‘ଟିଭିରେ ସାରା ଦେଶକୁ କ୍ଷମା ମାଗନ୍ତୁ ନୂପୁର ଶର୍ମା’: ସୁପ୍ରିମକୋର୍ଟ ଦେଲେ କଡା ନିର୍ଦ୍ଦେଶ
କନକ ବ୍ୟୁରୋ: ଆଜି ବିଜେପି ନେତ୍ରୀ ନୂପୁର ଶର୍ମାଙ୍କ ଉପରେ ବର୍ଷିଛନ୍ତି ସୁପ୍ରିମକୋର୍ଟ । ରାଜସ୍ଥାନ ଉଦୟପୁରରେ ଜଣେ ନିର୍ଦ୍ଦୋଷ ଦରଜୀଙ୍କୁ ହତ୍ୟା କରିବା ପରେ ସାରା ଦେଶରେ ତୀବ୍ର ଆଲୋଡନ ସୃଷ୍ଟି ହୋଇଛି । ଏହାସହ ସୁପ୍ରିମ କୋର୍ଟ ମଧ୍ୟ ଏନେଇ କଡା ନିର୍ଦ୍ଦେଶ ଦେଇଛନ୍ତି । ଉଦୟପୁର ହତ୍ୟା ଘଟଣା ହେଉ ବା ଆଜି ଦେଶରେ ସୃଷ୍ଟି ହୋଇଥିବା ଦଙ୍ଗା ପରିସ୍ଥିତି ହେଉ ସବୁପାଇଁ କେବଳ ନୂପୁର ଶର୍ମା ହିଁ ଦାୟୀ ବୋଲି ସୁପ୍ରିମକୋର୍ଟ କହିଛନ୍ତି । ତେଣୁ ଏଥିପାଇଁ ନୂପୁର ଶର୍ମା ଗଣମାଧ୍ୟମ ଜରିଆରେ ସାରା ଦେଶକୁ କ୍ଷମା ମାଗନ୍ତୁ ବୋଲି କଡା ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ପୈଗମ୍ବର ମହମ୍ମଦଙ୍କ ଉପରେ ନୂପୁରଙ୍କ ବିବାଦୀୟ ବୟାନକୁ ନେଇ ଆଜି ସୁପ୍ରିମକୋର୍ଟ କଡା ଅଭିମୁଖ୍ୟ ପୋଷଣ କରିବା ସହ ସେ କରିଥବା ମାମଲା ଟ୍ରାନ୍ସଫର ଆବେଦନକୁ ଖାରଜ କରିଦେଇଛନ୍ତି । କୋର୍ଟ କହିଛନ୍ତି ଯେ, ନୂପୂରଙ୍କ ଜିଭ ପାଇଁ ଆଜି ସାରା ଦେଶରେ ଅସମ୍ଭାଳ ସ୍ଥିତି । ତାଙ୍କର ଗୋଟିଏ ଟିପ୍ପଣୀ ଦେଶରେ ଲୋକଙ୍କ ଭାବନାକୁ ଆଘାତ ଦେଇଛି । ତେଣୁ ଏସବୁ ପାଇଁ ସେ ହିଁ ଦାୟୀ । ତେଣୁ ତାଙ୍କୁ ସାରା ଦେଶବାସୀଙ୍କୁ କ୍ଷମା ମାଗିବାକୁ ପଡିବ ।
ନୂପୁରଙ୍କ ବିବାଦୀୟ ବୟାନକୁ ବିନମ୍ରତାର ସହ ଫେରାଇ ନେବାକୁ ତାଙ୍କ ଓକିଲ ସୁପ୍ରିମକୋର୍ଟରେ ଆବେଦନ କରିଥିଲେ ବି ଏହାକୁ କୋର୍ଟ ଅଗ୍ରାହ୍ୟ କରିଦେଇଛନ୍ତି ଏଥିପାଇଁ ବହୁତ ଡେରି ହୋଇଯାଇଛି ବୋଲି ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି ।