କେତେ ଜାଣିଛନ୍ତି ଗାନ୍ଧୀଙ୍କୁ? ବାପୁଙ୍କ ବିଷୟରେ ଦିଅନ୍ତୁ ୧୦ଟି ପ୍ରଶ୍ନର ଉତ୍ତର । ସଙ୍ଗେ ସଙ୍ଗେ ଆପଣଙ୍କ ଖାତାକୁ ଚାଲି ଆସିବ ୨୧ ହଜାର ଟଙ୍କାର ପୁରସ୍କାର
ରାଷ୍ଟ୍ରପିତା ମହାତ୍ମା ଗାନ୍ଧୀଙ୍କ ବିଷୟରେ କିଏବା ନଜାଣିଛି । ଗାନ୍ଧୀଙ୍କ ବିଷୟରେ ଆମେ ଅନେକ କଥା ପିଲାବେଳୁ ପଢିଆସିଛେ । ହେଲେ ଏବେ ଏହି କଥା ଆପଣଙ୍କୁ ପୁରସ୍କାର ଜିତାଇବାରେ ସହାୟତା କରିବ । ଏଭଳି ସୁବର୍ଣ୍ଣସୁଯୋଗ ସିଧାସଳଖ ଭାବରେ ମୋଦି ସରକାରଙ୍କ ତରଫରୁ ଦିଆଯାଉଛି । ମୋଦି ସରକାରଙ୍କ ତରଫରୁ ଆୟୋଜନ କରାଯାଇଛି ମହାତ୍ମାଗାନ୍ଧୀ କ୍ୱିଜ୍ ନାମକ ଏକ କାର୍ଯ୍ୟକ୍ରମ । ଏହି କ୍ୱିଜ୍ କାର୍ଯ୍ୟକ୍ରମରେ ଆପଣଙ୍କୁ ମାତ୍ର ୧୦ଟି ପ୍ରଶ୍ନର ଉତର ଦେବାକୁ ହେବ । ଯଦି ଆପଣ ଏହିସବୁ ପ୍ରଶ୍ନର ଉତର ସଠିକ୍ ସଠିକ୍ ଏବଂ ବାକି ମାନଙ୍କ ତୁଳନାରେ ବହୁତ କମ ସମୟ ମଧ୍ୟରେ ଜବାବ ରଖନ୍ତି ତେବେ ଆପଣଙ୍କୁ ଏଥାପାଇଁ ନଗଦ ୨୧ ହଜାର ଟଙ୍କାର ପୁରସ୍କାର ରାଶି ମିଳିବ ।
Kanak News is now on WhatsApp
Join and get latest news updates delivered to you via WhatsApp
ଖାଲି ଏତିକି ନୁହେଁ, ଯଦି ଆପଣ ଏହି କ୍ୱିଜରେ ଦ୍ୱିତୀୟ ଏବଂ ତୃତୀୟ ସ୍ଥାନରେ ବି ଆସନ୍ତି, ତେବେବି ଆପଣଙ୍କୁ ଖାଲି ହାତରେ ଘରକୁ ଯିବାକୁ ପଡିବ ନାହିଁ । କାହିକି ନା ଦ୍ୱିତୀୟ ସ୍ଥାନ ଅଧିକାର କରିବା ଦ୍ୱାରା ଆପଣଙ୍କୁ ୧୫ ହଜାର ଟଙ୍କା, ସେହିପରି ତୃତୀୟ ସ୍ଥାନ ଅଳଙ୍କୃତ କଲେ ୧୧ ହଜାର ଟଙ୍କା ପୁରସ୍କାର ମିଳିବ ।
ତେବେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବାର ଶେଷ ତାରିଖ ରହିଛି ୧୪ ନଭେମ୍ବର,୨୦୧୮ ସନ୍ଧ୍ୟା ୫ଟା ପର୍ଯ୍ୟନ୍ତ । ଏହି କାର୍ଯ୍ୟକ୍ରମର ସମସ୍ତ ନିୟମ ଏବଂ ସର୍ତତ ଜାଣିବା ପାଇଁ ଆପଣ https://quiz.mygov.in/quiz/gandhi-quiz-hindi-version/ଲିଙ୍କକୁ ଯାଇ ଜାଣିପାରିବେ ।
କିପରି ଭାଗ ନେବେ?
