କନକ ବ୍ୟୁରୋ : ନିଆଳି ପରେ ଆଳିପିଙ୍ଗଳରେ ଅଜଣା ଜୀବର ଆକ୍ରମଣରେ ପୁଣି ମେଣ୍ଢା ମୃତ୍ୟୁ । ଅଜଣା ଜୀବର ଟେର ପାଉନି ବନବିଭାଗ । ରାୟଙ୍କପାଟଣା ଗାଁର ପ୍ରତାପ ଦାସଙ୍କ ୧୨ଟି ମେଣ୍ଢା ମୃତ୍ୟୁ ହୋଇଥିବା ୩ଟି ମେଣ୍ଢା ଆହତ ଅଛନ୍ତି । ଏହାକୁ ନେଇ ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି ହୋଇଛି । ଗତ ୨୦ ଦିନ ତଳେ ୯ଟି ମେଣ୍ଢା ମରିଥିଲା । ପୁଣି ଆଜି ୧୨ଟି ମେଣ୍ଢାର ମୃତ୍ୟୁ ଫଳରେ ଗାଁରେ ଆତଙ୍କ ଖେଳିଯାଇଛି । ରାତି ପ୍ରାୟ ୨ଟା ବେଳେ ଏହି ଘଟଣା ଘଟିଥିବା ପ୍ରତାପ ଦାସ କହିଛନ୍ତି । ଏହି ଘଟଣା ପରେ ସକଳୁ ପ୍ରାଣୀ ଚିକିତ୍ସକ ପକ୍ଷରୁ ଏକ ଟିମ୍ ଘଟଣା ସ୍ଥଳରେ ପହଁଚି ଆହତ ମେଣ୍ଢାକୁ ଚିକିତ୍ସା କରିଛି ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ମୃତ ମେଣ୍ଢା ଗୁଡିକୁ ବ୍ୟବଛେଦ ପାଇଁ ପରୀକ୍ଷା କେନ୍ଦ୍ରକୁ ନିଆ ଯାଇଥିବା ପ୍ରାଣୀ ଚିକିତ୍ସା ଅଧିକାରି କହିଛନ୍ତି । ମେଣ୍ଢା ମୃତ୍ୟୁର ଏ ଯାଏ କୌଣସି କ୍ଷତିପୂରଣ ମିଳିନାହିଁ । ପୁଣି ଏତେ ସଂଖ୍ୟକ ମେଣ୍ଢାଙ୍କ ମୃତ୍ୟୁ ଫଳରେ ମେଣ୍ଢା ବ୍ୟବସାୟୀଙ୍କ ମେରୁଦଣ୍ଡ ଭାଙ୍ଗିଯାଇଛି । ଏପଟେ ବନ ବିଭାଗ ପକ୍ଷରୁ ଏ ଯାଏଁ କୌଣସି ଅଧିକାରୀ ଗାଁରେ ପହଁଚି ନାହାନ୍ତି । କ୍ଷତି ପୁରଣ ଦାବି ରେ ଗ୍ରାମବାସୀ ମାନେ ଆନ୍ଦୋଳନକୁ ଓହ୍ଲାଇବେ ବୋଲି ଧମକ ଦେଇଛନ୍ତି । ନିଆଳିରେ ଶହ ଶହ ମେଣ୍ଢା ମଲେ, ଆଉ ଏବେ ଆଳିପିଙ୍ଗଳରେ ମଧ୍ୟ ଅଜଣା ଜନ୍ତୁଙ୍କ ଆକ୍ରମଣରେ ମେଣ୍ଢା ମୃତ୍ୟୁ ହେଉଥିବା ବେଳେ ଅଜଣା ଜନ୍ତୁଙ୍କ ଧରିବାରେ ଫେଲ ମାରିଛି ବନ ବିଭାଗ ।