କନକ ବ୍ୟୁରୋ : ଭାରତ ଓ ପାକିସ୍ତାନ ମଧ୍ୟରେ ଅଗଷ୍ଟ ୨୮ ତାରିଖରେ ଏସିଆ କପର ମୁକାବିଲାରେ ମୁହାଁମୁହିଁ ହେବାକୁ ଯାଉଛନ୍ତି । ଟି-୨୦ ଫର୍ମାଟରେ ଆୟୋଜିତ ହେଉଥିବା ଏହି କପରେ ଉଭୟ ଭାରତୀୟ ଓ ପାକିସ୍ତାନର ମଧ୍ୟରେ ମୁକାବିଲା ଦେଖିବାକୁ ପ୍ରଶଂସକମାନେ ଉତ୍ସୁକ ଅଛନ୍ତି । ଏହାରି ମଧ୍ୟରେ ପାକିସ୍ତାନର ପୂର୍ବତନ ବୋଲର ସୋଏବ ଅଖତର ଏକ ଚମକାଇ ଦେବା ଭଳି ଖୋଲାସା କରିଛନ୍ତି । ଏହା ଭାରତୀୟ କ୍ରିକେଟ ଟିମର ଭଗବାନ କୁହାଯାଉଥିବା ସଚ୍ଚିନ ତେନ୍ଦୁଲକରଙ୍କୁ ନେଇ ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନୀ ବୋଲର ସୋଏବ ଅଖତାର ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେବା ବେଳେ କହିଛନ୍ତି କି ସେ ସଚ୍ଚିନ ତେନ୍ଦୁଲକରଙ୍କୁ ଜାଣି ନଥିଲେ । ସଚ୍ଚିନଙ୍କ ବାବଦରେ ତାଙ୍କୁ ସକଲେନ ମୁସ୍ତେକ ଜଣାଇଥିବା କଥା ସେ କହିଛନ୍ତି । ସେ କହିଥିଲେ କି ମୁସ୍ତେକ ତାଙ୍କୁ ଜଣାଇଥିଲେ କି ସଚ୍ଚିନ ତେନ୍ଦୁଲକର ବିଶ୍ୱର ଜଣେ ବହୁତ ବଡ ବ୍ୟାଟ୍ସମ୍ୟାନ ।
ସୋଏବ ଆହୁରି କହିଥିଲେ କି ମୋତେ ସଚ୍ଚିନଙ୍କ ବାବଦରେ ଜଣା ନଥିଲା କାରଣ ମୁଁ ସବୁବେଳେ ମୋ ଦୁନିଆରେ ନିଜକୁ ହଜାଇ ରଖୁଥିଲି । ମୁଁ ସର୍ବଦା କିଭଳି ଅଧିକ ବେଗରେ ବଲ ପକାଇବି ତାହାକୁ ନେଇ ଅଭ୍ୟାସ ଜାରି ରଖିଥିଲି ।
ସୋଏବଙ୍କ ମତରେ ସମସ୍ତ ପାକିସ୍ତାନ ଖେଳାଳୀଙ୍କର ଗୋଟିଏ ଲକ୍ଷ୍ୟ କିଭଳି ଦଳକୁ ବିଜୟୀ କରାଯାଇ ପାରିବ । କାରଣ ଦଳ ବିଜୟୀ ହେଲେ ଖେଳାଳୀମାନେ ଷ୍ଟାର ହୋଇପାରିବେ । କହିରଖୁ କି କ୍ରିକେଟ ପଡିଆରେ ସୋଏବ ଅଖତର ଓ ସଚ୍ଚିନଙ୍କ ମଧ୍ୟରେ ଖେଳ ଦେଖିବାକୁ ଲୋକମାନେ ସେତେବେଳେ ଖୁବ୍ ଉତ୍ସାହିତ ଥିଲେ ।
ସେପଟେ ଯଦି ଏସିଆ କପ୍ କଥା କୁହାଯିବ ତେବେ ଏହି ଟୁର୍ଣ୍ଣାମେଣ୍ଟ ସର୍ବଦା ଟି -୨୦ ଫର୍ମାଟରେ ଖେଳାଯାଏ । ଚଳିତ ସିଜିନରେ ଏହି ଟୁର୍ଣ୍ଣାମେଣ୍ଟ ୟୁଏଇ ଠାରେ ଖେଳାଯିବ । ଚଳିତମାସ ୨୭ ତାରିଖରୁ ଏହି ଟୁର୍ଣ୍ଣାମେଣ୍ଟ ଆରମ୍ଭ ହେବାକୁ ଯାଉଥିବା ବେଳେ ୨୮ ତାରିଖରେ ଭାରତ ଓ ପାକିସ୍ତାନ ମଧ୍ୟରେ ମ୍ୟାଚ ଖେଳାଯିବ ।