ଏହି କାର୍ଯ୍ୟକ୍ରମରେ ଭାଗ ନେବାକୁ ହେଲେ ଆପଣଙ୍କୁ କେଉଁଠାକୁ ଦୌଡିବାକୁ ପଡିବ ନାହିଁ । ବରଂ ଏହି କାର୍ଯ୍ୟକ୍ରମରେ ଆପଣ ଘରେ ବସି ହିଁ ଭାଗ ନେଇପାରିବେ । ଏଥିପାଇଁ ଆପଣଙ୍କୁ Mygov.inକୁ ଯିବାକୁ ହେବ । ଏଠାରେ ଆପଣଙ୍କୁ ଗାନ୍ଧୀ କ୍ୱିଜ୍ ନାମକ ଅପସନ ଏହାର ହୋମପେଜରେ ହିଁ ମିଳିଯିବ । ଯାହା ଉପରେ ଆପଣଙ୍କୁ କ୍ଲିକ୍ କରିବାକୁ ହେବ ।
ତେବେ ଯେପରି ହିଁ ଆପଣ ଏହା ଉପରେ କ୍ଲିକ୍ କରିବେ, ଆପଣଙ୍କ ସାମ୍ନାରେ ଏକ ନୂଆ ଓିଣ୍ଡୋ ଓପନ ହୋଇଯିବ । ଏଠାରେ ଆପଣଙ୍କୁ ୧୦୦ ସେକେଣ୍ଡ ଭିତରେ ୧୦ଟି ପ୍ରଶ୍ନର ଜବାବ ଦେବାକୁ ହେବ । ଏହି ପ୍ରଶ୍ନ ବାପୁଙ୍କ ଜୀବନୀ ଏବଂ ତାଙ୍କ ଦ୍ୱାରା କରାଯାଇଥିବା କାର୍ଯ୍ୟାବଳୀ ଉପରେ ପର୍ଯ୍ୟବେଶିତ । ୱେବସାଇଟରେ ଦିଆଯାଇଥିବା ସୂଚନା ମୁତାବକ, ଆପଣ ଚାହିଁଲେ କଠିନ ପ୍ରଶ୍ନକୁ କ୍ଲିପ ମଧ୍ୟ କରିପାରିବେ । ହେଲେ ଏସବୁ ଭିତରେ ଆପଣଙ୍କୁ ଧ୍ୟାନ ରଖିବାକୁ ହେବ କି ଆପଣ ସମୟ ଥାଉ ଥାଉ ସବୁ ପ୍ରଶ୍ନର ଉତର ଦେବାକୁ ।
ଏହି କ୍ୱିଜ୍ ପ୍ରତିଯୋଗୀତା ଉଭୟ ହିନ୍ଦୀ ଏବଂ ଇଂରାଜୀ ଭାଷାରେ ହେଉଛି । ଏଭଳି ପରିସ୍ଥିତିରେ ହିନ୍ଦୀ ଏବଂ ଇଂରାଜୀ କ୍ୱିଜ ପାଇଁ ଯେଉଁ ପୁରସ୍କାର ରାଶି ମିଳିବ ତାହା ଦୁଇଟି ଯାକ ପାଇଁ ଭିନ୍ନ ଭିନ୍ନ ହେବ । ଯଦି ଆପଣ ଦୁଇଟାରେ ଭାଗ ନିଅନ୍ତି ଏବଂ ଜିତି ଯାଆନ୍ତି ତେବେ ଆପଣଙ୍କୁ ଏଥି ମଧ୍ୟରୁ କୌଣସି ଗୋଟିଏ ପାଇଁ ହିଁ ପୁରସ୍କାର ମିଳିବ ।