ଚମତ୍କାର ଷ୍ଟାଡିୟମ, ରୋମାଞ୍ଚକର ମ୍ୟାଚ୍! ପଡିଆରେ ସେଲଫି ନେଲେ, ନବୀନଙ୍କ ସହ ବସି ମ୍ୟାଚ୍ ଉପଭୋଗ କଲେ ସଚିନ ତେନ୍ଦୁଲକର
କନକ ବ୍ୟୁରୋ : କଳିଙ୍ଗ ଷ୍ଟାଡିୟମରେ ସଚିନଙ୍କ ସେଲଫି । ହକି ବିଶ୍ୱକପର ଫାଇନାଲରେ ମୁଖ୍ୟ ଅତିଥି ଭାବେ ଯୋଗ ଦେବାକୁ ଆସିବାକୁ ଥିବା ସଚିନ କଳିଙ୍ଗ ଷ୍ଟାଡିୟମରେ ମ୍ୟାଚ୍ ଦେଖିବା ସହ ସେଲଫି ନେବାକୁ ଭୁଲିନାହାନ୍ତି । ଏପରିକି ଏହି ସେଲଫିକୁ ନିଜ ଟ୍ୱିଟର ହ୍ୟାଣ୍ଡେଲରେ ପକାଇବାକୁ ଭୁଲି ନାହାନ୍ତି ସଚିନ୍ । ଏହାସହ ହକିକୁ ନେଇ ଭୁବନେଶ୍ୱରରେ ଯେଉଁ ମାହୋଲ ରହିଛି ତାହାକୁ ବେଶ ପ୍ରଂଶସା କରିଛନ୍ତି ମାଷ୍ଟର ବ୍ଲାଷ୍ଟରଫ
Kanak News is now on WhatsApp
Join and get latest news updates delivered to you via WhatsApp
Crazy atmosphere at the Kalinga Stadium, Bhubaneswar for the Men’s #HWCFinal2018! Loving the energy and the passion for hockey in this stunning stadium! 👏🏼
Kudos to @Naveen_Odisha & @TheHockeyIndia for putting up this world class event! 😃#BELvNED @sports_odisha @FIH_Hockey pic.twitter.com/hZOvGzTkJT
— Sachin Tendulkar (@sachin_rt) December 16, 2018
ହକି ବିଶ୍ୱକପର ଶେଷ ଲଢେଇର ସାକ୍ଷୀ ସାଜିଥିବା ସଚିନ ତେନ୍ଦୁଲକର ଉଭୟ ହକି ଇଣ୍ଡିଆ ଓ ଓଡିଶା ସରକାରଙ୍କୁ ବେଶ ପ୍ରଂଶସା କରିଛନ୍ତି । ରାଜ୍ୟ ସରକାର ଏଭଳି ଏକ ବିଶ୍ୱସ୍ତରୀୟ ଟୁର୍ଣ୍ଣାମେଣ୍ଟ ଆୟୋଜନ କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକୁ ବେଶ ପ୍ରଂଶସା କରିଛନ୍ତି ସଚିନ । ଏହାଛଡା ହକି ଇଣ୍ଡିଆକୁ ମଧ୍ୟ ଧନ୍ୟବାଦ ଦେବାକୁ ଭୁଲିନାହାନ୍ତି ସଚିନ୍ ।
ଖାସକରି ଗତ ୮ ବର୍ଷ ମଧ୍ୟରେ ଭାରତ ଦୁଇ ଦୁଇଟି ବିଶ୍ୱକପ ଆୟୋଜନ କରି ବିଶ୍ୱରେ ଏକ ଭିନ୍ନ ପରିଚୟ ସୃଷ୍ଟି କରିଥିବା କହିଛନ୍ତି ସଚିନ୍ । ଏହାଛଡା ହକିର ଗଡ ଓଡିଶାରେ ହକିକୁ ନେଇ ଏକ ଭିନ୍ନ ବାତାବରଣ ରହିଛି । ଏଠାକାର ଲୋକଙ୍କ ମନରେ ହକିକୁ ନେଇ ଜବରଦସ୍ତ କ୍ରେଜ ରହିଛି । ଆଉ ଏଭଳି ଏକ ସ୍ଥାନକୁ ଆସି ମୁଁ ଗର୍ବିତ ବୋଲି କହିଛନ୍ତି ସଚିନ୍ ।
ଫାଇନାଲ ମ୍ୟାଚ୍ ଆରମ୍ଭ ହେବା ପୂର୍ବରୁ କଳିଙ୍ଗ ଷ୍ଟାଡିୟମରେ ପହଞ୍ଚିଥିଲେ ସଚିନ୍ । ଆଉ ସଚିନଙ୍କ ଷ୍ଟାଡିୟମରେ ପାଦ ଦେବା ମାତ୍ରେ ପୂରା ଷ୍ଟାଡିୟମ ସଚିନ ନାରାରେ ପ୍ରକମ୍ପିତ ହୋଇ ଉଠିଥିଲା । ଆଉ ସଚିନ ମଧ୍ୟ ଦର୍ଶକ ମାନଙ୍କୁ ନିରାଶ କରିନଥିଲେ । ବାହାରକୁ ଆସୁ ଲୋକଙ୍କୁ ହାତ ହଲାଇ ଉଭୟ ଟିମକୁ ଚିୟରଅପ କରିବାକୁ କହିଥିଲେ । ଆଉ ଏହାପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ବସି ମ୍ୟାଚ୍ ଉପଭୋଗ କରିଥିଲେ ସଚିନ୍ ।