ଶ୍ରୀମନ୍ଦିର ପରିକ୍ରମା ପ୍ରକଳ୍ପ ରାୟ: ଅପରାଜିତା କହିଲେ, କୋର୍ଟରେ ସତ ମାନିଛନ୍ତି ସରକାର। ପୂରା ଘଟଣାର ମୁଖ୍ୟ ଦୋଷୀ ଏଏସଆଇ: ବିଜୟ ମହାପାତ୍ର
କନକ ବ୍ୟୁରୋ: ସୁପ୍ରିମକୋର୍ଟଙ୍କ ରାୟ ଆସିବା ପରେ ପ୍ରତିକ୍ରିୟା ରଖିଛନ୍ତି, ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ । ୬ଟି ବିନ୍ଦୁକୁ ନେଇ ସେ ତର୍ଜମା କରିଛନ୍ତି । କହିଛନ୍ତି ପରିକ୍ରମା ପ୍ରକଳ୍ପର ଶୁଣାଣି ହାଇକୋର୍ଟରେ ଚାଲିଥିଲା ବେଳେ, ଆବେଦନକାରୀ କାହିଁକି ସୁପ୍ରିମକୋର୍ଟ ଗଲେ ତାହା ସ୍ପଷ୍ଟ ନୁହେଁ । ଏଥିସହ ସେ କହିଛନ୍ତି, ଏହି ରାୟ ଶ୍ରୀମନ୍ଦିର ବିକାଶ ପ୍ରକ୍ରିୟାରେ ରାଜ୍ୟ ସରକାରଙ୍କର ସୀମା ନିର୍ଦ୍ଧାରିତ ହୋଇଯାଇଛି । ରାଜ୍ୟ ସରକାର ସୁପ୍ରିମକୋର୍ଟରେ ଆମସାର ଆଇନ ଉଲ୍ଲଂଘନ କରିଥିବା କଥାକୁ ମାନିଛନ୍ତିି । ସେଇଥିପାଇଁ ୪୬ ଫୁଟର ଅଭ୍ୟର୍ଥନା କକ୍ଷକୁ ୧୦୦ ମିଟର ବାହାରକୁ ନେବାକୁ ବାଧ୍ୟ ହୋଇଛନ୍ତି । ବିକାଶ କାମ ଆଇନ ଅନୁସାରେହେଉ ବୋଲି କହିଛନ୍ତି ଭୁବନେଶ୍ୱ ସାଂସଦ ।
Kanak News is now on WhatsApp
Join and get latest news updates delivered to you via WhatsApp
ପ୍ରେସମିଟରେ ସାଂସଦ କହିଛନ୍ତି, ସର୍ବୋଚ୍ଚ ନ୍ୟାୟାଳୟଙ୍କ ରାୟରୁ ସ୍ପଷ୍ଟ ହୋଇଛି, ଏଣିକି ଶ୍ରୀମନ୍ଦିର ପରିକ୍ରମା ପ୍ରକଳ୍ପରେ ଏଏସଆଇ ସହ ସମନ୍ୱୟ ରଖି ରାଜ୍ୟ ସରକାରଙ୍କୁ କାମ କରିବାକୁ ପଡ଼ିବ । ଏହାଛଡା ସୁପ୍ରିମକୋର୍ଟଙ୍କ ନିର୍ଦ୍ଦେଶ ମାନି ଶ୍ରୀମନ୍ଦିର ପ୍ରଶାସନ ପାଇଁ ରାଜ୍ୟ ସରକାର ଏକ ପୂର୍ଣ୍ଣକାଳୀନ ପ୍ରଶାସକଙ୍କୁ ଦାୟିତ୍ୱ ଦେବେ ବୋଲି ଆଶା ପ୍ରକାଶ କରିଛନ୍ତି ଅପରାଜିତା ।
ଦିଲ୍ଲୀରେ ପ୍ରେସମିଟ କରି ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର କହିଛନ୍ତି, ସରକାର କୋର୍ଟରେ ଭୁଲ ମାନିଛନ୍ତି । ବରିଷ୍ଠ ବିଜେପି ନେତା ବିଜୟ ମହାପାତ୍ର ସଂପୂର୍ଣ୍ଣ ଘଟଣା ପାଇଁ ଏଏସଆଇକୁ ଦାୟୀ କରିଛନ୍ତି ଓ ଏହା ପୁରୀ ମନ୍ଦିରର ଭବିଷ୍ୟତ ପାଇଁ ବିପଦ ହୋଇପାରେ ବୋଲି ଆଶଙ୍କା ପ୍ରକାଶ କରିଛନ୍ତି । ଜବାବ ରଖି ବିଜେଡି କହିଛି ସବୁ ମହାପ୍ରଭୁଙ୍କ ଇଛାରେ ହେଉଛି । ସୁପ୍ରିମକୋର୍ଟଙ୍କ ରାୟ ପରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ନେଇ ଆରମ୍ଭ ହୋଇଥିବା ବିବାଦର ଅନ୍ତ ଘଟିଛି ।