ପାଖଉଛି ନିର୍ବାଚନ, ତେଜୁଛି ବୟାନ ବାଜୀ । କେନ୍ଦ୍ରମନ୍ତ୍ରୀ କହିଲେ ଗୁଜରାଟ ଆପର ପତନ ସୁନିଶ୍ଚିତ
କନକ ବ୍ୟୁରୋ : ଯେତିକି ପାଖଉଛି ଗୁଜରାଟ ବିଧାନସଭା ନିର୍ବାଚନ ସେତିକି ଉଷ୍ମତା ଭିତରେ ରହୁଛି ରାଜ୍ୟରାଜନୀତୀ । ଜାତୀୟ ଦଳ ବିଜେପି ସହ ଆଂଚଳିକ ଦଳ ଆମ ଆଦର୍ମୀ ପାର୍ଟିର ମୁହାଁମୁହିଁକୁ ନେଇ ଏବେ ସରଗରମ ଗୁଜରାଟ ରାଜନୀତି । ଆପ ନେତାଙ୍କ ବୟାନବାଜୀ ଓ ବିଜେପିର ଜବାବକୁ ନେଇ ଏବେ ଚାଲିଛି ଆରୋପ ପ୍ରତ୍ୟାରୋପ ।
Kanak News is now on WhatsApp
Join and get latest news updates delivered to you via WhatsApp
କିଛି ଏଭଳି ଅନ୍ଦାଜରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲଙ୍କୁ ଟାର୍ଗେଟ କରିଛନ୍ତି କେନ୍ଦ୍ରମନ୍ତ୍ରୀ ସ୍ମୃତି ଇରାନୀ । ଆମ ଆଦମୀ ପାର୍ଟିର ଗୁଜରାଟ ପ୍ରଦେଶ ମୁଖ୍ୟ ଗୋପାଳ ଇଟାଲିଆ ପ୍ରଧାନମନ୍ତ୍ରୀ ଓ ତାଙ୍କ ମା ହୀରାବେନଙ୍କ ଉପରେ ଆପତିଜନକ ଟିପ୍ପଣୀ ଦେଇଥିବା ଅଭିଯୋଗ ଆଣି କେନ୍ଦ୍ରମନ୍ତ୍ରୀ କିଛି ଏଭଳି ଢଙ୍ଗରେ ବର୍ଷିଛନ୍ତି । ସମ୍ପୂର୍ଣ୍ଣ ଘଟଣା ପାଇଁ ବିଜେପି ସିଧାସଳଖ କେଜ୍ରିୱାଲଙ୍କୁ ଟାର୍ଗେଟ କରିଛି ଓ ସବୁ କିଛି ତାଙ୍କ ଇସାରାରେ ହୋଇଥିବା ବିଜେପି କହିଛି ।
କେନ୍ଦ୍ରମନ୍ତ୍ରୀ କହିଛନ୍ତି ଯେଉଁ ଭୋଟ ରାଜନୀତି ପାଇଁ ଆପ ଏଭଳି ଆପତିଜନ ଶଦ୍ଧ ପ୍ରୟୋଗ କରି ଦେଶର ପ୍ରଧାନମନ୍ତ୍ରୀ ଓ ତାଙ୍କ ମାଙ୍କୁ ଅସମ୍ମାନ ଜଣାଉଛି ତାର ଉଚିତ ଜବାବ ଗୁଜରାଟଟବାସୀ ଆଗାମୀ ନିର୍ବାଚନରେ ନିଶ୍ଚିତ ଦେବେ ।
ଘଟଣାକୁ ନେଇ ବିଜେପି ଆଇଟି ସେଲ ମୁଖ୍ୟ ଅମିତ ମାଲବୀୟଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି । ମାଲବୀୟ କହିଛନ୍ତି ମହିଳାଙ୍କ ଉପରେ ଆପତିଜନକ ଶଦ୍ଧ କହିଥିବା ଅଭିଯୋଗ ଆଧାରରେ ଗୋପାଳ ଇଟାଲିଆଙ୍କୁ ପୁଲିସ ଅଟକ ରଖି ଜେରା କରିଛି ଓ ଆଗକୁ ମହିଳା କମିଶନ ପ୍ରମାଣ ଆଧାରରେ କାର୍ଯ୍ୟାନୁଷ୍ଠାନ କରିବ । ଆପ ନେତାଙ୍କ ଏଭଳି ବୟାନ ଦେଶର ପ୍ରଧାନମନ୍ତ୍ରୀ, ମହିଳା ଓ ଗୁଜରାଟବାସୀଙ୍କ ପ୍ରତି ଅପମାନ ବୋଲି ମାଲବୀୟ କହିଛନ୍ତି ।
ଆମ ଆଦମୀ ପାର୍ଟି ଓ ବିଜେପିର ଏହି ଲଢେଇକୁ ନେଇ ପ୍ରତିକ୍ରିୟା ରଖିଛି କଂଗ୍ରେସ । ଦଳ କହିଛି ଯାହା ସବୁ ଘଟୁଛି ଏହା ପଛରେ ଉଭୟ ବିଜେପି ଓ ଆପର ହିଁ ହାତ ରହିଛି । ଦୁନିଆ ଆଗରେ ଦୁଇ ଦଳ ଡ୍ରାମା କରି ନିର୍ବାଚନ ପାଇଁ କିଭଳି ନିଜ ନିଜର ଭୋଟ ହାତେଇବେ ସେ ନେଇ ମିଳିତ ଖେଳ କରୁଥିବା କଂଗ୍ରେସ କହିଛି ।
ସେପ୍ଟେମ୍ବର ୧୩ ତାରିଖରେ ଆପ ନେତା ଗୋପାଳ ଇଟାଲିଆଙ୍କ ଏକ ଭିଡିଓକୁ ନେଇ ତୁମ୍ବି ତୋଫାନ ଦେଖା ଦେଇଥିଲା । ଭିଡିଓରେ ଆପ ନେତା ପ୍ରଧାନମନ୍ତ୍ରୀଙ୍କୁ ନିଚ୍ ଓ ତାଙ୍କ ମା ହୀରାବେନଙ୍କୁ ଡ୍ରାମେବାଜ କହୁଥିବା ଦେଖିବାକୁ ମିଳିଥିଲା । ସେପଟେ ଯେଉଁ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା, ସେ ଟ୍ୱିଟର୍ ଆକାଉଂଟ ତାଙ୍କର ନୁହେଁ ବୋଲି ଇଟାଲିୟା କହିଥିଲେ ।