାଉଛି । ତେବେ ଖଦି ଓ ଗ୍ରାମୋଦ୍ୟୋଗ ଉତ୍ପାଦନ ବୃଦ୍ଧି ଲାଗି ମାଟିପାତ୍ର ନିର୍ମାଣ ପାଇଁ ଆବଶ୍ୟକ ସାହାର୍ଯ୍ୟ ଓ ସହଯୋଗ ଯୋଗାଇ ଦିଆଯିବ । ବିମାନବନ୍ଦର ଏବଂ ବସ ଡିପୋ ଏବଂ ଚା ଦୋକାନରେ ଏହାକୁ ବାଧ୍ୟତାମୂଳକ କରିବାକୁ ଗଡକରୀ ପରାମର୍ଶ ଦେଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
୧୦୦ଟି ରେଳ ଷ୍ଟେସନରେ ବାଧ୍ୟତାମୂଳକ ହେବ ମାଟିପାତ୍ର
ନିତିନ ଗଡକରୀ ଗତ ରବିବାର ନିଜ ବୟାନରେ କହିଛନ୍ତି ଯେ, ରେଳମନ୍ତ୍ରୀ ପିୟୁଷ ଗୋଇଲଙ୍କୁ ଏ ସଂକ୍ରାନ୍ତରେ ଏକ ଚିଠି ଲେଖାଯାଇଛି । ଯେଉଁଥିରେ ଗଡକରୀ ଅତି କମରେ ୧୦୦ଟି ରେଳ ଷ୍ଟେସନରେ ମାଟିପାତ୍ର ବ୍ୟବହାର କରିବାକୁ ରେଳମନ୍ତ୍ରୀଙ୍କୁ ଅନୁରୋଧ କରିଛନ୍ତି । ଏଥିସହିତ ହିଁ ଏୟାରପୋର୍ଟ, ରାଜ୍ୟ ପରିବହନ ନିଗମ ଦ୍ୱାରା ଅଧିକୃତ ବସଷ୍ଟାଣ୍ଡ ଏବଂ ବିଭିନ୍ନ ଦୋକାନରେ ବି ମାଟିପାତ୍ରର ବ୍ୟବହାର ବାଧ୍ୟତାମୂଳକ କରାଯାଉ । ଗଡକରୀ କହିଛନ୍ତି କି ମଲଗୁଡିକରେ ବି ଥିବା ଚା’ ଦୋକାନୀ କର୍ତ୍ତୃପକ୍ଷଙ୍କୁ ବି ମାଟିପାତ୍ରର ବ୍ୟବହାର କରିବାକୁ ପ୍ରୋତ୍ସାହିତ କରାଯିବ ।
କେନ୍ଦ୍ରୀୟ ପରିବହନ ମନ୍ତ୍ରୀଙ୍କ କହିବା ଅନୁସାରେ, ଏଭଳି ପଦକ୍ଷେପ ଦ୍ୱାରା ସ୍ଥାନୀୟ କୁମ୍ଭାରଙ୍କୁ ରୋଜଗାରର ଏକ ବଡ ବଜାର ମିଳିବ ଏବଂ ମାଟିପାତ୍ରର ବ୍ୟବହାରକୁ ପ୍ରୋତ୍ସାହିତ କରିବା ପାଇଁ ସହିତ ପରିବେଶକୁ ସଫା ରଖିବାରେ ସହାୟତା କରିବ । ଏହା ଦ୍ୱାରା ପେପର ଏବଂ ପ୍ଲାଷ୍ଟିକରେ ପାନୀୟ ପଦାର୍ଥ ଦେବା ଉପରେ ବି କଟକଣା ଲଗିବ ।