ସୋସିଆଲ ମିଡିଆ ପ୍ଲାଟଫର୍ମ ‘ମେଟା’କୁ କୋର୍ଟଙ୍କ କଟାକ୍ଷ । ସରକାରୀ ବିଭାଗ ଠାରୁ ‘ମେଟା’ ଖରାପ କାମ କରୁଥିବା କହିଲେ କୋର୍ଟ
କନକ ବ୍ୟୁରୋ : ଦିଲ୍ଲୀ ହାଇକୋର୍ଟ ମଙ୍ଗଳବାର ଦିନ ପେସବୁକ୍, ଇନଷ୍ଟାଗ୍ରାମ ଓ ହ୍ୱାଟସଆପର ମୂଳ କମ୍ପାନୀ ‘ମେଟା’ ଉପରେ ବର୍ଷିଛନ୍ତି । କୋର୍ଟ କହିଛନ୍ତି କି, ମେଟାର କାମ କରିବା ତରିକା ସରକାରୀ ବିଭାଗ ଠାରୁ ମଧ୍ୟ ଖରାପ । ଏକ ଜାତୀୟ ଗଣମାଧ୍ୟମ ଦ୍ୱାରା ଅଣାଯାଇଥିବା ଅଭିଯୋଗ ଉପରେ ଶୁଣାଣି କରି କୋର୍ଟ ଏଭଳି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଟିଭି ଟୁଡେ ନେଟୱର୍କର ହାରପରର୍ସ ବଜାର ଇଣ୍ଡିଆ ଇନଷ୍ଟାଗ୍ରାମ ପେଜ ମେଟା ତରଫରୁ ବ୍ଲକ କରାଯାଇଥିଲା । ଏହି ମାମଲାରେ ଦିଲ୍ଲୀ ହାଇକୋର୍ଟର କାର୍ଯ୍ୟକାରୀ ମୁଖ୍ୟ ବିଚାରପତି ଜଷ୍ଟିସ ମନମୋହନ ଓ ଜଷ୍ଟିସ ମନମୀତ ପିଏସ ଅରୋରାଙ୍କ ବେଂଚ କହିଛନ୍ତି କି, ଯଦି ଗଣମାଧ୍ୟମର ଅଭିଯୋଗ ଉପରେ ମେଟା ଶୁଣାଣି କରିବାରେ ବିଳମ୍ବ କରୁଛି ତେବେ ଏହା ସ୍ପଷ୍ଟ ଯେ ସୋସିଆଲ ମିଡିଆ ପ୍ଲାଟଫର୍ମ ମେଟା ଟିଭି ଟୁଡେ କାଉନସିଲକୁ ଅବମାନନା କରୁଛି ।
ଏହାକୁ ନେଇ କୋର୍ଟ ମେଟା ଉପରେ ପ୍ରବଳ ବର୍ଷିଛନ୍ତି । କୋର୍ଟ କହିଛନ୍ତି କି ମେଟା କୌଣସି ସରକାରୀ ବିଭାଗ ଠାରୁ ମଧ୍ୟ ଖରାପ କାମ କରୁଛି । ଏହାସହ କୋର୍ଟ କହିଛନ୍ତି କି, ମେଟା ତାର ବ୍ୟବସ୍ଥାକୁ ସୁ ବ୍ୟବସ୍ଥିତ ରଖିବାକୁ ପଡିବ , ନହେଲେ କୋର୍ଟ ମେଟାକୁ ଦଣ୍ଡିତ କରିବାକୁ ଆଦେଶ ଦେଇପାରେ ।
ଟିଭି ଟୁଡେ ନେଟୱର୍କ ତରଫରୁ ଦିଲ୍ଲୀ ହାଇକୋର୍ଟରେ ମେଟା ବିରୋଧରେ ଏକ ଅଭିଯୋଗ କରାଯାଇଥିଲା । ଏଥିରେ କୁହାଯାଇଥିଲା କି, ତୃତୀୟ ପକ୍ଷ କପି ରାଇଟ ଆଧାରେ ଇନଷ୍ଟାଗ୍ରାମ ପେଜ୍ ବ୍ଲକ କରାଯାଇଥିଲା । ଏହା ସହ ଆବେଦନକାରୀଙ୍କ ତରଫରୁ ସୂଚନା ପ୍ରଯ୍ୟୁକ୍ତିବିଦ୍ୟା ୨୦୨୧ ନିୟମ ୩ (୧)(ସି) ର ସାମ୍ବିଧାନିକତାକୁ ଚ୍ୟାଲେଞ୍ଜ କରାଯାଇଥିଲା ।