ମଧ୍ୟପ୍ରଦେଶରୁ ଆସିଲା ଲୋମ ଟାଙ୍କୁରା ଘଟଣା, ଜମିଜମା ବିବାଦରୁ ଗୋଟିଏ ପରିବାରର ୬ଜଣଙ୍କୁ ଗୁଳିକରି ହତ୍ୟା
କନକ ବ୍ୟୁରୋ : ମଧ୍ୟପ୍ରଦେଶ ମୁରେନାରୁ ଆସିଛି ଲୋମଟାଙ୍କୁରା ଘଟଣା । ଏଠାରେ ଜମି ଜମା ବିବାଦକୁ ନେଇ ଗୋଟିଏ ପରିବାରର ୬ଜଣଙ୍କୁ ଗୁଳିକରି ହତ୍ୟା କରାଯାଇଛି । ଏହାସହ ଦୁଇଜଣ ଏବେ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ମୁରେନାର ସିଂହୋନିଆ ଥାନା ଅର୍ନ୍ତଗତ ଲୋପା ଗାଁରେ ଶୁକ୍ରବାର ସକାଳେ ଧୀର ସିଂ ନାମକ ଜଣେ ଯୁବକ ମାରଣାସ୍ତ୍ର ସହ ଗଜେନ୍ଦ୍ର ସିଂଙ୍କ ଘର ଭିତରେ ପଶି ଯାଇଥିଲା । ଏକ ପୁରୁଣା ମାମଲାକୁ ନେଇ ଲାଗିଥିବା ବିବାଦ ଭିତରେ ଧୀର ସିଂ ଗଜେନ୍ଦ୍ର ସିଂଙ୍କ ପରିବାରର ୬ଜଣଙ୍କୁ ଗୁଳି କରିଦେଇଥିଲା । ସେମାନଙ୍କ ମଧ୍ୟରେ ୩ଜଣ ମହିଳା ଓ ୩ଜଣ ପୁରୁଷ ଥିଲେ । ଗୁଳି ବାଜିବା ପରେ ଘଟଣା ସ୍ଥଳରେ ୫ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ମହିଳାଙ୍କର ମେଡିକାଲରେ ମୃତ୍ୟୁ ହୋଇଛି । ଏହାସହ ଏବେ ବି ଦୁଇଜଣ ଗୁରୁତର ଅବସ୍ଥାରେ ମେଡିକାଲରେ ଅଛନ୍ତି । ଘଟଣାର ସୂଚନା ପାଇବା ପରେ ପୋଲିସ ଟିମ୍ ସେଠାରେ ପହଂଚି ତଦନ୍ତ କରୁଛି । ସେପଟେ ଗୁଳି ମାରିବା ପରେ ଅପରାଧୀ ଜଣଙ୍କ ଗାଁ ଛାଡି ଫେରାର ହୋଇଯାଇଛି ।