ଜାନୁଆରି ୩୧ରେ ଆକାଶରେ ଦିଶିବ ଦୁର୍ଲଭ ଚନ୍ଦ୍ର ! ଜାଣନ୍ତୁ ଏହି ‘ସୁପର ବ୍ଲଡ ମୁନ’କୁ ନେଇ ଲୋକଙ୍କ ମନରେ ରହିଛି କି ପ୍ରକାରର ଧାରଣା
ଜାନୁଆରି ମାସ ଶେଷ ଅର୍ଥାତ୍ ୩୧ ତାରିଖରେ ଚନ୍ଦ୍ରର ଏକ ଭିନ୍ନ ରୂପ ଦେଖିବାକୁ ମିଳିବ। ଏହାକୁ ବୈଜ୍ଞାନିକମାନେ ‘ସୁପର୍ ବ୍ଲଡ୍ ମୁନ୍’ବୋଲି କହୁଛନ୍ତି । ନାସା ପକ୍ଷରୁ ଏହି ସୂଚନା ମିଳିଛି । ନାସା ବୈଜ୍ଞାନିକମାନଙ୍କ ମୁତାବକ, ସୁପର ମୁନ୍ କାରଣରୁ ଚନ୍ଦ୍ର ପ୍ରତିଦିନ ଅପେକ୍ଷା ୧୪ପ୍ରତିଶତ ବଡ଼ ଓ ୩୦ ପ୍ରତିଶତ ଚମକ ରହିବ। ଏହି ମାସର ପହିଲାରେ ବି ସୁପର ମୁନ୍ ଦେଖିବାକୁ ମିଳିଥିଲା । ଚଳିତମାସରେ ଦ୍ୱିତୀୟ ଥର ପୁଣି ଥରେ ଚନ୍ଦ୍ରର ଏକ ଭିନ୍ନ ରୁପ ଦେଖିବାକୁ ମିଳିବ ।
Kanak News is now on WhatsApp
Join and get latest news updates delivered to you via WhatsApp
ଏହି ଦିନ ପୂର୍ଣ୍ଣ ଚନ୍ଦ୍ର ଗ୍ରହଣ ବି ପଡ଼ୁଛି । ଏଥିପାଇଁ ଏହାକୁ ‘ସୁପର ବ୍ଲୁ ମୁନ୍ ଗ୍ରହଣ’ବୋଲି କୁହାଯାଉଛି । ଭାରତୀୟ ସମୟ ଅନୁସାରେ ଜାନୁଆରି ୩୧ ତାରିଖ ସନ୍ଧ୍ୟା ୫ଟା ୧୮ମିନିଟରୁ ନେଇ ରାତି ୮ଟା ୪୨ମିନିଟ୍ ପର୍ଯ୍ୟନ୍ତ ଲୋକମାନେ ଚନ୍ଦ୍ରର ଏହି ଦୁର୍ଲଭ ଦୃଶ୍ୟକୁ ଦେଖି ପାରିବେ । ୨୦୧୮ର ଏହା ପ୍ରଥମ ଚନ୍ଦ୍ରଗ୍ରହଣ । ଏହି ଚନ୍ଦ୍ରଗ୍ରହଣର ବିଶେଷ କଥା ହେଉଛି ଚନ୍ଦ୍ର କଳା ଦେଖାଯିବା ପରିବର୍ତ୍ତେ ଲାଲ ରଙ୍ଗର ଦେଖାଯିବ ।
ତେବେ ଏହି ଘଟଣାକୁ ନେଇ ଜବାହାର ଲାଲ ନେହେରୁ ପ୍ଲେନିଟୋରିୟମର ଅଫିସର ଡାକ୍ତର.ଏଚଆର ମଧୁସୁଦନଙ୍କ କହିବାନୁସାରେ, ଗ୍ରହଣ ସର୍ବଦା ଖାସ୍ ହୋଇଥାଏ । ସୁପରମୁନ୍ ସମୟରେ ଚନ୍ଦ୍ର ବଡ଼ ହୋଇ ନଥାଏ ବରଂ ପୃଥିବୀର ନିକଟବର୍ତ୍ତୀ ହୋଇଯାଇଥାଏ । ଏଥିପାଇଁ ଚନ୍ଦ୍ରର ଆକୃତି ବଡ଼ ଦେଖାଯାଇଥାଏ । ଚନ୍ଦ୍ର ପୃଥିବୀର ବିଭିନ୍ନ ପୃଷ୍ଠରୁ ବିଭିନ୍ନ ରଙ୍ଗ ଦେଖାଯିବ। ତେବେ ଲାଲ ରଙ୍ଗ ଦେଖାଯିବାର କାରଣ ବାତାବରଣରେ ଧୂଳିକଣା ଓ ପ୍ରଦୂଷଣ ଭରି ରହିଛି । କେଉଁ କେଉଁ ସ୍ଥାନରେ ରକ୍ତ ଭଳି ଲାଲ ଓ କେତେକ ସ୍ଥାନରେ କପର ରେଡ ରଙ୍ଗର ଚନ୍ଦ୍ର ଦୃଶ୍ୟମାନ ହେବ ।
ତେବେ ବ୍ଲଡ ମୁନକୁ ନେଇ ଲୋକମାନଙ୍କ ମଧ୍ୟରେ ରହିଛି କି ପ୍ରକାରର ଭ୍ରାନ୍ତ ଧାରଣା
୧. କେତେକ ଲୋକଙ୍କ କହିବାନୁସାରେ ‘ସୁପର ବ୍ଲଡ୍ ମୁନ୍’ପ୍ରଳୟର ଚିହ୍ନ । ଏଭଳି ହେବା ଅଶୁଭ ହୋଇପାରେ ।
୨. ଆଉ କେତେକ କହୁଛନ୍ତି, ଏହା ଭୂକମ୍ପ, ବନ୍ୟା, ଭୂସ୍ଖଳନ, ମରୁଡି ଆଦି ପ୍ରାକୃତିକ ବିପର୍ଯ୍ୟୟର ସଙ୍କେତ ।
୩. ଏହି ଥରକ ଅସମାନ୍ୟ କଥା ହେଉଛି ‘ସୁପରମୁନ୍ ’ ସହିତ ଚନ୍ଦ୍ରଗ୍ରହଣ ବି ପଡ଼ିଛି ।
୪. ଏହି ପ୍ରକାର ଘଟଣା ୧୯୦୦ମସିହାରେ ପରେ ୬ଥର ୧୯୧୦,୧୯୨୮,୧୯୬୪,୧୯୮୨ ଓ ୨୦୧୫ରେ ଦେଖିବାକୁ ମିଳିଥିଲା ।