ରାୟ ଶୁଣାଇବାରେ ବିଳମ୍ବକଲେ ସୁପ୍ରିମକୋର୍ଟ ବିଚାରପତି, ଅଦାଲତରେ କ୍ଷମାମାଗିଲେ ଜଷ୍ଟିସ ଗଭାଇ।
କନକ ବ୍ୟୁରୋ: ସୁପ୍ରିମକୋର୍ଟର ଜଷ୍ଟିସ ବିଆର ଗଭାଇ ଗୋଟିଏ ମାମଲାର ରାୟ ଶୁଣାଇବାରେ ବିଳମ୍ବ କରିବାରୁ କ୍ଷମା ମାଗିଛନ୍ତି । ନ୍ୟାୟ ବ୍ୟବସ୍ଥାରେ ଏଭଳି ଘଟଣା ବିରଳ ହୋଇଥିବା ବେଳେ ଜଷ୍ଟିସ ଗଭାଇ ସମସ୍ତଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି । ଦେଶର ନ୍ୟାୟ ବ୍ୟବସ୍ଥାରେ ପ୍ରଥମ ଥର ଏଭଳି ଦେଖିବାକୁ ମିଳିଛି । ଜଷ୍ଟିସ ଗଭାଇ ଚଣ୍ଡିଗଡ ସମ୍ବନ୍ଧିତ ମାମଲାରେ ଫଇସଲା ଶୁଣାଇବାରେ ୨ମାସ ବିଳମ୍ବ କରିଥିଲେ । ଏହାକୁ ନେଇ ସେ ଅଦାଲତରେ କ୍ଷମା ମାଗିଛନ୍ତି । କେବଳ ଏତିକି ନୁହେଁ ସେ ବିଳମ୍ବର କାରଣ ମଧ୍ୟ ପକ୍ଷକାର ମାନଙ୍କୁ ଜଣାଇଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଜଷ୍ଟିସ ବିଆର ଗଭାଇ ଏବଂ ଏମଏମ ସୁନ୍ଦରେଶ ଚଣ୍ଡିଗଡ ସହରରେ ଏକ ଆବାସିକ ଆପାର୍ଟମେଣ୍ଟବିରୋଧରେ ଦାଏର ହୋଇଥିବା ମାମଲାର ଶୁଣାଣି କରୁଥିଲେ । ଏହାର ରାୟ ପ୍ରକାଶ ପାଇଁ ୨ ମାସ ବିଳମ୍ବ ହୋଇଥିଲା । ଯାହାକୁ ନେଇ ଅଦାଲତରେ କ୍ଷମା ପ୍ରାର୍ଥନା କରିଛନ୍ତି ।
ଜଷ୍ଟିସ ଗଭାଇ କହିଥିଲେ, ଆମକୁ ବିଭିନ୍ନ ଆଇନର ସମସ୍ତ ଦିଗକୁ ଅନୁଧ୍ୟାନ କରିବା ସହ ଘୋଷିତ ସମସ୍ତ ନିୟମ ଉପରେ ବିଚାର କରିବାର ଥିଲା । ଜଷ୍ଟିସ ଗଭାଇ ଏହି କାରଣରୁ ୨୦୨୨ ନଭେମ୍ବର ୩ରେ ରାୟକୁ ସଂରକ୍ଷିତ ରଖିଥିଲେ । ତେବେ ଶେଷ ରାୟ ଶୁଣାଇବାକୁ ୨ ମାସରୁ ଅଧିକ ସମୟ ଲାଗିଯାଇଥିଲା । ଯାହାକୁ ନେଇ ସେ କ୍ଷମାପ୍ରାର୍ଥୀ ।