ଏକନାଥ ସିନ୍ଦେଙ୍କୁ ସଞ୍ଜୟ ରାୱତଙ୍କ କଟାକ୍ଷ , କହିଲେ ଯେପର୍ଯ୍ୟନ୍ତ ଶିବସେନା ନାମ ନେବେ ସେପର୍ଯ୍ୟନ୍ତ ମୁଖ୍ୟମନ୍ତ୍ରୀ ରହିବେ
କନକ ବ୍ୟୁରୋ : ମହାରାଷ୍ଟ୍ରରେ ଚାଲିଥିବା ମହାନାଟକର ଅନ୍ତ ଘଟିଛି । ସବୁ କଳ୍ପନା ଜଳ୍ପନାରକୁ ପଛରେ ପକାଇ ଶେଷରେ ଶିବସେନାର ବିଦ୍ରୋହୀ ନେତା ଏକନାଥ ସିନ୍ଦେ ରାଜ୍ୟର ମୁଖ୍ୟମନ୍ତ୍ରୀ ଭାର ସମ୍ଭାଳିଛନ୍ତି । ହେଲେ ଏବେ ବି ଜଣେ ଅନ୍ୟଜଣଙ୍କ ଉପରେ କଟାକ୍ଷ କରିବାରୁ ବିରତ ହୋଇ ନାହାଁନ୍ତି । ଶିବସେନା ନେତା ତଥା ରାଜ୍ୟସଭା ସାଂସଦ ସଂଜୟ ରାୱତ ସିନ୍ଦେଙ୍କୁ କଟାକ୍ଷ କରି କହିଛନ୍ତି କି ସିନ୍ଦେ ଯେପର୍ଯ୍ୟନ୍ତ ଶିବସେନାର ନାମ ନେଉଥିବେ ସେପର୍ଯ୍ୟନ୍ତ ତାଙ୍କ ମୁଖ୍ୟମନ୍ତ୍ରୀ ପଦ ସୁରକ୍ଷିତ ରହିବ । ଅନ୍ୟପଟେ କ୍ଷମତାର ଅପବ୍ୟବହାର କରି ପୁରା ଦେଶରେ ବିରୋଧୀଦଳକୁ ହଇରାଣ କରାଯାଉଛି । ଏହାସହ ଆଜି ଇଡିରେ ହାଜର ହେବେ ବୋଲି ଗଣମାଧ୍ୟମକୁ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ସଂଜୟ ରାୱତ କହିଛନ୍ତି କି ଦେବେନ୍ଦ୍ର ଫଡନଭିସ ହେଉଛନ୍ତି ଏକନାଥ ସିନ୍ଦେଙ୍କ ଡାହାଣ ହାତ । ଶିବସେନାରେ ରହି ବି ସିନ୍ଦେ ଫଡନଭିସଙ୍କ ସହ ଗୁପ୍ତ ସଂପର୍କରେ ଥିଲେ । ହେଲେ ସିନ୍ଦେଙ୍କ ଅନୁଭବ ମହାରାଷ୍ଟ୍ରବାସୀଙ୍କୁ ଆଗକୁ ନେବାରେ ସହାୟକ ହେବ । ସେପଟେ ମୁଖ୍ୟମନ୍ତ୍ରୀ ପଦ ନମିଳିବାରୁ ଫଡନଭିସ ଖୁସି ନଥିବା କଥା ଏବେ କଥା ଉପରେ ସଂଜୟ ରାୱତ କହିଛନ୍ତି କି ଫଡନଭିସ ଦଳୀୟ ନେତୃତ୍ୱଙ୍କ ନିର୍ଦ୍ଦେଶ ପାଳନ କରିଛନ୍ତି ।