ଏସିଆ କପ ଫାଇନାଲ: ମୁହାଁମୁହିଁ ପାକିସ୍ତାନ-ଶ୍ରୀଲଙ୍କା। ଦୁବାଇରେ ଖେଳାଯିବ ମୁକାବିଲା।
କନକ ବ୍ୟୁରୋ: ଏସିଆ କପ କ୍ରିକେଟର ଫାଇନାଲ ମ୍ୟାଚ ଆଜି ଖେଳାଯିବ । ପାକିସ୍ତାନ ଏବଂ ଶ୍ରୀଲଙ୍କା ଦଳ ମଧ୍ୟରେ ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମରେ ମ୍ୟାଚ ଅନୁଷ୍ଠିତ ହେବ । ଏସିଆ କପର ଆୟୋଜକ ଶ୍ରୀଲଙ୍କା ଥିବା ବେଳେ ସୁରକ୍ଷା ତଥା ଆର୍ଥିକସ୍ଥିତି କାରଣରୁ ଏହାର ଆୟୋଜନ କରିପାରିନଥିଲା । ଏହି କାରଣରୁ ୟୁଏଇରେ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଉଭୟ ଦେଶ କଥା ଯଦି ଦେଖିବା ଶ୍ରୀଲଙ୍କା ପାଞ୍ଚ ଥର ଏସିଆ କପର ଟାଇଟଲ ହାତେଇ ସାରିଥିବା ବେଳେ ଷଷ୍ଠ ଟାଇଟଲ ପାଇଁ ପଡିଆକୁ ଓହ୍ଲାଇବ । ଚଳିତ ଟୁର୍ଣ୍ଣାମେଣ୍ଟର ଦ୍ୱିତୀୟ ସଫଳ ଟିମ୍ । ସେହିଭଳି ପାକିସ୍ତାନ ମଧ୍ୟ ଦମଦାର ପ୍ରଦର୍ଶନ ସହ ଫାଇନାଲରେ ପହଞ୍ଚିଛି । ଦଳ ଭାରତକୁ ପରାସ୍ତ କରି ଫ୍ୟାନ୍ସଙ୍କୁ ଜୋରଦାର ଝଟକା ଦେଇଛି । ବର୍ତ୍ତମାନ ଫାଇନାଲରେ ଏହି ଦୁଇ ଦଳ ମୁହାଁମୁହିଁ ହେବାକୁ ଯାଉଛନ୍ତି । ଯେଉଁ ଦଳ ଆଜି ଭଲ ପ୍ରଦର୍ଶନ କରିବ ଟ୍ରଫି ତା ହାତକୁ ଯିବ ।
ଏସିଆ କପର ଇତିହାସକୁ ନଜର ପକାଇବା ତେବେ ଭାରତ ସର୍ବାଧିକ ସାତ ଥର ବିଜୟୀ ହୋଇଛି । ସେହିଭଳି ପାକିସ୍ତାନ ଦୁଇ ଥର ଟ୍ରଫି ହାତେଇଛି । ତେଣୁ ତୃତୀୟ ଥର ଏହି ଟ୍ରଫି ହାତେଇବା ପାଇଁ ଚେଷ୍ଟା କରିବ ।